鬼故(真人真事)

終於我捉埋阿水，一邊同佢講住電話、一邊睇住個鐘、一邊飛車由紅磡去中環天星！

當船就快到目的地o既時候，通話突然終斷，連我都嚇左一跳，二來就快到達案發現場，我都開始緊張，即刻打番電話比佢同佢傾計。船，亦都開始泊岸。

一上船我就拖住阿水急急腳向佢屋企走！

“我到啦！(喘哂氣！) 你密碼幾多號呀！”
“你到拿？你望o下先啦！”
“望乜啊？”
“你身邊有冇人啊？”
“你幾時咁有防盜意識o架？”
“唔係呀！(巴聲超震！) –--“

(“頂！”) o向o個一剎那，我好想想殺左佢。我終於都明佢問乜！但我又真係聽佢話四圍望一望，好在剩係見到阿水！但阿水呢個六呎幾高o既大男孩，本來一D都唔驚，亦都比佢頭先o個句野嚇親！

比佢驚嚇完，終於開到門入大廈，發覺裡面真係冇路走！出入都係靠一個門口，有人行過一定知！諗諗o下都唔好話唔驚！要入"立"，終於都要收線！上到樓o既時候，佢唔係開定門等我，而係我拍門佢至開。(事後我問佢點解，佢話真係好驚，所以我一日未到佢都唔敢開門住喎！)

"knock!knock!knock! 我到啦！開門啦！"

門一開，佢成隻樹熊咁撲埋我到，眼淚水都未乾，我感受唔到佢心情係點，我只係知都道佢好驚！

就咁，佢就住左o向我屋企幾日！但佢又唔係幾好意思打攪我，住左幾日佢就話要番屋企！我冇辦法留佢，於是提意佢帶我隻狼狗番去住住先。話哂隻狗殺氣大，應該可以嚇走D唔乾淨野！但佢又話驚隻狼狗惡，到時唔知點算！我唯有將我屋企隻親善大使(一隻善良到雀仔佢都驚o既狗！)借比佢，唔嚇得都陪得，好過冇啦！就咁，真呢件事o既上半部就完左啦！

有下半部㗎   

係呀，不過今日講住咁多先！

咁   係咪好戲在後頭呀   

鬼話連篇(全是親身經驗) 三

第一次跟團去泰國旅行玩，玩到第六日入住於曼谷市中心相信約三星級的酒店，一入去就覺得間套房怪怪地喇，我們一行五人(兩男三女)，間套房有三房一廳，兩個單人房由兩男孩分別佔據，我同其餘兩個女孩用一個套房入面張床員形好大張架，講好左我要瞓中間，因為去親旅行都瞓唔著人人瞓晒剩低我瞓唔著會好驚所以我一定會霸中間位，個廁所同浴室好得意家要出左露台左手面盡頭才到，個服務生幫我地攞左行李入房後就帶我們去看一看個廁所同浴室仲試吓個門鎖work 唔work跟著攞埋Tips就走左喇，奇怪事發生啦其中一個女孩(A)想去廁所但個廁所門Lock死左無法打開，我們記得服務生試既時候度門係裡面橫率家，如果有人係裡面才有可以上鎖我地都唔明點解最終都係Call返服務生上黎，個服務生一上到黎就好似知道發生什麼事一樣直向廁所方向走去一擰就打開左度門啦，係我地覺得奇怪之餘服務生就行左出去，跟著我們追出去問服務生究竟點解，個服務生好似唔識聽同講英文咁就走左啦，我地當時有無再追究跟著隨隊出去玩到好夜先返酒店，到左瞓覺時女孩(A)因今早游水有點發燒一早沖涼食左藥就瞓左，我係最尾沖涼果個，入到房見到女孩(B)帶著厚厚的眼鏡在看書佢習慣係臨瞓看一陣書，於是我上床鑽在她們兩人中間，這時已聽到女孩(A)均衡的呼吸聲她已熟睡了，我又瞓唔著但又唔好意思打攪人家看書，無幾奈女孩(B)放低本書瞓覺了，我背向女孩(A)面向女孩(B)咁瞓，隔左無幾耐聽到女孩(A)即我背面那邊有個男人好大聲係度講野(唔係廣東話)，初初以為係廳傳過黎既電視機聲突然醒起鄰房的兩個男生跟其他團友出左去玩未返點會有電視機聲喎，把聲好似罵人咁越來越大聲，我開始懷疑是(果D野)就開始好驚喇連郁唔咁郁正後悔剛剛沒有將張被蓋過膊頭，個心跳連自己都聽到呀而且仲開始出汗，係度敝x緊成晚咁長佢唔走或有進一步行動我咪死，猛係度諗吓黎樣諗吓果樣，把聲仲係度罵人，我心這麼諗：不如我快速地轉過身去看過究竟如果真係見到野咪即刻推醒佢地兩個囉，咁樣萬一如果推唔醒佢地而我又見到一些驚嚇野即時暈左就話姐，如果暈唔倒果陣時點算呀，咁又唔得又過左一陣，而終於我忍受不了，死就死啦，估起勇氣轉身，一看我什麼也看不到隨著我既轉身把罵人既聲都停止了，嘩！仲唔襯機拉張被蓋過頭，都唔知隔左幾耐Lu可能係臨天光時分我就瞓著左啦，第二朝拿拿聲拖埋行李落去食早餐才跟我的朋友講，事後原來大家都覺得間酒店有問題。風涼得佢地呀：話好彩瞓著左喎另外兩個男孩話好彩臨天光先返喎，朋友啦朋友啦就係咁咋，相信他們都是講笑既，如果發生事一定會有難同當既。

