我的花園沒有花(加入有關藤三七資料)

佢就係我講果個，買左罐頭蜜瓜種出五代同堂果個囉....佢棵野買左番黎種係窗邊，死下死下咁樣，佢媽媽唔抵 ...
cklife 發表於 2010-8-4 16:24

    ,好多時種野都要人夾菜緣架!

南瓜終於有花仔喇....花女呢?等天氣涼D，日夜溫差大d就會出架喇。


苦瓜呢...經過幾日既日日有女..再黎日日有仔...終於有一日又有仔又有女，一個仔仔攪左兩個女女，依家有兩個瓜一齊大緊。
好細，只有兩日大，記錄左先。




蓮子話秋天種好易死，不過發芽又好快喎...日日都唔同樣

  



蕃茄仔終於捱唔住，最後一棵都死左喇




個盆用左黎種白菜苗





潺菜好中意尿肥咁樣喎




甕菜終於似番個菜樣喇






淋左尿尿，蘿勒忽然大左好多

好啦!
之前隻蛙時常俾人笑---乜都試種一餐
現有你陪囉

好啦!
之前隻蛙時常俾人笑---乜都試種一餐
現有你陪囉
llaus 發表於 2010-8-11 10:32

   係..你形容得好好，真係乜都種一餐，不過只限食得果D囉....
都未到九月，差唔多D盆都滿...頭痕緊D種子種係邊...

昨日幫婆仔買左兩扎瓜子菜，死喇...又種添...瓜子菜又即係馬齒莧，婆仔話去濕好喎...煮左粥食，好利尿架，勁過冬瓜，我諗有腎病既睇住下，唔好食咁密。





我度似乎唔夠陽光種菜，上次小棠菜懶發芽日落雨，今次種白菜，發芽日係好天氣，一樣徒長，要改變下策略，可能改種芽菜會好D。




到手香生得好壯下，今日剪左主枝落黎插水，呢個思樂冰杯係我最愛，個蓋用黎插水生根就正喇，D葉浪起左，尤其係蘿勒呀...D枝軟葉重，浸左落水就爛。





今日採收都係濕濕碎碎，點食好呢?沙律囉..最簡單
呢個係酸薑皮蛋香草沙律


酸薑皮蛋香草沙律
材料︰
白菜芽、紫蘇嫰芽、幾片薄荷、三枝馬鬱蘭、二片到手香，甜酸子薑適量、皮蛋一隻、亞麻籽粉適量。
調味︰
紅酒醋少許、百里香浸橄欖樹適量、海鹽適量。


我中意食依隻無鉛皮蛋，無尿壓味咩....不過唔係糖心皮蛋

CK午安呀~

我又食~~

回復 205# cklife


    食到一餐好健康的午餐喎~我會好快肚餓...點算?!

你d蓮子咪好似我d神秘果咁囉?! 冬天種好易死，不過發芽又好快喎....
我建議你將d白菜仔苗當芽菜仔食好了....
我空出左兩個長型花盆, 都想種白菜同埋生菜呀, 幾時落種好呀?

回復  cklife


    食到一餐好健康的午餐喎~我會好快肚餓...點算?!
小寶 發表於 2010-8-12 13:49

   個沙律係早餐呀....食完一陣風咁架.....

你d蓮子咪好似我d神秘果咁囉?! 冬天種好易死，不過發芽又好快喎....
我建議你將d白菜仔苗當芽菜仔食好了. ...
chanpyhilda 發表於 2010-8-12 14:38

   我唔死比...仲種緊，有一盤掉左係瓦頂，比較下加番陽光又有無唔同。
我諗九月掛....我依隻白菜係耐熱架....個種有d唔同，所以依家種....

隻白菜檔芽菜食無乜味囉...我諗會少量種，搬黎搬去咁晒下太陽，用晒D種子先啦...好鬼大包呀..

