修改標題: 無人話彈琴一定要用手.

響"面書"度睇到, 鋼琴音樂一響起, 我真係忍唔到眼淚.
好似我朋友話齋, 唔好成日放大自己0既不幸, 真正不幸0既人多的是.
唔好成日不滿呢樣不滿0個樣, 一係乾脆死左去, 一係好好咁生活落去.
http://www.youtube.com/watch?v=X9DilOIZMu4

響"面書"度睇到, 鋼琴音樂一響起, 我真係忍唔到眼淚.
好似我朋友話齋, 唔好成日放大自己0既不幸, 真正不幸 ...
JicJicmom 發表於 2010-8-15 18:57

樓主所言甚是,
但是也引出家人親友對當事人支持的重要, 不論這位人兄, 霍金, 及另外一位無手無腳的(請恕暫忘他的名稱), 他們都是得到家人支持, 加上自已的努力, 才可排除萬難取得成就.
但如果家人未加勉勵, 甚至視之為負累, 相信情況有天壤之別

回復 2# ht333147

陳先生你好~~ ^^
家人0既支持真係好重要, 我聽到呢位年青人0既說話, 感覺上佢係要比父母知道 : 我係可以好似正常人咁生存落去, 唔好擔心.
佢自己要克服本身缺憾之餘, 仲想安撫家人, 我真係覺得佢好生性同埋好識為人著想.

積媽, 我都 左出黎呀!!!
可貴之處係劉偉並唔係販賣自身可憐,佢自己本身心理質素高加上家人支持, 係佢身上我睇到怡然心態同胸襟,佢表情話左比全世界知我同大家完全沒有不同, 流露得好自然, 沒有一絲做作! 希望佢心願可以達成!!
多謝你分享左條咁精彩既片子, 我會傳開去的.

回復 4# muitau
妹頭,
心理質數高-----> 呢句真 !!!
最難得佢真係接受左自己無左雙臂0既事實 , 亦明白到凡事都要靠自己.
我識得身邊有D人, 有手有腳卻做蛀米虫, 不事生產成四十歲人仲靠父母養. 我尋日比條片佢睇, 佢竟然同我講: 我又唔係佢.
真係吹脹~

感動了我的心...

回復  muitau
佢竟然同我講: 我又唔係佢.
JicJicmom 發表於 2010-8-16 13:03

雖然他不是他, 不過我睇你咁講他更比不上他 add9icon

樓主的題目有兩命題, 好好活下去與乾脆死左好過, 但是目前法例無得揀死, 死都無得揀?
有些人因意外或疾病, 活得比死痛苦, 是否可以揀不再捱下去? 為自已也為他人?
我們是否要接受安樂死?

回復 8# ht333147

陳先生,
安樂死呢個話題好有爭議性, 大家0既看法各有唔同 , 有需要去揀安樂死0既人, 自有佢唔同0既睇法 / 感受 , 亦非我地一般人/旁人可以理解.
所以, 揀唔揀得死, 我自己覺得無一定0既準則/規舉.
後記:
有個唔多正經0既想法: 死係有得揀, 問題係點死0者 :
好多人走去跳樓, 嘭一聲就無左喇 ;
有D人去跳海, 噗通一聲分分鐘要人地去丟西瓜佢至會出番來.
但好公開咁話: 我而家去安樂死 / 醫生打針幫我死 ----> 咁樣可能就會牽涉其他問題 ( 如道德/ "授權" 等等) 喇.

回復  ht333147

陳先生,
安樂死呢個話題好有爭議性, 大家0既看法各有唔同 , 有需要去揀安樂死0既人, 自 ...
JicJicmom 發表於 2010-8-16 17:06

個人認為在有條件下可以揀, 例如墮胎一樣, 有幾位醫生認為對當事人有利, 經法官(或特定官員)判定應可容許. 及沒有人反對?
我們不是說活得有價值嗎, 死都是活得有價值的一種, 減少浪費資源.

回復 10# ht333147
陳先生,
我自己覺得安樂死正如好似其他好有爭議性話題一樣, 好易拗出火花~~ 因為人人睇法唔同,著眼點亦唔同嘛 .
其實我分享呢個帖係講無臂青年0既努力生存 , 變左講安樂死好似有D離題了...... 可能我0既標題誤導左各位, 真係唔好意思.
不如另開一帖討論會好D ?

雖然我對網友有信心, 不會亂來(我自已唔亂已偷笑), 不過換帖也好, 我都好想知道其他人想法, 畢竟這個題目太大空間可以講.

回復 12# ht333147

陳先生, 好多謝您深明大義~~~ add4icon