原帖由 kelvinkou 於 2008-9-5 15:21 發表
滑嘟嘟加油! 好期待我地嘅大豐收!!
請問點先為之要加泥? 可否講解一下失敗的原因嗎? 俾D TIPS 啦, 因為我驚我都會係咁!
明明D書都話好易種...
唔知點解我會搞成咁~!
失敗原因:
*出芽之後東倒西歪... (懷疑落種子時落得太淺, 芽一標高就企唔穩!)
*芽標高後一直長, 只顧疏苗有將泥堆高...以至莖响泥面變成紅色都冇理佢... (應該當芽長出[約1星期]後疏苗,再將莖幹兩側既泥集中向根部, 再將泥土堆高至兩片葉既分叉位置!在主葉生出3~4片[約2~3星期]時施肥, 再疏苗至相隔5cm左右, 再將泥堆向根部直至苗唔再搖晃既程度!紅根稍微露出也無妨~)
將泥堆向根部果陣如果唔夠泥, 就可加泥!
期間唔可以俾泥土乾燥, 水分不足櫻桃蘿蔔會變得又硬又彎!
當根部開始膨漲外露時, 可以準備收成~ 太熟會裂開!
P.S. 至於點解唔一開始就只落少量既種子, 而要等苗長大後至疏苗呢~!?
有說係因為當苗仲細既時候, 如果菜苗之間既距離太闊... 苗就會因風吹雨打而受損!
所以應令菜苗既葉與葉稍微互相碰觸~ 如果長大之後太迫先至疏苗~ |