本帖最後由 JicJicmom 於 2010-6-20 18:45 編輯
回復 2850# miku
MIKU ~~~ 生左虫都唔緊要架, 如果你有吽泥, 當吽泥期間發酵0既熱力, 應該可以殺左大部份0既虫 (虫蛋就唔知得唔得....)
另外我響書度睇左個密封焗泥方法 :
用膠袋將泥放入去,澆上水 (唔使太多) , 放響大太陽下狂晒 / 暴晒, 泥入面水份因太陽熱力升溫 , 咁泥入面細菌 + 虫, 某程度上都可以殺左一D架 ~~
我跟老師帖咁去吽泥, 響密封環境下, 肥料又會發酵, 真係乜都死喇 ~~ 應該唔會有虫架.
茶籽粉我問過衫兄老實人, 佢話呢隻係古方來, 可以溝水亦可以唔溝.
我就無溝水, 直接洒響泥面, 然後再撈勻佢 . 茶籽主要係殺軟體昆虫 . 另外老實人介紹我用甲殼素, 話可以防虫+肥料, 我都係剛開始試用咋~ |