蘭花記事簿(resume)

psyche 發表於 2020-5-29 14:37
ig得圖都啱? 宜家啲人真係唔鐘意打字。睇下係咩Forum啦，只要討論氣氛良好，大家互相尊重就可以。 ...

咁又係! ig都係一句起兩句止，
都無乜點交流嘅！

水苔做料加日日淋雨，心想啲根點都爛得七七八八，抽出黎睇，點知根出奇地健康，幾乎條條實芯。細盆配水苔永遠是無敵，只要根群能駕馭到花盆，日曬雨淋冇有怕!

由最初板植轉盆植，到今日再變回板植，天宮陪我渡過了不少歳月，不是最強的蘭花絕無能耐同我挨到今天。

芒板貴，猶疑良久到底是否真要賜予天宮，最後還是別計較太多，不是blue blood 又如何，我家葉園不一直都是以年資取勝?

又一不怕淋雨系列，通常不怕淋雨的都有一個共通點: 醜。雨由開第一朵開始落，之後有幾日還下得特別大，我故意不把蘭花收入屋，睇你今次點死。誰知翌日再看，竟安然無恙，鐵打的嗎?

psyche 發表於 2020-5-30 01:29
又一不怕淋雨系列，通常不怕淋雨的都有一個共通點: 醜。雨由開第一朵開始落，之後有幾日還下得特別大，我故 ...

它很堅強呀 接近大自然的生長環境。
我室內種植，今早大雨，即閂窗，怕它們染到病菌，我唔係好識點樣拯救

psyche 發表於 2020-5-30 01:29
又一不怕淋雨系列，通常不怕淋雨的都有一個共通點: 醜。雨由開第一朵開始落，之後有幾日還下得特別大，我故 ...

呢個花紋幾OK，唔醜喎

B17 發表於 2020-5-30 14:16
呢個花紋幾OK，唔醜喎

其中一朵似乎感應到B大的讚賞，代花花說聲多謝!

將天宮一野撻上去就算，水苔都冇加，種花隨意點就可以。

死過N次的紫羅蘭，種得很差，姑且叫做幫苦苣苔科留一席。

撐住啊我的葉園，本宮已不顧自身安危盡力營救。雨落三四日勉強頂到，超過了啲花就嗌哂救命。

psyche 發表於 2020-5-30 19:27
其中一朵似乎感應到B大的讚賞，代花花說聲多謝!

貨真價實的說謝謝

psyche 發表於 2020-5-30 19:39
撐住啊我的葉園，本宮已不顧自身安危盡力營救。雨落三四日勉強頂到，超過了啲花就嗌哂救命。

原來psyche大有種鹿嘅！

由年頭開始，經歷完一次又一次的失花之痛，對開花一事又再看淡。品種愈多故然愈好，但同時壓力就愈大。這是我第一次的全戶外種植經驗，管理上真吃力。好花種不完，人總是得一想二，但只是人之常情，每種蘭花的美各自獨特，叫人怎能故步自封?

但此時此刻，只希望專心種好手頭上的花，再好再優的花，就即管讓她開在別人的家，反正開在哪都一樣。Walker的坑還是不要入了，本來我對Walker就興趣乏乏，不如就順勢扼死了它，何必故意開發新的鑑賞力。當初放下那棵Walker的alba苗是明智的，因為我已經有鞋仔。

我的蘭花過不了關需要保護，請再纏緊些。



要細心地將綿線穿好，需要不少心機

psyche 發表於 2020-5-31 02:02
由年頭開始，經歷完一次又一次的失花之痛，對開花一事又再看淡。品種愈多故然愈好，但同時壓力就愈大。這是 ...

種鹿啦 psyche大！
易種d葉同形態又優美，
重有就係唔駛太多陽光架！

freddywongdy 發表於 2020-5-31 09:43
種鹿啦 psyche大！  
易種d葉同形態又優美，
重有就係唔駛太多陽光架！

種得好自然會愈種愈想種，感謝你帶給我靈感，有打算學你用大碗砵種鹿，碗邊被營養葉包住時定會很美。我的只是普通街邊硬葉鹿，沒你的名種漂亮，她們會有名字嗎？

Ming36 發表於 2020-5-30 14:09
它很堅強呀<span class="emoji emoji1f4aa"></span><span class="emoji emoji1f3fb"></span> 接近大自然的生長環境。
我室內種植，今早大雨，即 ...

我對細菌感染也束手無策，試過茶樹精油噴霧，無咩用，落完雨照爛。唯有用返至臭的古法辣椒大蒜水，有效殺菌又能刺激生根，雖麻煩卻不會毒害環境。

psyche 發表於 2020-5-31 13:38
我對細菌感染也束手無策，試過茶樹精油噴霧，無咩用，落完雨照爛。唯有用返至臭的古法辣椒大蒜水，有效殺 ...

好佩服你能照顧咁多植物，種得生嗰啲，全部都有型有態。
我今日也忙於檢查家中植物，以防患未然

psyche 發表於 2020-5-31 11:45
種得好自然會愈種愈想種，感謝你帶給我靈感，有打算學你用大碗砵種鹿，碗邊被營養葉包住時定會很美。我的 ...

有！不過要店主有名先得！
因為近年太多雜交品種啦！無返咁上下大都好難分到！
如果用碗種我推介種亞猴啦，非猴雜交種啦，銀鹿啦，
hilli或者佢d雜交種，圓盾... 哩d都可以包到碗嘅！

freddywongdy 發表於 2020-5-31 17:52
有！不過要店主有名先得！
因為近年太多雜交品種啦！無返咁上下大都好難分到！
如果用碗種我推介種亞猴啦 ...

亞猴此等貴價野還別碰了，我都係粗種，只是照顧鞋仔已很費神了，睇少眼都唔得。等這棵種得生我再考慮其他的品種。不過冇名就真是比較令我失望。

psyche 發表於 2020-6-1 16:55
亞猴此等貴價野還別碰了，我都係粗種，只是照顧鞋仔已很費神了，睇少眼都唔得。等這棵種得生我再考慮其他 ...

亞猴已經普及，再唔係貴價架啦！
台灣而家好多特別品種仲貴呀！
我等緊佢地大量生產，
我育緊亞猴孢子苗，
唔知遲d成功率有幾多，
到時種定左品質又可以的話，
我預棵比你啦！

freddywongdy 發表於 2020-6-1 16:59
亞猴已經普及，再唔係貴價架啦！
台灣而家好多特別品種仲貴呀！
我等緊佢地大量生產，

Freddy仔大大真是出神入化了，連胞子苗都識繁殖，有多咪關照下Psyche大。我很可憐的，本帖提到的新花全都是靠人送贈，因我本身不會再買花。