鬼故(真人真事)

原帖由 Monse 於 2007-8-14 01:19 PM 發表
嘩，黎兩日唔係好得閒少左上來，原來咁精彩，我都有幾單親身經歷(好恐怖嫁)，以前我都好大膽嫁，諗著一句信念：【生平不做 虧心事就得啦】，原來真係唔係咁簡單嫁，2004果單就 攪到而家唔會去看恐怖相片，夜晚唔敢太夜返屋企。不過你地 ...

等妳冇問題

原帖由 羊咩咩 於 2007-8-13 23:21 發表
海豚yan妳一日五餐咁利害呀~?而且邊一年都仲記得利害!!


~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

我記得最後一次見野係我生完個女唔知第幾日,仲0係醫院時
有一 ...

hehe.....我有寫日記嘛～～

原帖由 noel 於 2007-8-14 13:02 發表
小時候都經歷過差不多嘅嘢，亦有唔少朋友 "見識"過。  覺得可能細過果陣 d腦电波比較單純，所以見到嘅機會相對大啲。   細時唔多識驚，只係好奇、唔服氣同憤怒成份居多。 ...

冇錯呀，細個既時候，真係一ｄ都唔驚，完全唔會諗到係鬼ｌｏ～

原帖由 羊咩咩 於 2007-8-14 13:37 發表

等妳冇問題

呵，我都一定等呀～

Monse,

roll 機 ... 去片囉 !   

其實就算見到鬼都唔洗驚，我地有個老師講過，當佢地係外國人就得～

我阿爸成日同我講，我既爺爺識得同ｄ鬼溝通，仲識左幾個鬼朋友添～

不過阿爸就話佢由細到大都未見過，爺爺同鬼溝通既時候，就好似自言自語咁，非常好奇，問下先知既，不過阿爸真係想見都見唔到ｌｏ～

咁有冇方法可以完全感覺唔到佢地呢?咁就安心晒啦

原帖由 羊咩咩 於 2007-8-14 13:49 發表
咁有冇方法可以完全感覺唔到佢地呢?咁就安心晒啦

感覺呢家嘢都算係天賦嘅一種，唔需要咁上心，隨心就會心感平安！  冇事嘅~  

以前住新界，除咗屋企，父母亦响附近置咗一間村屋，呢間屋由入伙初期到我地搬走，五年間除咗我哋之外，
都有唔少 friend "蕉 ed" 咗！  講幾件驚典小小嘅你哋聽丫~~

[ 本帖最後由 noel 於 2007-8-14 16:19 編輯 ]

原帖由 Monse 於 2007-8-14 13:19 發表
嘩，黎兩日唔係好得閒少左上來，原來咁精彩，我都有幾單親身經歷(好恐怖嫁)，以前我都好大膽嫁，諗著一句信念：【生平不做 虧心事就得啦】，原來真係唔係咁簡單嫁，2004果單就 攪到而家唔會去看恐怖相片，夜晚唔敢太夜返屋企。不過你地 ...

緊張~~~~~~

我冇細心睇呢編文, 因為呢d嘢我係唔會信嘅.

我自細就聽到週圍d人話見到鬼, 又話俾鬼'擇', 又話俾鬼'mid'......, 我真係好冇份, 乜鬼都未見過.

呢d嘢, 信則有, 不信則無.   回頭是岸呀, 施主.

註: 我好細胆, 好怕黑, 但我唔信有鬼魂呢家嘢.

在衆多經歷中 ...
這個算是小科

話說數年前    與蝦子餅到長洲過夜
太夜   找到渡假屋  檔主話得番一間
咁冇辦法   唯有照租
入到去    嘩 ... 面向海灘   好大風  
關了露台門   風就喺D門邊入   窗簾吹到天咁高
天花又跌灰    唉 ...
成晚都好嘈好大風
聽傳聞   D鞋唔好放床邊   咁兩對鞋就放喺床尾幅牆前面啦
第二日起身  
平安無知   嗱嗱聲著鞋走啦
點知   兩對鞋個鞋底有灘水  
四邊都無水喉喎  又冇雨落喎
咁你話點解 ...

不去現場, 解不了, 但解不了不等於有鬼作怪, 是嗎?

不過人類很多時會有 forced memory, 明明唔係那會事都會想到令自己認為是那會事.

forced memory 就是將一些自己想出來的事 add to 記憶去.

lolo.... 嘩！ 你有冇丟咗對鞋？  如果間屋霉得滯，我會選擇瞓碼頭.....

原帖由 noel 於 2007-8-14 16:16 發表
lolo.... 嘩！ 你有冇丟咗對鞋？  如果間屋霉得滯，我會選擇瞓碼頭.....

冇呀   丟咗咪要赤腳走
少去宿營
當其時都唔知嗰到咁出名  

原帖由 noel 於 2007-8-14 15:42 發表
以前住新界，除咗屋企，父母亦响附近置咗一間村屋，呢間屋由入伙初期到我地搬走，五年間除咗我哋之外，
都有唔少 friend "蕉 ed" 咗！  講幾件驚典小小嘅你哋聽丫~~ ...

<一> 初現

初入伙好多嘢都未置，只有梳化、電視柜+電視機、上手剩落 d柜、煮食爐，就係咁多。
我細佬好鐘意耐唔耐過去住，貪自己可以霸晒部電視，又可以夜瞓喎~

有晚佢拉我出去，話有嘢講....  "二家姐！新屋有鬼喎！"   
"咩有鬼呀？"  "咪亂講啦! 比阿媽聽到，鬧死你啊！"   
(唉~ 以前見到 d異象，試過同阿媽講仲比佢炳到飛起，慘過見鬼！ 所以後來都冇講 lu )

"堅架！ 我初初都唔肯定，但幾次都係咁至同你講咋~"  (嘩！乜咁 friend.... )
"咁係咩樣？"  "點搞你？"  "惡唔惡呀？"
"冇乜大搞，應該係細路，曳果隻。"
"吓！"

"次次都係晚黑睇電視果時搞，睇睇吓全部熄晒！"
"電視零件短路啫...."
"過咗一陣又開返晒...."
"巧合啫~ 巧合啫~"
"最弊係連冇插果d都着埋！"
".................."

