鬼故(真人真事)

好多人講有鬼係身邊係聞到臭味，原來唔係中國人有呢種講法，鬼佬都係咁講．

我以前係洛杉機住左一排，我同個白人女士租左佢間屋嘅一間房住，我個 landlady比較靜，
唔多講嘢，不過你有事問佢，佢就會好樂意咁幫我．

我因為怕黑，最初嗰一兩個月都係開住燈瞓，有一晚半夜我在睡夢中比人狠狠咁”惺”左兩大巴係
塊面度，我驚醒之下張開眼望，冇人，房燈開住，係我自己開嘅，電視機開住，只係有雪花，唔係
我開嘅喎！ 塊面重赤赤痛，我用手想摸下，但係唔得，全身都硬左咁，我知到呢ｄ可能係
比鬼”擲”，我當時好驚，不過我就耐心等，等我郁得翻，睇真ｄ，間房冇野，我起牀去關電視，
再瞓．

第二朝晨早我走去問 landlady, 我希望佢可以安慰下我，等我安心ｄ，點知佢聽到就話”係呀！
我間屋有鬼，我都見過好多次！””佢有時出現，我會聞到有尿味，重有，會聽到ｗｅｗｅ聲架，
由遠而近，就係佢行緊過黎呀！”

oh my god!　唔問由自可，問左重驚

要出街＠！

嘩，真係唔知好過知囉！你有冇即刻搵地方搬？

嘩~~~  同'佢地' 分租喎, 個ladylady應該俾你平租喎~

話說我朋友o向我度住左一個星期之後，決定搬番去自己屋企。於是周末o既時候，我地就三個人加一隻狗(親善大使 - 靚女)浩浩蕩蕩咁去佢屋企！我千叮萬囑靚女要好好陪住我朋友，半夜三更咪亂叫，如果唔係好容易嚇死人！

如是者風平浪靜左兩、三日，朋友電話到！

“喂？”
“喂！點呀？靚女乖唔乖呀？有冇o向你度尿尿啊？”
“佢好乖，晚晚o向我床邊陪我訓，不過….”
(一聽到"不過" 兩個字，我個心都即刻沉一沉！)
“佢半夜三更吠，又走出走入、眼又唔知望住D乜咁！”
“係咪垃圾婆倒垃圾呀？唔好自己嚇自己喎！”
“我呢到十點幾就倒垃圾，但靚女半夜兩三點吠！”
“佢係咪向住門口吠呀？或者有人呢？陌生地方，佢可能唔慣。冇野o既！”
“佢有時o向房行來行去，又定哂眼望住個房門口！又或者走出聽向住空氣吠。我後尾都唔開房門訓，等佢出唔到廳。”
“你考唔考慮帶我隻狼狗跟你住一排啊？”
“唔，唔好啦！我攪佢唔掂。得o架啦！我訂左隻BB狗，過多一、兩個禮拜就到0架啦！到時靚女可以番屋企！”

事實上我都好鬼佩服我呢個朋友，實則佢個膽唔係好大，但我唔明佢點樣再o向o個度住落去！

又就咁又過左兩個禮拜。靚女仍然會半夜三更o向間房行黎行去，心神不定咁，但今日之後靚女就可以番屋企啦！因為朋友隻BB狗到左！

細節野唔講啦！幾日之後，朋友電話又到！

“BB點呀！可唔可愛？聽唔聽話呢？”
“OK啦！笨o下笨o下咁囉！不過…..”
(救命！又不過！咁點算呀！唔係辦法播！)
“……………?”
“佢夜晚訓刻訓下會走左出廳，”理”埋o向梳化低訓到天光至出番黎！”
“o下，唔係化？咁你打算點呀？”
“我想搬呀！你今個 weekend 可唔可以入黎陪我睇屋呀？”

其實我唔係好讚成佢仲住離島，但佢又唔鐘意住市區，又硬頸，我都冇辦法。
終於，o向幾個星期之後，佢就搬左啦！

事件好似暫時告一段落！

不過……………………

後記，BB狗一日一日長大，梳化底其實已經唔係好o岩佢訓，但佢堅持要訓o個度，直至搬左屋至唔訓！

不過~~~~  你玩得水母好慘呀~~~

你今次又打字打左幾耐呀?

[ 本帖最後由 kim 於 2007-8-24 11:59 編輯 ]

一個鐘多D啦！咁又要做o下野呢！好在老細去左開會，如果唔係仲耐呀！

繼續……………………..

新居住左幾個月，我間唔時都有去探o下佢同睇o下BB！日子好似幾太平！但後來我覺得朋友語氣有D轉軑，好似想搬出市區。於是睇屋行動又再開始！

又幾個月之後，佢終於搬左出市區！一切回復正常！我地都少左見面同通電話。但有一日佢打比我….佢話晚晚都訓唔到，精神差左，因為晚晚都聽到聲。

“o下？咩聲啊？”
“敲牆聲，晚晚訓到咁上o下就o向我耳邊幅牆度敲，一張開眼望就會冇左聲！

如是者佢次次都有D新鮮野。以前就係隻狗至感應到或聽到有聲/有野！過得一年半哉就到佢自己都聽到！仲要係越黎越唔怕佢，初初張開眼會即刻冇聲，過得一排，"佢地"采你都傻，你有你驚，佢(地)有佢地嘈！

跟住…………..嘩！真係唔好講笑，我後來聽到佢話………………………

寶瓶....加油!!   

