DIY 香薰潤唇膏 (Lavender)

可以用 cool press coconut oil + 初榨橄欖油+蜂蠟 (水母配方,甜杏仁油改為橄欖油)

回復 141# prodorothyhkg
哦..
唔知各種份量係點呢？
我完全係初學
好多野都唔識

回復  prodorothyhkg
哦..
唔知各種份量係點呢？
我完全係初學
好多野都唔識 ...
yuki044 發表於 2010-11-22 17:36

你照返呢度 #1樓咪得囉~

大家好,
我在牛頭角買左唇膏筒,
$10-6隻
$70-100隻,
唯有買100隻
我話買椰子油
佢話唔使喎,淨用橄欖油就得
屋企食緊米糠油,今晚玩左20ml
完成後,搽左少少試下,
感覺好肥
係唔係米糠油唔啱用呢 ?
仲有,買左支探熱針
無諗過成支6雲吞麵筷子咁長
謝謝

牛頭角姐姐d椰油唔係冷壓初榨,而且味道怪怪,只用來打皂,不適用於潤唇~
你可能唔夠蜂臘,所以比較軟,搽上嘴度就比較油

回復 145# prodorothyhkg


    哦~謝謝~prodorothyhkg~

大家好,
我在牛頭角買左唇膏筒,
$10-6隻
$70-100隻,
唯有買100隻
我話買椰子油
佢話唔使喎,淨用橄欖油就得
...
花無知 發表於 2010-11-30 22:45

橄欖油和米糠油都係好軟的油，要加多些beewax做潤唇膏．

牛頭角姐姐d椰油唔係冷壓初榨,而且味道怪怪,只用來打皂,不適用於潤唇~
你可能唔夠蜂臘,所以比較軟,搽上嘴度 ...
prodorothyhkg 發表於 2010-11-30 22:57

   讚成水母既講法...覺得油其實係因為支嘴膏軟，比較軟你搽落嘴佢咪溶得多D囉..所以覺得油...唔想加蜂蠟另一個方法係，將部份米糠油換左做可可脂或乳木果脂。但如果單單想控制硬度，都係攪下蜂蠟比例，比較簡單容易。

米糠油比起橄欖油己經較爽，當然同油既品質都有關係。

有玩開油既朋友就好清楚，同一種油，唔同廠家做既，質感都有分別。

以前同DIY班玩精油既姐妹網聚，就大部份時間都用係試油同聞精油上面，大家都有唔同廠家既油同精油拎出黎一齊試，一齊討論，學左好多野。

你地有時玩皂玩燒烤其實都可以玩下即時討論，同埋試下油架，真係得益好多架。

因為有D人會對油質感覺大D，可以幫到感覺無咁靈敏既人學習去認識自己既感覺。
有D人嗅覺好得，可以分到精油裡面唔同既香味，其他人又可以從中偷下師。
上香薰班時老師都會教我地試油，同試精油，但時間好短，未能即時培養到對精油或基底油既觸覺，之後好幾次網聚就慢慢可以培養出黎喇。對於想上淘寶買野既人，識得用感覺去判斷，買平貨好有幫助。

牛頭角姐姐d椰油唔係冷壓初榨,而且味道怪怪,只用來打皂,不適用於潤唇~
你可能唔夠蜂臘,所以比較軟,搽上嘴度 ...
prodorothyhkg 發表於 2010-11-30 22:57

讚成....用黎打皂就好囉....
搵油可以去有機食材店或citysuper搵下，但建議買d平時會食既油，因為靚油容易壞(我壞左好多支靚橄欖油喇)，做完護膚品，快快趣食左佢。下次要做再買過。


[好多芳療既朋友都唔建議係超市買油做護膚品，因為食用級同護膚品級既始終有差距，但作為一個師奶，就唔想分開兩種油放屋企左地方，變壞左又浪費錢。而且，我地又無人地玩得咁出神入化，對於材料既保養同防腐防氧化都唔想額外去做。所以我會向生活化依方面著手，學唔到人地咁持登買一個衡溫櫃去裝材料。]
   

