本帖最後由 JicJicmom 於 2010-5-19 17:35 編輯
回復 2758# 花園仔
睇見你種嗰啲嘢樣樣都咁靚真係好開心嘞!
講起噴水壺真係一門學問黎架, 無論係設計或製造都好複雜嘅.
就算只係用家都有研究研究嘅寬廣空間, 睇吓積媽點對應咪知囉!
我曾體工具版嗰篇DIY噴水壺帖子度發表過唔同意見,
點知個個網友大讚特讚樓主, 我見勢色唔對咪刪帖走頭啦, 嘻嘻!
==================================
多謝老師光臨呀~ ^^
老師你有所不知.....積媽種0既野, 都只係夠膽影張大頭相出來呃下收視~~~ 整棵植株都係醜怪仔唔見得人呢......
之但係一食到D收成, 又真係好鬼開心~ XDDD (睇到我阿娘食到D青瓜之後, 笑到好似懷春少女咁就知喇.... add7icon )
講番噴水壺, 上次外遊無時間搵到心儀0既水壺, 唯有托阿姨+姨丈去開幫我睇睇~ 響香港就用番細細隻呢D先.
尋日響賓賓, 我都有問店員, 點解我用開D水壺會咁爛法, 係唔係同我無倒走壺內0既水有關 ? 店員都覺得應該唔係原因, 因為佢地都係日日用, 日日都有水響入面放過夜. 隻壺都用左成年幾了..... 咁我即管買來試試.
種左成年幾(就黎2年)野 , 我好相信工欲善其事, 必先利其器. 如果一樣野係好+襟用,真係值得投資架~~~如果我KEEP住買 $30/隻水壺, 3個月用一隻 , 一年買四隻, 都要 $120呀~~ 如果$135 係用得上一年半載, 都OK呀~~ 我最主要用噴水壺黎噴發芽種子/小苗/芒類植物 , 所以一直都搵緊一隻又襟又好用的噴水壺.
本想今早拍照, 但老人痴呆乜都無做, 響天台捉左幾條虫就喇喇聲走落樓返工了..... 今晚再上傳照片喇~~ ^^ |