"你有冇飲酒呀?"
"有！"
"飲醉喇你...."
"一罐咋 bor~   而且....... "
"咩？"
"佢搞到成張單人梳化震到好似電椅咁...."
"點解你唔即刻返嚟？"   "你唔驚咩？"
"少少， but 條氣唔順多 d！"

"跟住點？"
"我講咗大分零鐘粗口鬧佢，話再搞就捉咗佢，跟往就冇晒事喇！"
"你同我講係想......."
"冇，通知你一声，等你得過知字啫！！"


我細佬真係好有型，成家人就只有我同佢唔怕講呢 d嘢。

如果嗰D嘢喺我附近
我會感到頭暈頭痛   心悶   有時仲聞到臭味㖭
企開數步   這堆身体反應   有時就會消失
雖然受現代教育   但有時都好難用常理解釋

鬼話連篇(全是親身經驗)

其實我最近好忙但見你地講得咁高興又想快D將果幾單野講你們聽，Peter我以前都好似你咁諗，當發生一些不可思議既野係你身上時又真係唔到你唔信喎，我會由輕量版開始講。

先講一講比鬼壓呀，記得中一那年的暑假襯放假我們一家人正忙著搬新屋這間新屋早在兩個月前已完工而且所有傢俱都買齋，只等大家都有空才搬進去，入伙的第一晚，我同妹妹是住同一間房的上下格碌架床，我妹妹選了下格床，(她說：見到鬼都會走得快D喎)當時只是童言而已，當我瞓到  x夜唔知點解突然醒左(係完全好清醒果隻呀)，諗著轉吓身啦點知郁唔到，想張開眼用盡力都無法打開，跟著想呼叫家人點知個口可以張開但嗌唔出聲，黎個時候知死啦，驚到個心跳聲連自己都聽到及太陽穴咚咚作嚮，全身開始出汗，一次又一次跟它角力無奈最終都係圖勞無功，呢個時候連自己都好累了，我開始放鬆身體，待一個冷不防備一推，這一推就好像推開一個人咁，跟著即刻跳落床差DX死我當時都唔記得左自己係上格床，扒起身立即去開燈拿拿聲推醒我妹妹佢有聽我講我講完佢竟然瞓返落去喎，我又唔敢驚動家人又唔敢走出房咪只好走埋上我妹妹張床等天光，天光後才將件事講比屋企人聽但大部份家人都不以為意，只有我啊姨信我，跟著晚晚都唔敢息燈瞓仲要同我妹妹孖鋪，係第三日我啊姨買左一大埋金銀衣紙回來燒原來她走左去幫我問米，跟著同我屋企人講有污穢野呀，原來有隻野以為間屋無人住又見這間屋沒有家神及門神入註咪自己入左去囉，點知我們入伙那晚佢見到我地霸左佢間屋咪黎攪我地囉話係我地霸左佢既地方，由幫我地問米既人做中間人調停，要解釋比佢聽點解間屋係我地既，件事才告一段落。

問米既人話如果有宗教信仰既以後新屋入伙先請左入屋先喎，傢俱同人唔好相距太久才入住，即係話傢俱雜物最好在同期一起入新屋，自始之後就沒有再發生過了，你地話奇唔奇呀。

當然呢d野都係信唔信由你啦.

細個時發生的事, 你都可以話我可能有forced memory, 始終是很久以前的事了.

咁你得我以下呢個經歷係錯覺定係forced memory?

事情發生在05年端午節前一日(肯定那天是星期五) 4pm office, 水母那時剛轉新工個多星期, 對公司的同事都仲係唔多認得. 由於是新人, 秘書姐姐未執好原本俾我的枱, 所以當時我要用一個响office正中央的大電腦枱, 這個枱四面都可行人, 沒有其他書枱靠背, 坐在那兒直頭覺得係正海中心, 你睇到成個office的運作, 別人也很容易到你.

那天4pm, 人事部姐姐歡天喜地走出來站在我電腦枱的左面partition, 當時我在忙著用電腦,
她就說:老細啱啱攞到新job, 佢話提早4.30pm收工放端午節假喎, yeah~
我跟著就用眼尾望望她, 見到她的左身旁站著一個好高大的男人, 很高大, 但由於用眼尾看, 臉相看得不大清楚, 只看到是圓圓方方的臉, 眼光直望. 那個男人著深灰帶點啡的西裝, 白色shirt,加一條深灰有紋的tie, 還穿了一件啡色冷背心. 我當時在想, 這個同事麼穿得那麼多, office很冷嗎??

我keep住向著電腦應了人事部姐姐, 人事部姐姐說完也走開了, 但那個男人仍然站在那兒, 我就好奇地頭向左轉, 想跟他聊兩句, 誰知一轉向那個方向…. 根本就沒有人在我的partition旁, 我個頭轉足360度都看不到那個男人了….  跟住就去問reception公司內是否有這個同事, 但reception姐姐說: 冇.

唔通我思覺失調??

你眼尾 見到？

可能真的....

乜d 家姐都鍾意睡上格床??  
係呀, 俾野壓住個感覺好好好難受架.
咁你係幾時肯回自己床睡呀?

其實遇到呢d野原本就係一個’意外’, 好似你係街上撞到個廿年無見到朋友一様, 係 by chance既. 俾我就梗係唔想選中遇上呢d’意外’啦.