本帖最後由 JicJicmom 於 2009-9-15 12:51 編輯
今次打風打到應一應呀 ~ 積媽天台受哂囉 ~~~
其實尋日都發現今次風向同之前唔同喇 ~ 對面新樓盤0既大帆布 , 嘭嘭聲好得人驚 , 我以為未打到黎就有野跌落街咁 ~ 商場大玻璃貼哂大交叉膠紙 , 門口堆哂沙包 . 好明顯同之前0既打風係唔同.
到左夜晚就黎料喇 , 嘭嘭聲......似妹頭話齋 : 鬼叫咁 , 陳積積+陳雞包成晚對住窗口怪叫 .
今早上去睇 , 戰況如下 :
雞蛋花 , 象牙 ( 唔知係乜, 老爺係咁叫) 爆左盤 . 無緊要喇 ~ 我仲有盤可以換 ~ 又唔係好貴0既野黎 .....
一盤朱頂蘭跌左落地 ( 幫阿娘養肥緊佢 )
響花棚入面0既植物問題不大 , 只係有d落左 10蚊店3層圈0既 , 因為d 棍仔勾實個遮光 (風) 網 , d大風一吹就好易拉跌佢 .
響天台圍牆下0既植物, 大部份係矮身 , 加上有牆響後面 , 風吹唔到. 出問題0既都係高身植物. |