食用︰
橄欖油可以降膽固醇，有個網友老公聽醫生建議，每日飲一茶匙，話真係降到喎!我多數要黎浸香草油做沙律或義大利麵包。

椰子油最近被力推既，話營養好好，又推播以前話佢係飽和脂肪危害身體既言論(信而家講既理論，會覺得比人玩左好耐囉)。仲有人話用黎減肥成功添....打算做白老鼠，買樽番黎煮食用，食佢一個月試下睇下對肥瘦有無影響。平日我最中意要黎做唇膏既油，有天然椰子香味，只要落丁丁咁多帶甜既香味精油就好正。或者就咁唔落淨聞椰子油味。係護膚用品中我必落既油，對於濕疹、敏感皮膚、BB仔皮膚都有益處。我自己皮膚測試，就覺得係幾爽下既油，我吸得好快。

麻油中國人常用既油，對食物氣味既添加好正，中國傳疏菜試好適合，但我好少用超市賣既黎做護膚。除左氣味太似叮叮麵之外，感覺超市賣既搽上皮膚會比較厚，吸收較差。買脫味護膚品用果種，質感會細緻D無咁肥膩，但我總會有支係屋企要黎食。

葵花籽油，一向係好多人用黎做萃取油既基礎油，如果無乜特定用途，做定黎準備隨時用，我大多會用葵花籽油黎浸洋甘菊、人參等等。可作一般炒菜油，又食得又浸得，而且好方便買到。

大家買油時記得睇標籤，因為好多食用油都會溝油。

我果個係狗仔鼻,以前可以分出成十幾廿種精油,其中有混合左既都分到少少出黎,呢2年唔知係咪聞得多,退步左啦
有時一入門口聞到少少尿味就知道d狗狗攪過乜黎,尤其係老 jack,長期d尿都唔夠酸~

麻油同花生油我就不太喜歡用黎煮食,味道太大,食用油我反而鐘意d淡味油~

我果個係狗仔鼻,以前可以分出成十幾廿種精油,其中有混合左既都分到少少出黎,呢2年唔知係咪聞得多,退步左啦: ...
prodorothyhkg 發表於 2010-12-1 10:15

   你真係好勁喎.....尿都分到係邊個既.....
如果覺得嗅覺退步左，就要留意下工作或家居環璄附近有咩改變左，可能空氣質數差左都會有關架...
另外飲食習慣改變左都會有關，我以前係好遲鈍，咩味都分唔到，變壞左照食都唔知。

改左食素同斷食之後就靈敏左好多，再唔會食變壞左既野喇。進步係對自己而言，同老公比，我仲差佢好多，佢係天生味覺靈敏。(醃左隻雞放過入雪櫃同未放過佢都知，唔係我雪櫃有問題，昨日佢媽咪個工人都係咁講。)

不過近來食番D肉，發覺開始打回原型....昨日上去幫奶奶照肺照左半日，希望佢可以接受到我食番素啦。
(奶奶強烈不滿我唔食肉，做節係食飯枱上三番四次投訴，仲講我唔食肉會影響其他人興緻，話我掃佢地興。但食番肉我濕疹又起.....唯有對佢疲勞轟炸式說教)

麻油同花生油我就不太喜歡用黎煮食,味道太大,食用油我反而鐘意d淡味油~
prodorothyhkg 發表於 2010-12-1 10:21

我好中意麻油架....會用黎做鑊尾油，有時仲會要黎炒菜，食飯或麵會淋D係面架，會唔會係我中意咁強勁味道既野，所以聞覺麻麻地呢...


花生油老公中意食，所以用細樽叫佢係奶奶度裝少少番黎。(佢淨係放假先係屋企食飯)不過....星期日炆左煲好好味既羊腩煲，佢係味道上無得投訴之下投訴我.....[食就好食喇...不過好滯!]


