我的花園沒有花(加入有關藤三七資料)

CK好彩有人收留咋,唔係你樣樣都放入盆,多多位都唔夠呀
muitau 發表於 2010-7-26 16:15

   係呀...睇到發芽又唔忍得...唉...今日係廚房又見到發左芽既蝦蜜瓜喇.....淋住水先啦...第日先算....睇黎我太無計劃喇.....昨日係圖書館借左本書，佢教要有計劃，每個花盆都要計好點樣輪住種野，睇黎真係要用心刨下先得...

種多左瓜菜之後，發覺假天台熱鬧左好多，今日係豆角既芽尖位又發現在新朋友，飄虫先生佢走得太快，影唔到相添...
昨日就發現在佢，佢無自我介紹所以唔知佢乜名，但我諗我既蕃著葉可能就係佢攪成咁，因為我見到佢係咁吸我D蕃薯葉...


唔知點稩咊佢...

其他蕃著葉變成咁....


昨日既收成.....







變身蔥油餅喇

食譜參考︰Indian Roti 酥油餅

蔥油抓餅

中筋粉1杯
鹽1/2茶匙
暖水1杯(水1/4杯+開水1/4杯)
酥油3湯匙
蔥適量

製法︰

• 將中筋粉與鹽混合均勻，一邊揉搓，再把暖水分次加入麵糰，搓成光滑麵糰，蓋上濕布醒20分鐘。
• 將酥油和混合備用。
• 將麵糰分成3份，每分攤成薄片，放上1湯匙蔥油，抺勻。
• 將麵粉皮摺成風琴狀，將麵粉條繞成一個圓形，再用手放在上面壓平。
• 用平底鑊用中火煎香，煎至兩面金黃，見酥油餅乾身脆口，用鑊鏟與炸篩分別在左右，向中間擠壓，把餅弄鬆，餅放碟上。

回復 122# cklife


    你好本事呀,塊餅整得似模似樣,似外面賣果d tim...一定好食唧

其實材料好簡單架咋...不過就好肥下囉...
因為我中意用酥油咩...改用植物油可能無咁肥，我下次再試下

回復  cklife
你好本事呀,塊餅整得似模似樣,似外面賣果d tim...一定好食唧 ...
may.sun 發表於 2010-7-27 09:04

同意呀,整得好軟熟,好想食....

昨晚睡前去睇睇植物，見到苦瓜有花呀，唔知雌定雄。
今朝起身上睇...四個都係雌，無一個雄....家族遺傳，我屋企都係陰盛陽衰。真係物似主人形。
請問大家苦瓜應該點施肥既呢?

除左基肥，我當佢香草咁種架咋.....所以之前都係用番種菜既有機液肥，一星期一次，昨日先施過肥。

請問大家苦瓜應該點施肥既呢?
cklife 發表於 2010-7-28 07:35

比啲鉀肥花果會好啲,舊年佢一打果我就比啲雞肥呀,豐收一號,米水,蛋殼水...比佢食,一星期一次囉;就得授粉後笠袋喎.

苦瓜藤多, 追肥要加大骨粉的份量~

唔該晒muitau和小寶

剛才去加肥料，加左豐收一號、紅牛、骨粉，但有個問題，我12號盆種左二棵苦瓜，應該加幾多分量呢...剛才係斷估放落去。

我仲以為進肥係一個月一次添...原來係每星期架....唔怪得D藤咁奀啦...

回復 129# cklife


    苦瓜的藤粗不了, 唔好睇少條藤, 其實好難拉得斷, 2-3個星期落一次肥都得, 苦瓜唔算吃肥, 除非你掛好多果就要勤d俾肥啦, 12號盆我只會種一棵, 佢d根好多, 隨時生到成盆係, 可能要間住俾液肥俾佢食~

回復 130# 小寶
小寶你好呀..
我想問我用左10號盤種苦瓜呀..依家有兩呎高度...唔知使唔使換盤呢?
仲有我盤節瓜都係10號盤啊~~但全部都係囝花呀, 係未都係因為個盤太細呢?

回復 122# cklife


    嘩~好味呀~

回復 126# cklife


    你用邊隻有機液肥呀,我想買呀~

回復 131# 吉祥


    吉祥, 10號盆苦瓜就唔好再轉盆了, 可以靠修剪來幫補下. 開花無花囡/仔只係時間問題, 棵植物都想生仔加嘛, 如果已加左肥唯有期望好天開花啦, 落雨開花好難授到粉的~

回復  cklife


    你用邊隻有機液肥呀,我想買呀~
bobi 發表於 2010-7-28 19:14

   係繽紛買既有機液肥Garden Safe—Liquidall purpose，佢寫住比葉類同蔬菜用...N-P-K=3-1-5

不過鉀好高下...

回復 134# 小寶
知道啦...唔該晒小寶~~

回復 135# cklife


    有沒有想我可以看一下,我星期六會去買

回復  cklife


    有沒有想我可以看一下,我星期六會去買
bobi 發表於 2010-7-29 12:41

   我依家諗諗下，懷疑我當初買錯肥料呀。因為佢雖然寫Vegetables都得，佢佢寫其他花同果仲種類仲多。佢鉀份量大過氮呢....再黎係...我早上施完肥，晚上就見到花喇.....

我諗你將佢當做催花肥好D，你可以去睇下，果時買佢有幾支架...我唔知係咪拎錯左，可能有比葉菜用既呢。

不過買左好耐...唔知佢仲有無入依隻貨。如果有電話你打去問下先好D，唔係就白行喇。

比心機!加油add9icon

馬鬱蘭莖部木質化，要分株換泥了。


採收下來的葉子




葉香味很濃，濃濃的香水味，係咪因為咁，所以佢個名有個蘭字呢?好似花咁香。
葉片好嫰，雖然比起買番黎插枝既時候，葉細左但香氣反而濃左。
放一片入口，跟據口感同香味，決定今晚做沙律食左佢。





去佰X買材料，芝士無乜得選擇，是但買左依隻。






沙筆菜好貴，好彩爛葉唔多。我要種依隻呀...請問應該幾時落種呢?










以前見到依隻蔬菜脫水器覺得好似玩具，一直無興趣買，上次係法國租屋，屋主有為我地準備左一個，用過又幾方便喎，最近係宜傢見到有得賣，幾多錢唔記得左...幾十蚊咁囉....


馬鬱蘭未食晒，仲有好多(三個掛盆一次過採收喔)，拎去浸橄欖油，一邊放入樽一邊聞到香味，我諗浸完未必淨係要黎食，可能會拎D黎做潤膚霜，真係好香。