洗腦講座

幾年前我比個客以高價推左落火坑,參加左一個無里頭,但貴到死0既"課程"
"課程"大約係敎人(其實係洗腦)呢個世界係冇受害者,受害者反而要負責任
當時發生左世界大事,死左好多人
個排講師(佢地自稱義工)攞住份報紙大大聲聲話個班死者,死者家人冇一個係受害者,佢地自己要負責......我都諗到頭都爆,天災冇人想,點解佢地唔係受害者,仲要佢地負責任?負責任自己起返d屋喎...
我問佢:有個病人意外入左醫院,一直醒唔返,有個謢士未訓醒同個病人打左支愛滋針,咁邊個負責?
佢答我:個病人唔係受害者,佢都要負責任,佢0既責任就係原諒呢個謢士.....<~~~~~白痴,唔駛再聽落去
呢班自稱義工0既講師收得好貴,講野直頭冇思維,介紹我入去0個個客仲比我閙,個客又話佢地好好人,好比心機諗野講,為大家好,唔係為錢.....義工都咁幫人(咁又收咁貴?d錢去左邊?)最後個堂(五堂)我定唔順話要走,佢地唔比我走喎,仲話我唔負責任(大佬我比錢架)攪到我話要打三條九至比我走
即日開始我個腦d思維亂晒,周圍問人/講返佢地d理論,比你會點做,點諗,亂左差唔多半年有多
我朋友都話再咁落去入得青山,我話唔係喎,好多人信佢地個套喎......

呢啲咪係有無 EQ/IQ 既分別囉！

咁似 d邪教理論ge 你個客d心理好似有d問題wo~

原帖由 bbcat 於 2008-6-27 02:24 發表
咁似 d邪教理論ge 你個客d心理好似有d問題wo~

邪教..我都係第一時間諗到
姐係你打劫人地或偷人錢
係人地保安差或是d錢擺得太顯眼的問題啦
殺人就係個人真係衰樣衰啦- -
強姦就話另一邊著得太少布或是佢主動引誘你
係唔係咁o既意思?!

我叫呢d做加強信心課程.
呢d講者，義工？收得錢就唔係義工啦，佢地就係呢ｄ課程搞手，自己開鋪頭梗係話自己無得賺架！
我有個朋友，佢個私人樂器學生係本地一個有錢 banker, 朋友上佢屋企教樂器，每次都受到佢太太好nice咁招呼，這個banker也說跟老婆生活十多年了，一路都好恩愛．可惜過了年多，佢太太就參加呢ｄ咁既課程個多月後，就要同老公離婚，話佢生存落去就唔可以靠有錢既男人，呢ｄ係乜野道理呀？？？
唉．．．．

其實呢個課程改一改名就會有好多人去俾錢上堂

卸鑊保身法

原帖由 kim 於 2008-6-27 01:54 發表
我叫呢d做加強信心課程.
呢d講者，義工？收得錢就唔係義工啦，佢地就係呢ｄ課程搞手，自己開鋪頭梗係話自己無得賺架！
我有個朋友，佢個私人樂器學生係本地一個有錢 banker, 朋友上佢屋企教樂器，每次都受到佢太太好nice咁招呼，，這個banker也說跟老婆生活十多年了，一路都好恩愛．可惜過了年多，佢太太就參加呢ｄ咁既課程個多月後，就要同老公離婚，話佢生存落去就唔可以靠有錢既男人，呢ｄ係乜野道理呀？？？
唉．．．．

其實哩句嘢冇問題，係個女人冧歪咗，使乜離婚？
自己去做D 對子女﹑家庭﹑社會和國家有益的事，未嘗不可。

原帖由 八王爺 於 2008-6-27 09:16 發表


其實哩句嘢冇問題，係個女人冧歪咗，使乜離婚？
自己去做D 對子女﹑家庭﹑社會和國家有益的事，未嘗不可。

朋友講，banker個老婆一晚上完堂回家，無端端跟他說，跟他一起會阻礙自己的潛能發揮，所以要離婚，但可以做情人，做番朋友！！！　難道有愛就唔可以發揮潛能架？！　哈～　真係超低能勁攪笑．