商議下.....終於有定案....以後唔洗煮比佢食，因為原來佢食我D糙米飯覺得好難啃，放生佢喇!等佢食街外野喇!
以後唔洗為花生油而煩惱喇!

反正佢唔識欣賞我既手藝，以後淨係煮比朋友、同自己媽咪食。好彩仲有一個朋友幫我試味，但就少左老公依個醃尖大少.....廚藝進步空間會細左。

初學者對於比較多不同材料既配方比較混亂，有時想做最簡單既一種，但好難搵，所以放上一般唇膏油同蜂蠟既比例作為參考。初學者可以因應自己用量計算，我最少份量會做兩支，大份量做幾十支，都係依油蠟比例計算出黎。

管裝唇膏
油:蜂蠟=3:1

罐裝唇膏(小型面霜罐)
油:蜂蠟=5:1

我好中意麻油架....會用黎做鑊尾油，有時仲會要黎炒菜，食飯或麵會淋D係面架，會唔會係我中意咁強勁味道 ...
cklife 發表於 2010-12-1 10:37

    以後唔洗煮比佢食?? 係真唔係呀？？ 街外野點會健康得過住家菜～
男丁淨係鍾意整煲仔飯，個個星期都整，我次次都大讚，有佢煑唔洗我煩，點都要話好吃～　（不過真係好好味既～可能我太易滿足～）

糙米飯 is very good and prevent 癌症.  The food in restaurant is tasty but is too oily and salty.  Not good for health (especially for mid-age people  ).

For you 奶奶 you talk him 食素 is good to have male baby.  

...
椰子油最近被力推既，話營養好好，又推播以前話佢係飽和脂肪危害身體既言論(信而家講既理論，會覺得比人玩左好耐囉)。仲有人話用黎減肥成功添....打算做白老鼠，買樽番黎煮食用，食佢一個月試下睇下對肥瘦有無影響。...
cklife 發表於 2010-12-1 10:16

CK 呢個世界係咁咖嘞，得一樣好又唔得第二樣。但係生產商就會因為其中一樣功能而大做文章 ...
結果好多人只係為一樣功能而轉食其他食油 ...
其實 葵花籽油、花生油、菜油、各有好處，我會交替來食
至於 椰子油 含 中鍵脂肪酸，係好D，但只係佔椰子油的 14%，唔係全部。如果單單以 卡路里 計：
　中鍵脂肪酸 (6.8千卡) X 14% + 長鍵脂肪酸 (9千卡) X 86% = 8.7 千卡
　即係每克油的卡路里比其他油少 (1-8.7/9)*100% = 3.5%
　真係你落油時個心跳一吓，隻手震一震落多咗都唔止呢個數 ...
當然 中鍵脂肪酸 的好處不止在 卡路里，但係 椰子油 只得 14% 係中鍵脂肪酸，而 中鍵脂肪酸 只係較好的油，大家得到的好處真係好 marginal
但係椰子油含 飽和脂肪酸 係不爭的事實，點樣取舍，真係要好認真咁諗吓喇！

CK 呢個世界係咁咖嘞，得一樣好又唔得第二樣。但係生產商就會因為其中一樣功能而大做文章 ...
結果好多 ...
真係你落油時個心跳一吓，隻手震一震落多咗都唔止呢個數 ...
孖吉 發表於 2010-12-1 12:11

好正呀呢句．
加你分讚下你好唔好呀？

好正呀呢句．
加你分讚下你好唔好呀？
jellyfishy 發表於 2010-12-1 12:16

多謝嘞！分呢樣嘢留返俾其他人啦！

以後唔洗煮比佢食??   係真唔係呀？？ 街外野點會健康得過住家菜～
男丁淨係鍾意整煲仔飯，個個 ...
jellyfishy 發表於 2010-12-1 11:13

我老公話味精最好味....撞鬼佢...講依句說話時旁邊仲有人和應添呀....所以....放生佢...

我煮比識欣賞既人食.....


初初識老公時佢都話我整煲仔野好食架....不過後來佢發覺肥左之後，話我有陰謀....唔比我再整喇....