本帖最後由 JicJicmom 於 2010-6-7 12:06 編輯
因為舊年家中有要事忙, 所以響園藝工作上出現"斷層" , 今年春播成績差左好多.....
泥土太貧瘠 , 堆肥用哂又無再堆....... 結果:
瓜類開出來的花果, 又細又少又易掉/ 枯 ;
上一年種苦瓜位置 , 被朱頂蘭用左, 今年種唔到雷公仔了 ;
翠妃苦瓜因為泥土唔好, 結出來的瓜好細隻. 上一年成尺長瓜瓜不復見......
所以, 積媽而家決定休耕. 用呢幾個月重新規劃過天台, 處理過所有的泥土 , 繼續上年未有實行的堆肥箱(舊膠衣箱)計劃 , 同埋規劃檯面式種植.
第一件事就要先處理好泥土 ~~ 多謝小寶送我一大堆膠桶, 昨日返到屋企馬上開工:
![](https://hkplants.com/home/attachment/201006/7/2653_1275883464c2DD.jpg)
清理哂所有花盤舊泥出來, 加石灰+甲殼素+茶籽粉(殺虫) + 豐收一號撈好後, 按照花園仔老師0既資料, 加入腐熟發酵好的花生麩水:
先放好1/3泥入桶, 澆一圈花生麩水 ; 再放入第二層 1/3 泥土, 又再澆一圈花生麩水, 然後放上最後1/3層泥蓋面.
待今次春播的瓜瓜都收工後, 就會再處理好其他0既泥, 第二次吽0既呢一批泥, 就會加入埋草木灰一齊吽.
由而家到秋播, 仲有2-3個月,我想應該夠時間0既.....
早前留種的沙律生菜, 都清理好了, 先掛起佢地等乾左之後就採收種子....
![](https://hkplants.com/home/attachment/201006/7/2653_1275875385oH5K.jpg)
雖然要休耕, 但都仲有少少野睇~
小寶牌hot lemon chilli pepper
![](https://hkplants.com/home/attachment/201006/7/2653_12758753818S30.jpg)
南薑
![](https://hkplants.com/home/attachment/201006/7/2653_127587537480D3.jpg)
花老師牌細香蔥
( 一盤自己 ,另一盤已送比catcat)
![](https://hkplants.com/home/attachment/201006/7/2653_1275875373oZZV.jpg) |