又有個朋友，佢係做 sales，又係參加ｄ咁既課程，貴得來仲想屈埋我地呢班朋友俾錢陪佢上堂，話呢個課程可以把我地既潛能推到最高，又話可以把不可能的事變為有可能（impossible?小太空人計劃？)，又話可以訓練 EQ (俾咁多錢來訓練EQ，不如捐俾公益金好過～）
我地家下見到手電 show到佢電話都驚，立即飛線．

當時個客可能好心見我個排唔係咁開心(d客講無理唔開心姐)
佢成日落去舖頭同我講野(洗我腦)0係舖頭做下一兩個鐘義工,實質左住晒
後尾連佢老公同埋個女都落埋黎幫手洗腦,我一早表明唔開心係因為d客問題,幫唔到d咩喎~又貴到攪錯晒,問佢咁落力係咪有佣收,佢話唔係,做好人喎.......去"上堂"時,個客驚死我走佬,仲夾住我一齊坐的士由宫塘坐去尖沙咀
話我入得青山0個位朋友話我只係上左短短12小時就有咁多問題問(個排我成日講""負責任"同"受害者"),要開心好易,將個筆"學費"請埋佢去泰國玩一轉,返到黎一定好開心
反而我老公話我冇鬼用,佢話個客講到咁好,咁貴都咁多人去,應該唔錯有幫助~
又話我話呢樣有問題,個樣有問題,我話係呀!講師整到全場人都喊,真係好攪笑,我又要唔好意思笑,攪到我要令埋一面,坐埋牆角0係度笑,好辛苦~
有時有人遲到,講師要遲到0既人企起度比佢閙,之後每個問點解.....有d話公司多野做/老細唔比走,所以遲左,講師又話佢唔負責任,話一早知要"上課"架嘛,點解仲唔走....(車輪嘴係咁講)
有個講解仲好笑,話有個人比一班人追左入條巷仔冇路走........死路一條,你係佢,你會點死?
講師話0個個人自己要負責任,冇人叫佢行入去,佢行左入去,唯一可做就係自殺,一係打死班人....XYZ~

[ 本帖最後由 羊咩咩 於 2008-6-27 09:36 編輯 ]

我姑拉之前都有上呢d咁既course, 重專登請假入camp,
使咗成4~5萬蚊, 佢上個時個人都唔係好正常,
開口埋口都係講佢個course個d野, 重成日叫我地去上.
隔咗半年間野執咗~
之後3個月, 佢又正常返,
好似從來都冇上過呢d course咁~

呢d course都係密集式洗腦,
如果冇上一排應該好快打回原型.

點解新聞時時有講呢類野....無論港聞同國際新聞都有.....
都仲係有咁多人去呢
真係唔明.....香港真係咁冇EQ.....咁都仲有人信

我個講座係冇實質地址,洗腦揾大錢至上
我同佢計過架啦,佢地咁樣攪一攪,攪一次,每次五堂,咁就四十萬
好過抄呢樣抄個樣,仲要d客當佢地神咁拜

原帖由 lammadick 於 2008-6-27 09:45 AM 發表
點解新聞時時有講呢類野....無論港聞同國際新聞都有.....
都仲係有咁多人去呢
真係唔明.....香港真係咁冇EQ.....咁都仲有人信

香港人好羊群,人去我去,仲要講到咁好,去左等於有賺

原帖由 lammadick 於 2008-6-27 09:45 發表
點解新聞時時有講呢類野....無論港聞同國際新聞都有.....
都仲係有咁多人去呢
真係唔明.....香港真係咁冇EQ.....咁都仲有人信

係佢地d推銷技巧好,
有好多唔同藉口,
好似我姑拉個d case咁,
佢咪同佢講好多年輕財俊都參加,
話有好多機會結識新朋友,
點知去到發現個個都好似佢咁,
但又比咗錢wor, 咪上下咁law,
一上又比人洗腦.

原帖由 羊咩咩 於 2008-6-27 09:51 發表

香港人好羊群,人去我去,仲要講到咁好,去左等於有賺

羊咩咩～　咁你一定唔似羊啊～

原帖由 kim 於 2008-6-27 10:08 AM 發表

羊咩咩～　咁你一定唔似羊啊～

我老公叫我唔好用呢個名,完全唔似我本人,直頭相反,一係0係後面加句著左羊毛衫0既狼