自制肥皂 ( 10/8/2010 尋肥寶寶~~~ 有野益你~~)

以前有識得有個diy好叻既高高手,佢話手工皂要既係佢皂化中轉化成"甘油"既成份,其他添加物都比naoh破壞咗大部份....你地有咩睇法呢?
muitau 發表於 2010-7-21 14:50

   我讚成! 其實諗下就知....皂留係皮膚上既時間有幾多，咁短時間，咁大量既水沖刷，仲剩番D乜呢?仲有，係膚護既過程上面，皂既角色係清潔，用手工皂主要就係想係清潔既同時，減低刺激性，所以我自己唔會用好靚油。但唔同既油脂做出黎既皂，洗感同觸感上又真係有分別，所以，油脂又唔可話完全唔講究。我覺得做皂既人既功力，比較重要，就算同一條配，用同樣既油，可以做得好靚，可以做完放無耐就變壞，依D就係功力喇。

月見草，酪梨油...依D油真係好正架，不過我唔會用黎做皂，我會用黎按摩或搽面，靚品質油真係可以好吸收，而皮膚會變軟和濕潤D....

我以前冬天皮膚會脫皮，面上尤其眉毛位置、鼻翼位，太乾天氣又會有頭皮屑，DIY後都改善左囉....(賣花要鑽下花香咩)

不過講皮膚觸感、洗感，對於皮膚敏感有問題既人感覺會強烈D，如果皮膚感覺遲頓既，真係唔洗比好野佢用，費事牛趙牡丹。
我妹對手工皂係完全無感覺，仲話用左唔舒服，佢唔中意用我整D野，中意走去彩豐行買大大支果D....

淨係甩晒皮既時候先識走黎搵我，要我比玻尿酸佢救命。

台灣買野，我多數係幫襯思高，有信用咭都好方便，同其他網上講物無咩分別，係佢轉左購物程序我唔係好滿意，所以無再買野，唔知依家又係點...太耐喇....

淘寶，只要攪惦個支付寶就OK，我用HKbank信用卡，用支付寶係扣番信用卡之嘛...同用paypal差唔多，不過淘寶既賣家良秀不齊，最好有人用過介紹比較安心。因為有人試過訂唇膏筒，D蓋係唔實既，成日甩。精油蓋用左一段時間會爆裂。等等....
而且買乜都有最基本運費，上次買三個蚊帳，每個六蚊，運費就三十幾蚊，比個朋友知道佢就話我，唔同多D人講，咁可以買多D分擔運費，但蚊帳唔係好多人有用咩....唔通見人就講咩....其實我只要一個，己經買多左兩個喇...但估唔到， 多左既兩個又真係有人要喎!

我有做紫雲膏的。
我個簽名檔果條link裡面有齊的賣的產品。
肥寶寶 發表於 2010-7-21 14:50

   係相簿黎架....我見到有唇膏同飾物，但現唔到有紫雲膏呀.....連你D皂都無喎....

我都做左,不過好奇怪,前年我本來做比姪女用, 佢覺得無咩分別...舊年我估我成日上天台晒流得汗多出左濕疹, ...
muitau 發表於 2010-7-21 14:55

   以我經驗，新起濕疹效果會好D，慢性濕疹皮膚己經肥厚左(摸落去好似有層野係度咁)，吸收力比較差，所以分別都好大架。(因為油膏難吸收。)你有做紫雲膏，咁介紹你用紫雲油，即係你浸左味整膏既油，冬天好好用，可以用黎按摩對爆拆效果好快。我媽媽當佢係神油，佢冬天淨擦橄欖都話唔夠潤，我比左D紫雲油溝落去橄欖油度，再加少少精油調味。佢拎番大陸按摩時叫人用，佢話用過後，沖完涼唔洗話次次擦油咁煩，唔再痕喇。
咁佢個按摩師，反完鄉下(苦害之地)，開功時我媽見佢塊面爆晒拆，直情係裂晒。擦左好多藥膏都唔得，我媽見佢好可憐咁樣，倒左少少油比佢，佢擦左三日好番晒，剩番既油變壞左佢都唔肯掉，話要留番黎番鄉下比屋企人用。另一個媽媽朋友，飲完酒起疹，又搽番好，依家年年都要浸定D係度比佢。

