本帖最後由 花園仔 於 2009-6-1 20:13 編輯
7067# i4kai
花老師,
請問直接落花生麩、骨粉做基肥,種菜及豆類,應落幾多?
我知吽花生麩水要1:15'用時再開水1:7
咁正常咁用花生麩去吽定啲肥泥,是一份麩對幾多份泥呢?
如果我的容器不夠大,是否可以用 1:1 去吽?
我已經吽左啲洗米水 1個月左右'是否可以唔開水、直接用得?
唔好意思、問咁多問題!
=======================================================
你好!
嗱! 你最好睇吓當勞嘅帖嘞:
http://hkplants.com/thread-29120-4-4.html
當勞64#
你好!
你移種6兄弟嘅過程係咁嘅:
1,先用泥舖好個底先,我就先加骨粉
2,然後落花生麩啦!
3,再用泥蓋好預一吋高度蓋泥,再落骨粉
4,最後落埋花生麩用泥蓋好
5,完成後將青瓜六兄弟定植。
我嘅做法係咁嘅:
先决定用幾厚泥(預6吋喇)
决定苗苗種幾深(預2吋喇)
(一)先用1吋半泥舖好個底先
(二)然後落花生麩+骨粉溝勻
跟住落1吋半泥連同溝勻咗嘅肥料一齊撈勻
(三)落埋3吋泥冚落基肥泥度
(四)挖2吋深將植物種穩
說明:
(二)程序最好用其他盛具做妥倒入植盆內.
(三)(四)所示泥嘅厚度<3吋>減去植入深度<2吋>即分隔層為<1吋>囉!
注意:
分隔層嘅厚薄要視乎植物根部走向速度去判斷
(好似醫生開藥俾病人咁, 都要睇吓佢底子如何至决定落輕重藥喇)
假如植株D根係橫向形嘅分隔層咪薄D囉.
相反植株D根係深縱形嘅分隔層咪厚D囉.
所以對所種植物基本認識係好重要嘅.
錯誤嘅判斷令植株根部接觸到基肥層時基肥仲未發酵完成, 咪引至燒根囉!
相反植株進入發育期D根都未能接觸到基肥層, 咪變咗失匙夾萬喇!
解决:
咁你又懶, 好聽D唔得閒花咁多時間去了解逐種植物嘅特性,
又想安全D保險D去種嘢, 唔落基肥囉!
否則最好辦法就係 -- 吽好基肥泥至種嘢嘞!
---------------------------------------------------------
花花97#
通常都係花生麩先會用水牛的~
骨粉發酵得冇花生麩咁勁, 可以就咁追都ok,
花生麩同水用1:15開o左佢用膠樽牛,
唔怕爆蓋or個樽變型就寧實個蓋, 聽聞會牛得好d
要牛起碼2-3個月先用得架~好似釀酒咁, 越耐越好~
用得個屎麩水同水1:7份量當水淋就ok了, 淋完要用清水過一過,
冇咁臭之餘都可以緩和下d麩水冇咁易出事燒根!
靚土袋都有分幾多L bor? 25L定80L?
總之老師話粗略比例係20份泥就1份肥咁law...
但都係個句, 要睇返個個植物本身所需的!
--------------------------------------------------
至於洗米水問題, 我未試過吽成個月, 所以希望其他網友帮到你. |