我的花園沒有花(加入有關藤三七資料)

這個天氣除左蔥之外，就算潺菜最好種...插枝落去，只需要澆水和等食。

自從發覺自己一直淋錯液肥後，就無再用果支液肥淋香草同葉菜喇.....今次試下用尿尿....放左成年喇....都唔記得當時做乜攪枝咁野係度，剛剛好..可以淋菜....先試下開1000倍...D菜唔死...下次試下再濃D.....


初初只插一盆，試試下所以都無搵盆比佢，就將佢插係死下死下既歐芹盆裡面。



一個星期後，食得架喇....不過種得一盆要黎煮麵都唔多夠，所以剪左個頂又插多一盆。



第二盆，過左兩日就企起身喇，依家D芽位既葉仲大緊添，下星期就有菜食喇。



繼蕃薯葉之後，最好重既菜，又係街市買番黎插就得喇。

天氣熱熱地，請你地食...榴槤雪榚
D蛋有煮過架...唔洗驚...仲用有機雞蛋添架...
cklife 發表於 2010-8-3 15:19

嘩~厲害啊~自家製榴槤雪榚~

這個天氣除左蔥之外，就算潺菜最好種...插枝落去，只需要澆水和等食。

cklife 發表於 2010-8-4 08:39

cklife


早晨呀~潺菜種得好成功呀~

嘩~厲害啊~自家製榴槤雪榚~
BanbieChan 發表於 2010-8-4 08:47

   巧巧食架，你都試下丫，無雪糕機都整到架...

cklife


早晨呀~潺菜種得好成功呀~
BanbieChan 發表於 2010-8-4 08:49

原來種潺菜...係無技巧可言架....真係好易種....

係呀..我無用生雞蛋配方呀...因為好多人唔敢用嘛...依個都OK...無雪糕機，我係用手攪架...都唔覺話好 ...
cklife 發表於 2010-8-3 16:19

    好想做你隣居呀

回復 177# muitau

其實我覺得人地講0既毒, 響唔同體質0既人身上有唔同反應. 受得到咪無事囉~ 受唔到就係毒喇.
老豆教落, 女人體質唔適宜食太溫熱/滋補食物, 食左無事, 唔代表身體強壯, 只係受得下咁解, 長期唔注意 , D QUOTA好快玩哂架~
好多時D人以為分寒熱底好易, 熱底食寒野, 寒底食熱野. 其實又係錯哂 . 中醫學邊有咁簡單呀 ....
最緊要呢, 係自己知自己事, 凡事唔好過量, 唔好比身體太操勞, 食野/ 情緒 大上大落都係唔好架~~~

天氣熱熱地，請你地食...
D蛋有煮過架...唔洗驚...仲用有機雞蛋添架...
cklife 發表於 2010-8-3 15:19

    正呀!! 每逢weekend我都返荃灣, 留返少少畀我呀...
    糯米酒我都 like 呀. 請問點釀呀?  以前我隔離屋釀果d係甜甜地ga, 我鐘意甜甜地嘅糯米酒.

好想做你隣居呀
農夫 發表於 2010-8-4 13:11

   嘻..嘻..個鄰居係皂友黎架...係網上識左先知住隔離...

回復  muitau

其實我覺得人地講0既毒, 響唔同體質0既人身上有唔同反應. 受得到咪無事囉~ 受唔到就係毒喇. ...
JicJicmom 發表於 2010-8-4 13:29

   完全讚同...我老公就係諗得好簡單...初時唔識寒熱底，識左就以為寒底勁補，熱底勁廿四味....
係要病左先肯理...做預防咁煲野比佢飲，要鵝住先飲....

正呀!! 每逢weekend我都返荃灣, 留返少少畀我呀...
    糯米酒我都 like 呀. 請問點釀呀?  以前 ...
chanpyhilda 發表於 2010-8-4 13:34

   我第一次釀用網上配方，個個都係釀既中間時間加入燒酒，但釀好發覺燒酒味好勁囉...唔係我要果種甜甜，要香味...
所以，今個冬天改左，用朋友教既方法，唔加酒，佢話佢亞媽生佢時釀既糯米酒...仲浸到依家，係粉紅色架....話係女兒紅喎....

所以，就話今年係浸酒既時候大家交流下，因為我都係第二次釀....

