我諗我唔算有陰陽眼 ,因為我唔係成日見到 ~
記得第一次見到 ,當時我大約 4 歲 ~
去婆婆屋企 ,婆婆住係兩層高嘅村屋 ,而婆婆間屋位於村內"詞堂" (即係拜神地方)旁邊 ~
通常我地幾個小朋友 ,晚飯後都會出門外玩 ~
我哥哥大我 3 年 ,佢同幾個男仔都跑得好快 ,成日掉低左我 ~
有一晚 ,玩玩下我又唔見左佢地 ~
我知佢地就係附近 ,因為我仲聽到佢地把聲 ~
正當我想行過去時 ,我見到d野令我即時停低 ~
當時我背住"詞堂" ,距離我一屋位置 ,牆邊有一個只有上半身嘅人 ~
我睇唔到佢係男定女 ,我估佢係男 ,因為雖然只得上半身 ,但感覺好高大 ,飄得都好高 ~
因果時太細 ,仲未即時知道咩事 ,我有懷疑過會唔會係晒衫 d衫 ~
但我好似望極都好矇 ,灰灰白白嘅人型 ~
我又無近視點會咁矇 ?? |