我而前有個同事佢全家族都對呢d野好敏感,佢表姐直頭搬左入一凶宅................最後尾要觀音同"佢地"講數至平息返~~~~~~~而前成日同呢個同事講返佢呢d"故事"真係成日都嚇到我死死下,而且我舖頭又冇鬼喎~~~(真架,未見過,但成日感覺到,仲會叫我,用水整我)

咁 ...... 如講吓D舊同哥嘅經歷 ...... 事發時係當緊夜班 ......
地點係一個休息室 ......... 得佢自已一個人 ......... 好舒服咁坐喺大班椅到 .........閉自養神  休息休息 ............ 怱然聽到 ... 啪啪聲 ... 喺拍波聲 ............ 心諗點解 ...... 又"啪啪啪"............ 連人帶椅慢慢轉到背面 ......... 嘩 ................ 有個半透明 約四、五歲嘅細路  用腳踢緊波 ............ 個細路都意識到有人望住佢 ......... 咁就  四自交投啦 ............ 同事立刻合眼 ... 又心諗  眼花啫 冇嘢嘅 ........ 再睇 ............... 嘩 .................. 仲係你望我 我望你嘅 ... 再合眼 ...... 死啦  點算 ............ 又俾佢企正個房門  出唔倒去 ... 死啦死啦 ......... 再開半隻眼 ...呀 ......... 唔見咗 .......立刻開門飛奔出去 ...... 當晚唔敢再瞓   

唔喺講笑   真人真事嚟㗎

點樣用水整你呀??  

原帖由 lolo 於 2007-8-23 18:03 發表
點樣用水整你呀??  

  我都想知丫 !

虛宿寶瓶  , 佢往愉景灣架 ? 咁咪成晚無得瞓 law

原帖由 carlo 於 2007-8-23 18:22 發表



  我都想知丫 !

虛宿寶瓶  , 佢往愉景灣架 ? 咁咪成晚無得瞓 law

番到我屋企之候咪瞓囉！但我唔記得佢瞓得好唔好啦！我就一般啦！因為玩左一日，又受左D驚嚇，其實就應該好好瞓，但又太過刺激，所以唔算瞓得太好！

係呀！係愉景灣呀！老人家話太多山，陰氣重，仲係離島，所以比較多呢D！

我都有聽過愉景灣多"野"喎~

虛宿寶瓶 , 好驚

寶瓶

講真丫.......
我心急想聽埋落去呀......

虛宿寶瓶 ,

我都等緊丫

原帖由 carlo 於 2007-8-23 22:37 發表
虛宿寶瓶 ,

我都等緊丫

me too

原帖由 Monse 於 2007-8-23 16:57 發表
鬼話連篇(全是親身經驗) 三

第一次跟團去泰國旅行玩，玩到第六日入住於曼谷市中心相信約三星級的酒店，一入去就覺得間套房怪怪地喇，我們一行五人(兩男三女)，間套房有三房一廳，兩個單人房由兩男孩分別佔據，我同其餘兩個女孩 ...

.........

janice
寶瓶


講真丫.......
我心急想聽埋落去呀......

carlo  
虛宿寶瓶 ,

我都等緊丫

妳地班女仔女人都好大膽丫

[ 本帖最後由 笨笨 於 2007-8-24 01:46 編輯 ]

係啦～～寶瓶呀～～～　係咪仲有下文架？　咪要我地等咁耐啦～

咪急咪急！寶瓶打中文o既速度同繡花差唔幾！尋日都打左兩個鐘，頸同膊頭都硬左！盡力啦！

鬼叫你講到咁緊張咩!  快d鬼咁快講落去啦~