紫雲膏係我老公濕疹好番晒以為唔洗再做，點知老公發現左佢既另一好處。冬天老公訓覺時就擦到個嘴紅當當，佢話正過以前買果隻藥性潤唇膏(好貴粉紅色圓形樽)，爆拆訓覺搽左，朝早起身就好番晒無事。所以冬天我都會加少少黎做潤唇膏。(不過都幾臭)

我都好信精油/芳療, 講個咪咪你地知,有排男友無端端需索頻頻, 好鬼煩, 諗諗吓, 原來果排我搽有ylang yl ...
muitau 發表於 2010-7-21 15:02

講個笑話你聽，有網友聽聞伊蘭伊蘭依個功效，就整左一個浪漫晚上，點住佢黎同男友一齊訓，點知一覺訓到天光咩事都無發生過，仲要唔識起身，好似訓死左咁呀。

後來學芳療既網友解釋係因為分量既問題，量多同量少可以有唔同效果架。

我讚成! 其實諗下就知....皂留係皮膚上既時間有幾多，咁短時間，咁大量既水沖刷，仲剩番D乜呢?仲有，係膚護既過程上面，皂既角色係清潔，用手工皂主要就係想係清潔既同時，減低刺激性，所以我自己唔會用好靚油。但唔同既油脂做出黎既皂，洗感同觸感上又真係有分別，所以，油脂又唔可話完全唔講究。
月見草，酪梨油...依D油真係好正架，不過我唔會用黎做皂，我會用黎按摩或搽面，靚品質油真係可以好吸收，而皮膚會變軟和濕潤D....
cklife 發表於 2010-7-21 17:05

一矢中的! 我啲啲比較好嘅油初初買本來用黎做皂, 後尾唔捨得結果用番黎搽面搽身 ...
同埋好攪野,通常啲人一拎起舊皂就聞吓咩味, 自己都係咁...後尾自己想沖完涼香噴噴咪用eo搽身囉, 仲直接!

唉,而家我感覺到大家都有野想訂不過唔知邊到訂好...再source吓先....

我都有d客人用紫雲膏對負濕疹冇效，我會叫佢地試用椰子油乳木果濕疹膏。
我估呢d都會好似d護膚品咁，因 ...
肥寶寶 發表於 2010-7-21 15:04

椰子油乳木果，BABY用真係好好。另外，我老公既一個用後報告，茶樹油蘆薈啫喱都幾好，夏天用清爽D，可以某程度上舒緩，仲順便驅蚊。

約丫, 無所謂, 不過8月因為小朋友放暑假可能要夾得好啲! 不過講明, 我啲野都係也也烏! ...
muitau 發表於 2010-7-21 15:04

皂友打皂呀...好好玩架喎....

我都有用含依蘭的按摩油呀！
點解我老公唔理我？
肥寶寶 發表於 2010-7-21 15:05

   會唔會臭覺既問題，我所有精油，老公都話臭架.....所以淨係比荼樹油、香茅果D佢用，反正佢淨係要驅蚊。

以我經驗，新起濕疹效果會好D，慢性濕疹皮膚己經肥厚左(摸落去好似有層野係度咁)，吸收力比較差，所 ...
cklife 發表於 2010-7-21 17:22

哦,原來佢對新起既效果大啲,你唔講都唔知! 如果就咁浸油就得仲無咁煩添喎, good idea!!

不過有一點果個高高手提過我地幾次, 講白d就係...有研究顯示,紫草對老鼠有抑制動情作用, 所以有可能大劑量吸收會有抑制精子作用, 男仕如果長期用就要小心啲...不過佢只係少少提醒比大家知道吓,相信我地大家都唔會大量使用.

講個笑話你聽，有網友聽聞伊蘭伊蘭依個功效，就整左一個浪漫晚上，點住佢黎同男友一齊訓，點知一覺訓到天 ...
cklife 發表於 2010-7-21 17:25

真係無癮囉咁
果排我男友都唔知我搽咗咩所以一定唔會係心理作用, 可能佢咁岩對果種味敏感啲掛...

