咁好啦, 我都講下自己個經歷.
事情發生在升中一那年, 那時是跟姐姐睡同一個房的, 佢上格我下格, 床尾左側有一個大窗門, 床頭右方有個梳妝台.
一天晚上, 我睡到半夜, 突然聽到有人的笑聲, 而且唔止一個人的笑聲, 我覺得好奇怪, 就打開眼, 當時好記得自己側向右躺, 望到梳妝台上的鐘是早上一時, 跟住.... 我就躺著的向床尾望去....
當時見到有四個人, 剛好沒被上格床遮到, 從窗口外的街燈射到那四個人頭, '他們' 都沒乜頭髮的, 面部好腫脹, 平排站著在對著我笑, 我當時個心覺得自己係咪發夢呀, 唔會掛, 跟住同自己講唔好理咁多快d 合眼訓.
第日一早婆婆前來叫醒我起床, 我一醒, 留意自己躺著的位置和梳妝台上的鐘, 位置和角度都跟昨晚所見的一樣, 跟住就忍唔住抱住婆婆咸起來喇.
那幾個月我都唔敢睡回自己張床, 但家姐話乜都唔覺, 佢就日日好happy咁用晒間房. 後來大d 婆婆就同我講番, 我小學和初中時她每晚半夜都有來看看我們睡得好唔好, 她好多時會看到人影在我們的房門行來行去, 唔止一個. 起初她諗住可能係家鬼, 所以無理, 但發生了那晚後, 她有一晚再去房門口又看到'他們', 她就喝住, 然後鬧了幾聲, 之後咁多年就無見過喎. |