(其實係第三次，因為第一次發左霉，失敗左。)

有燒酒味既配方係依個....我諗住跟番佢，加幾粒南棗，今年再試下。

糯米酒配方

回復 191# cklife

CK , 我阿娘教我, 係用上海舖買酒餅黎釀. 等我再問下佢先......

我第一次釀用網上配方，個個都係釀既中間時間加入燒酒，但釀好發覺燒酒味好勁囉...唔係我要果種甜甜 ...
cklife 發表於 2010-8-4 15:01

    Hi CK,
多謝分享!  但我聽我媽講 (佢只會講唔會做ga…hehe), 只係放酒餅而已.  如果唔放澆酒, 係咪就咁免去放澆酒個程序呢?

回復  cklife

CK , 我阿娘教我, 係用上海舖買酒餅黎釀. 等我再問下佢先......
JicJicmom 發表於 2010-8-4 15:13

   唔洗上海舖架...雜貨舖就有上海酒餅架喇...我都係買果D黎釀...

Hi CK,
多謝分享!  但我聽我媽講 (佢只會講唔會做ga…hehe), 只係放酒餅而已.  如果唔放澆酒, 係咪 ...
chanpyhilda 發表於 2010-8-4 15:29

   應該係....唔知點解網上個個放燒酒，可能跟左台灣做法。我有一個網友，佢釀左好多年酒，但佢又係放燒酒喎...
但我問既大部份人都唔落架...我唔中意燒酒味。係配方度，一開始時放好糯米飯會淋少少燒酒，依個我應該會照做，因為覺得唔會影響發酵，而且咁少燒酒唔會影響味道，但就比我依D新手有種安全感，好似消左毒咁囉。(純心理因素)
但之後話落好多既燒酒我應該唔會落，我諗要落燒酒係因為想要酒多D同埋怕變壞囉。(但老公同我講，變左咪飲醋囉....唔知係咪真係咁呢)
唔落燒走會少好多液體架...

回復 195# cklife
CK ,
我阿娘屋企附近得上海舖, 叫做就腳咁解0者~ 佢用開又無問題, 我咪跟佢囉~~ XDDD
我以前見我阿娘釀, 佢"好似"只係落酒餅. 最後出來, 酒+飯比例都有50/50 咁..... 等我今晚問清楚D佢 ~~~

回復  cklife
CK ,
我阿娘屋企附近得上海舖, 叫做就腳咁解0者~ 佢用開又無問題, 我咪跟佢囉~~ XDDD
我以 ...
JicJicmom 發表於 2010-8-4 15:48

   50/50都唔少喎..會唔會我蒸D飯乾左D呢?

回復 189# cklife


    快d叫佢做埋農友啦~

今日去逛街，本來想搵霍香同青紫蘇...但搵唔到霍香，青紫蘇只見到有一處買，但包種籽好似有D問題，唔敢買。

結果..買左依三樣.....韭菜姐姐話依可以種喎....咁諗住種黎夏天食，種定先應該無錯掛....(因為初種好奀嘛...種到夏天應該大喇掛)



依隻白菜..姐姐話依家可以種(十蚊好大包好重手)，佢話依棵野可以生到好大架，D纖維會好粗下，佢教我唔好等佢大，見佢好似街市D白菜苗咁大就食一次(疏苗)，再長到手掌咁長就起晒佢出黎食。佢話食完三批就可以種正常品種既白菜喇。
咁..要整番個網先下種，無網唔敢種白菜呀...



依隻野，姐姐話要種好耐架，佢叫我依家搵陰陰地既地方先培苗，苗長得黎天氣都涼啦....佢話種到過年食喎....(真係好耐，好彩D葉都食得既姐....)佢仲教我話七吋盆就可以種一棵喇...




跟住就問左佢好多野，佢教我重陽種得蘿蔔，中秋可以種蕃茄....佢話依家種蕃茄適合喎...(唉...咁我棵小蕃茄真係有排等。)

回復  cklife


    快d叫佢做埋農友啦~
農夫 發表於 2010-8-4 16:14

佢就係我講果個，買左罐頭蜜瓜種出五代同堂果個囉....佢棵野買左番黎種係窗邊，死下死下咁樣，佢媽媽唔抵得拎左去盆種，種到百子千孫咁...我睇佢都係植物殺手黎架喇....