係啦, 男友本來唔用皂,有排佢沖親涼之後都痕到飛起,試用左手工皂後就無事,而家已經愛上咗,尋日佢先講笑問 ...
muitau 發表於 2010-7-21 15:13

   咁你就成舊唔切比佢囉...呵...呵...
我老公初初都唔肯用，因為佢有恐怖經歷，唔敢亂試。如果無滴露皂，情願用勞功皂都唔肯試其他野。

終於，去旅行時我特登唔幫佢帶皂，又花左好多時間說服佢，佢先死死地氣試左一次，沖完涼出黎，發現新大陸咁同我講:[嘩!唔痕喎!]...之後佢只係用手工皂，仲係由頭到腳一塊皂攪惦，若干日子後，佢又發現新大陸咁同我講，佢無晒頭皮屑。因為之前佢成日因為頭皮屑周圍搵洗頭水。

我估計佢頭部皮膚敏感所以脫皮，用左手工皂無左刺激，頭皮自己復原，好番晒無事。之後佢先開始信我D野，我就乘機同佢攪番惦D濕疹囉。

用手工皂，過水的時間都快d架！！
唔知你地有冇留意呢？
肥寶寶 發表於 2010-7-21 15:22

  係架...我第一次試用手工皂都有係BLOG寫報告架.....D皂唔痴皮膚，一沖就乾淨，沖完覺得皮膚滑左(我本身皮膚好乾下)。
不過都係皮膚敏感既人反應大，之前被迫賣左D橄欖油液皂比人，佢反應大到咩咁....之後唔肯再賣比佢，佢幾失望喔...果時無乜人賣皂架，想搵人介招比佢都唔得。

所以，依家買野真係方便好多。

我都係前2年玩過下, 最初都係"好好玩"度學返黎架
"好好玩" close咗好耐lu... 而家我都無打好耐, 多多指 ...
mandywowo 發表於 2010-7-21 15:25

我諗依度都幾多好好玩友......

mandy,
我都有你送比我既手工皂呀,仲起度,唔捨得用.
你記唔記得呀?
農夫 發表於 2010-7-21 15:34

   用左佢喇.......要用佢，佢先有價值架。
用左好用，自己又打下皂啦.....

我見有d依蘭分開123咁, 即係點呢?
茉莉花 發表於 2010-7-21 15:49

   買完全依蘭啦....咪123喇....
搵唔到本書係邊添...憑記憶(我D記憶好差架)

係蒸餾既過程裡面，唔同時間蒸餾出黎既精油，化學成份是有些分別的。果D 123就係唔同時間蒸餾出黎既，完全依蘭就係將佢地溝埋一齊，唔知有無記錯。

有錯請指正!!

我得閒搵番本書再補充資料。

ck,
引述番你用開個柔順劑form先:


#144
muitau 發表於 2010-7-21 17:04

唔該喎..我仲有其他配方未公開過架....有無人有興趣整牙粉呢?算從聽聞話牙膏會有致癌物質痴係D牙度之後，我無再用街D牙膏，我自己整牙粉用，都幾去茶漬架。

哦,原來佢對新起既效果大啲,你唔講都唔知! 如果就咁浸油就得仲無咁煩添喎, good idea!!

不過有一點果個 ...
muitau 發表於 2010-7-21 17:35

我諗我知你講既高高手係邊個囉。係架....所以細路仔用我都會提醒間唔中用一次，咪當神油。如果用黎治濕疹依D，成日會用既就介紹佢用其他野。


但我比老公用架...用左唔怕佢會去滾呀...

真係無癮囉咁  
果排我男友都唔知我搽咗咩所以一定唔會係心理作用, 可能佢咁岩對果種味敏感啲掛... ...
muitau 發表於 2010-7-21 17:37

   我地笑爆嘴，笑左好耐呀....

搵唔到書，都唔知自己係邊度收番黎既料，唔知會唔會係高高手講過呢....

但係網上搵番喇，就係我之前記得既大概咁上下...


依蘭依蘭Ylang ylang會有那麼多種，是因為它在蒸餾的過程中分段被取精油的關係。
詳細的說明應該芳療書都有提到，可能這比較基本題，所以精華區沒收錄。
ylang extra特級依蘭是剛開始蒸餾後最先被取出的精油，氣味最濃，
依蘭大部份的酯類都在特級依蘭。
之後被取出的精油則是ylang I,再來ylang II，越後面被取出的精油則倍半帖烯越多。
以芳香療法的角度來看，沒有哪一階段比較好比較不好，因為這關係到你需要的
是哪種化學成分較多的依蘭。
但是會這樣分主要是因為世界上精油的生產還是主要供應香水界，她們需要將產品
等級化，也就是高級品，次級品，再次級品。所以以香水業的角度來看，
當然特級依蘭是最好的囉。
市面上還有ylang complete完全依蘭，這是將所有階段取出的精油都混在一起，
或者是完全不分段取出，從頭到尾都收錄的精油。如果要體驗完整療效，這就是好選擇。

Thanks CK!