鬼故(真人真事)

[複製鏈接]
作者: 羊咩咩 发表于 2007-8-12 13:57:22
83010 693
呢件事係發生0係大約四五年前,
當年小女大約兩歲,啱啱開始識得講句子,但唔伶俐,不過都總算聽得明,
有一晚我去左將軍澳吉吉島玩具部諗住買個玩具bb比佢,
揀呀~~~揀,0係咁多款公仔之中,比我揀左個冇自己系列,冇自己貨架0既盒裝公仔,
我攞落黎睇下覺得幾得意呀~對眼仔可以上下郁動,又細細個,而且仲有一個小熊仔,啱晒小朋友
但我見得一個,又冇其他同系列款可以比我揀,咁我就攞盒公仔去收銀處問有有其他款可以比我揀,
我一咁問,一個收銀姐姐就攞住盒公仔問另一個收銀姐姐"有呢款公仔賣咩?"(我好記得呢句)
收銀姐姐幫我入貨艙睇下有冇,
等左好耐,佢出黎用部電腦睇下有冇貨,等下等下佢話冇其他,得返一個
冇所謂啦,反正呢個啱心水,細細個,小朋友容易抱住
返到屋企仲幫個公仔改左個名叫bb,小女仲好鍾意喎,成日抱住佢
跟住過左一排,小女成日都大喊,由細到大都未聽過佢喊成咁,
平時一喊就知佢想點,而家真係攪佢唔掂
成日都冇啦啦喊,又難收聲,其後仲慢慢惡化
連夜晚訓覺都會突然咁樣喊
之後直頭唔願入房訓(佢訓我地隔離張bb床)
咁我就長期同佢一齊0係廳開住電視訓地下
因為佢唔肯"息"電視,即使電視冇聲都好一定要長開
我有試過多次0係佢訓箸期間"息"左個電視
但佢都會即時大喊話要開返,仲醒訓過我
我0係冇計之下諗計啦,話攞個bb比佢同佢一齊訓啦,
但佢一聽到bb兩字就發晒皮氣,大喊話唔要....唔要....
個排真係攪到我冇覺好訓,電視又光,地下又硬,佢又係唔係都喊,每次喊又難收聲,
但佢星期六日去我爸屋企過夜,我爸又話冇咁情況出玩喎
不過個bb就打左入冷宮,其實係放左0係bb床頭,不過冇再攞黎玩
咁樣日子過左一,兩個月左右,有一晚同個舊同學食飯
講下....講下....講到落小女身上,咁就講返近排所發生0既事
初初講我地都唔知咩事,唔記得講開咩,我同佢講買左個公仔比佢
佢就問我咁多件事係發生0係買公仔之前定之後,
我左諗右諗,就話0係買公仔之後...........
跟住我同佢一五一十咁講晒佢知,愈講愈似鬼故....
我就開始識驚啦,佢又打電話比佢媽,諗住老人家有方法
我同佢媽傾電話時,比佢媽鬧我買呢d公仔,仲要起名"bb"
佢話"呢d野"唔可以有名架,一有名就惡架啦~~~~點知姐??
佢媽敎路一間攞個公仔去十字路口,同買份唔知咩一齊燒左佢
但咁夜去邊買野燒呀~~伯母!?
我同學同我一齊返屋企將個公仔同埋同盒0既小熊公仔一齊放入個雙層膠袋入面
再攞落去樓下公園個垃圾桶度掉左佢,但冇燒過野
之後有冇人攞左就唔知啦,因為經常有人"巢"垃圾桶,所以我用雙層膠袋打包
但事件仲未完.............
佢開始願意訓返房自己張床,咁我訓返自己張床
但夜晚仲會聽到bb床活門向上向下拉動0既聲(唔記得掉公仔之前有冇發生過)
有晚我合埋眼等(合埋眼又唔可以訓係好辛苦),
終於比我聽到呢d拉門聲啦,我慢慢張開細細地咁望,又望唔到度門有郁喎
但同時肯定係聽到0個度門拉動0既聲,不過我都唔敢郁,只有觀察
過多一排,啱啱好係我掉左個公仔0既一個星期0既深夜
我女又大喊,喊到兩公婆都醒左,今次喊到點都唔收聲
我就發火啦~~~係咁對住空氣大鬧,我老公直頭坐左0係張床度睇住我鬧....
鬧到都唔知鬧咩好,我就收聲開燈問個女仲咩喊
小朋友當時講野唔係好清晰,佢一下一下咁講(唔係好記得講咩先)
話頭先有人打佢......
咩人呀?...........姐姐呀~
姐姐?咩姐姐呀?(呢句問左幾次)............姐姐叫....張XX
我同我老公一聽到個名就知恐怖到爆
因為一個咁細0既小朋友識0既人唔多,連爸媽咩全名都未知
而且咁細個冇理由會講大話呀~~
本來當時都有諗過個名會唔會係.......(佢想講)張被~張床~
打點講都講唔服自己,根本就係一個女仔名........
過左兩三年左右(唔記得),
自己一個人行將軍澳吉吉島,行下行下行左去玩具部,放人形公仔個區
點知......又比我見返佢,
佢0既位置同我當年見佢個時一樣,又係得一盒,冇自己0既系列,就咁放左0係其他品牌公仔上面
而且盒內公仔完全一樣
我一見到就即走啦~~~~~~~~~~

評分

1

查看全部評分

prodorothyhkg 發表於 2007-8-12 14:03:21 |顯示全部樓層
咁你個女而家重有冇事呀?
cross 發表於 2007-8-12 14:04:00 |顯示全部樓層
其實...同唔同個店員講好呢
羊咩咩 發表於 2007-8-12 14:10:44 |顯示全部樓層
原帖由 prodorothyhkg 於 2007-8-12 02:03 PM 發表
咁你個女而家重有冇事呀?