昨日幫婆仔買左兩扎瓜子菜，死喇...又種添...瓜子菜又即係馬齒莧，婆仔話去濕好喎...煮左粥食，好利尿架， ...
cklife 發表於 2010-8-12 12:04

皮蛋正呀,不過阿媽叫我唔好成日食咁多...鏞記果啲真係無得彈,都唔知佢點整/係邊到攞貨...

越來越喜歡潺菜，菜又大又綠，種係欄杆邊，裝飾性幾高喎。



今日終於忍唔住幫紫蘇鬆土，因為佢d葉生很好慢呀。果然，佢d根生到滿晒開始聚集係個底度。



剪左少少根，咁樣應該無問題喇掛....



鬆土其間發現葉底有虫，仲另一塊葉都有虫蛋呀...



兩樣野都係近根部既嫰葉上面，所以..........剪左下邊d葉囉...





通爽好多，靚仔晒，希望d葉又變番大啦

皮蛋正呀,不過阿媽叫我唔好成日食咁多...鏞記果啲真係無得彈,都唔知佢點整/係邊到攞貨... ...
muitau 發表於 2010-8-13 10:38

   其實食咩都係架喇....少食多滋味丫嘛....

多謝積媽分享比我既枝條呀...蕃薯第二日己經出芽喇....鷹爪良品呀...
但斑蘭葉唔知點解開始枯黃喔。





種子種既通菜開始似樣喇...(差少少二十日大)



苦瓜B一星期長左2CM



依隻大芥菜係耐熱品種，家下可以下種，有無人有興趣呀?包種子太大包，無人要我就拎黎當芽菜發左佢，我只可以種到二株，因為好大棵....網上睇到資料話，植株30CM高，橫幅50CM，當然我應該種唔到咁大，但都唔方細。




大坪埔大肉包心芥
廣州長合種子有限公司($10)
特性︰早熟，耐熱，適應性廣、全生長期85-100天，株高25-35厘米，葉濶矩圓形，綠色，葉面皺縮。結球緊實，心葉黃白色，單株重2000-2500克。質嫰，纖纖少，品質優，供魚菜食用及醃制咸菜用。
栽垃要點︰廣州一帶播種7-12月，以8月下旬至10月為最佳播種期。隻行植，株距40-45厘米，施足基肥勤追肥，注意防治蚜虫為害。

ck~

自食其草~真好~

ck~

自食其草~真好~
BanbieChan 發表於 2010-8-15 10:12

計我話，有得食就咩都好呀..

依隻大芥菜係耐熱品種，家下可以下種，有無人有興趣呀?包種子太大包，無人要我就拎黎當芽菜發左佢，我只可以種到二株，因為好大棵....網上睇到資料話，植株30CM高，橫幅50CM，當然我應該種唔到咁大，但都唔方細。

請問...我可以要少少嘛?  少少就得啦, 我都想試種幾棵我寄回郵給你好嗎?

請問...我可以要少少嘛?  少少就得啦, 我都想試種幾棵我寄回郵給你好嗎? ...
bebe 發表於 2010-8-15 12:17

   PM地址比我丫
可以將佢全部發晒芽..選幾粒壯既養大，其他，一齊種...唔洗種到最大...幾時想食咁拎去淥菜囉....

地址已pm啦, 謝謝ck~ 秋播會種好多東西, 下太多種恐怕吃不完嘛

回復 214# cklife

ck ,
班蘭葉呢, 你試下落泥呀, 頭0個2-3日放陰涼地方, 之後半陰晒, 我自己插0個d , 開頭都係黃葉 ( 由最外面0既黃起先....) 到4-5日左右, 就無再黃落去喇 ~~
葉多加上營養唔夠, 最先犧牲0既一定係外圍老葉, 唔使擔心喎 ~~~
d思樂冰杯都係我0既至愛, 無論係裝餅食 / 種野 / 小苗運送 ,呢隻杯都係極好用+安全~~

係呢, 你識唔識整潮州鹹菜呀 ? 我之前唔知響邊個帖度睇到, 上次去開衫兄, 就買左一包大芥菜種子黎種喇 ......