大半個上午都用左黎講鬼故，比我老細知道實叫我轉工都得囉！

我會努力o架啦！

原帖由 Monse 於 2007-8-23 10:05 發表
我同學既細妹係唔知幾時開始就有陰陽眼佢可以睇到果D野，我係後期才知道，有時回家途中碰到佢我會即刻同佢講：得家啦，你見到咩都唔洗講我知，傾吓其他就得家啦，佢都知我驚所以佢都好識做唔講既，記得有一次大白天見到佢就好奇地 ...

有時好難扮ga，我有個 friend做領隊，時時都睇到，仲要係走東南亞團....
最惨嘅就係佢見親果 d都唔係 "正常"樣...
有次約食飯，行行吓佢突然唔出聲，頭耷耷緊    估佢又見到果 d嘢，到食飯果陣
我仲笑佢 "驚乜喎~ 成日都見啦！"  
"頭先果件膊頭砍住把刀，流晒蚊飯...."

[ 本帖最後由 noel 於 2007-8-24 12:56 編輯 ]

我隻西施狗阿寶都見到個d野,一見到就成個身彈起追住黎吠,有次成家0係度睇電視佢就追住窗邊條牆線來回係咁吠,我就比佢嚇到一手抱住佢,但佢都仲用個頭追住係咁吠,最後對住個窗成咁吠..............我諗走左啦~~
有一年農曆7月14日又係咁,夜晚放工返到屋企得返我同阿寶0係屋企,沖涼個陣我都唔敢關門就咁沖,沖沖下阿寶0係我廁所門右邊對住廁所門左邊好惡咁係咁吠,佢咁樣我知咩事啦,心諗死啦~~~~~眼見阿寶又成咁吠,自己又驚喎,咪伸個頭出去扮望下咩事啦,又叫阿寶過黎比我摸下,叫佢唔好吠,可能"佢"見我望左出去啦,所以走左排,阿寶就冇再吠,只係訓0係廁所門口~~~~~~~阿寶一向都好懂性深得客人歡心,又唔會咬人對小朋友小動物又好愛護,但一見到呢d野佢就會成咁吠架啦

[ 本帖最後由 羊咩咩 於 2007-8-24 13:08 編輯 ]

毛管樹起哂啦！

續..............

佢開始發夢，夢見一個男人。唔係D恐怖爛面樣o黎o既。但差不多晚晚都見到佢。

開頭就好似係有畫冇聲！但過得一頭半過月，佢話個男人o向個夢裡面摸佢！仲話好鐘意佢喎！

(死未！呢次死得啦！)

佢話個男人越黎越過份(如果你明我講乜o既話！)。 結果我個朋友真係頂唔住啦！亦都發覺事情唔係咁簡單，於是搵人幫手整走"佢" (其間來來回回不斷要重複件事比人聽、搵人幫手，又有朋友借出家傳定驚玉佩、又要去拜神、又要見高人、諸如此類，真係不能盡錄！) 後來我聽到o既就係佢又佛鍊、又封屋、又封身咁一大堆我唔係好明o既野！

不過都好，件事好似告一段落！有"一陣"太平日子過o下。

(亦都發覺事情唔係咁簡單，於是搵人幫手整走"佢" (其間來來回回不斷要重複件事比人聽、搵人幫手，又有朋友借出家傳定驚玉佩、又要去拜神、又要見高人、諸如此類，真係不能盡錄！) 後來我聽到o既就係佢又佛鍊、又封屋、又封身咁一大堆我唔係好明o既野！) 黎一殷就正好於2004年發生在我身上情節還要複雜D，我都唔想再提啦，自始我唔再去睇恐怖電影或電視劇連有關既小說都唔睇，以前無宗教信仰而家請左觀音回家早晚供奉，星期日(七月十四日)要燒街衣，我以前都估唔到自己會做埋 (拜神呀、燒衣.........)黎野。

係，真係複雜好多，又要按時晨燒野！又要買齊五色果由屋企出發，仲要去一個好旺o既路口燒，燒完仲要唔可以番轉頭行，一定要行一個圈咁番屋企！正係度路線，揀時間都玩死左！

原帖由 虛宿寶瓶 於 2007-8-24 14:44 發表
係，真係複雜好多，又要按時晨燒野！又要買齊五色果由屋企出發，仲要去一個好旺o既路口燒，燒完仲要唔可以番轉頭行，一定要行一個圈咁番屋企！正係度路線，揀時間都玩死左！ ...

乜咁複雜 ga...

原帖由 虛宿寶瓶 於 2007-8-24 11:39 發表
嘩，真係唔知好過知囉！你有冇即刻搵地方搬？

冇啊! 其實我唔太信鬼神呢樣嘢! 我嘗試幫自己解釋比鬼"擲"係自己個腦局部甦醒嘅不協調反應,
比人惺兩巴可能係突然間塊面嘅神經抽筋啦(都似乎好科學化).

個 landlady 好信自己屋企有鬼,但佢話隻鬼只係百厭,唔會害人喎! 佢話有一次佢同男朋友一齊見到
自己房個枕頭由房間飛出黎,佢個房係冇人架! 所以佢好信, 但從來都冇親眼見隻鬼現身.

原帖由 kim 於 2007-8-24 11:50 發表
嘩~~~  同'佢地' 分租喎, 個ladylady應該俾你平租喎~

係喎! 點解唔同佢講價呢? 當時租金都幾貴架喎!

原帖由 羊咩咩 於 2007-8-24 13:03 發表
我隻西施狗阿寶都見到個d野,一見到就成個身彈起追住黎吠,有次成家0係度睇電視佢就追住窗邊條牆線來回係咁吠,我就比佢嚇到一手抱住佢,但佢都仲用個頭追住係咁吠,最後對住個窗成咁吠..............我諗走左啦~~
有一年 ...

...... ......