冇事.....佢唔記得
羊咩咩 發表於 2007-8-12 14:12:20 |顯示全部樓層
原帖由 過兒 於 2007-8-12 02:04 PM 發表
其實...同唔同個店員講好呢

當時我都有諗過,但佢地可能意為我思路有問題,咁諗我就冇講
cross 發表於 2007-8-12 14:22:56 |顯示全部樓層
原帖由 羊咩咩 於 2007-8-12 14:12 發表

當時我都有諗過,但佢地可能意為我思路有問題,咁諗我就冇講

至少都等佢地確認一下呢隻玩具
員工冇理由唔知有佢的存在-.-
dryfish 發表於 2007-8-12 14:33:27 |顯示全部樓層
果到都cloes左喏,算啦~
ringring1968 發表於 2007-8-12 14:43:09 |顯示全部樓層
原帖由 過兒 於 2007-8-12 14:22 發表

至少都等佢地確認一下呢隻玩具
員工冇理由唔知有佢的存在-.-

我可以肯定.佢d員工連有咩貨買都唔知.
因為大部份都係Part time 有錢就收.有野就做.
因為我以前間公司响裡有個專櫃.(玩具部)我都係响度做.到佢執粒先冇做.
羊咩咩 發表於 2007-8-12 14:44:18 |顯示全部樓層
原帖由 過兒 於 2007-8-12 02:22 PM 發表

至少都等佢地確認一下呢隻玩具
員工冇理由唔知有佢的存在-.-

所以買個時個收銀姐姐咪話"有呢款公仔賣咩?"
cross 發表於 2007-8-12 14:57:13 |顯示全部樓層
原帖由 ringring1968 於 2007-8-12 14:43 發表

我可以肯定.佢d員工連有咩貨買都唔知.
因為大部份都係Part time 有錢就收.有野就做.
因為我以前間公司响裡有個專櫃.(玩具部)我都係响度做.到佢執粒先冇做. ...

但係做part time都要收錢..望到人地買d貨
除非...真係冇人買......如果唔係都唔會唔知嫁
ringring1968 發表於 2007-8-12 15:03:43 |顯示全部樓層
原帖由 過兒 於 2007-8-12 14:57 發表

但係做part time都要收錢..望到人地買d貨
除非...真係冇人買......如果唔係都唔會唔知嫁

因為佢地d心態小做小錯.做多唔著數.
羊咩咩 發表於 2007-8-12 15:17:33 |顯示全部樓層
ringring1968 咁知你有冇見過個公司呢?會唔會0係正常下真係得一個公仔咁賣?(冇理由呀)
ringring1968 發表於 2007-8-12 15:23:12 |顯示全部樓層
原帖由 羊咩咩 於 2007-8-12 15:17 發表
ringring1968 咁知你有冇見過個公司呢?會唔會0係正常下真係得一個公仔咁賣?(冇理由呀)

我冇見過.但有可能係貨尾.你第二次見到.係咩時候..
frankie 發表於 2007-8-12 16:09:48 |顯示全部樓層

回復 #1 羊咩咩 的帖子

都不可思意喎,現在妳個女有沒有特別嘅野呀?
Grace 發表於 2007-8-12 16:18:52 |顯示全部樓層
咩公仔黎架 ?
咁係咪如果見到得返最後 1 隻既人形公仔, 就最好唔好買呀 ?!
我好驚呢味野架.....
因為我都鍾意 j 字頭既人形公仔嘩~
不過好在我唔會特登同 d 公仔改名啫......
charles604498 發表於 2007-8-12 17:06:40 |顯示全部樓層
!聽你咁講令我想起一套外國鬼片鬼眼其中一段情節,個拎仔同個大人講“I SEE DEAD PEOPLE!”驚驚怕怕
janice 發表於 2007-8-12 17:22:22 |顯示全部樓層
我細個時都有好多會斬眼o既鬼B公仔
好彩冇咩事發生
大個左好彩對公仔冇咩興趣
不過呢家野,唔好唔信邪呀
羊咩咩 發表於 2007-8-12 17:27:11 |顯示全部樓層
原帖由 ringring1968 於 2007-8-12 03:23 PM 發表

我冇見過.但有可能係貨尾.你第二次見到.係咩時候..

兩三年後左右
羊咩咩 發表於 2007-8-12 17:33:13 |顯示全部樓層
呢件事之後屋企有兩個一樣0既M記魚玩具,上一上鏈,會出"架架"聲同尾尾會郁,兩隻0係沖涼時都會攞去玩,唔知係玩得多定咩啦,其中一個成日都會自動"架架"聲,好似人笑咁.....過得一排就比我掉左啦,唔知有咩問題呢?但玩具唔駛入電架喎,佢壞咩呢?
Grace 發表於 2007-8-12 17:38:24 |顯示全部樓層
原帖由 羊咩咩 於 8-12 05:33 PM 發表
呢件事之後屋企有兩個一樣0既M記魚玩具,上一上鏈,會出"架架"聲同尾尾會郁,兩隻0係沖涼時都會攞去玩,唔知係玩得多定咩啦,其中一個成日都會自動"架架"聲,好似人笑咁.....過得一排就比我掉左啦,唔知有咩問題呢?但玩具唔 ...

咪自己嚇自己啦, 可能係因為生锈, 條鏈行得唔順啫....
您需要登錄後才可以回帖 登錄 | 註冊

本版積分規則

初登記花友
  • 56

    主題

  • 2543

    貼文

  • 0

    FANS

花友的新貼文

聯絡園藝館|手機版|HKplants

Powered by Discuz! X3.4  © 2001-2013 Comsenz Inc.