五區總辭 = 勞民傷財?

我覺得, 雖然哩到係吹水區, 講野唔駛咁認真~
但哩d post個標題比人感覺到係有討論既成份係到,
討論同吹水 ...
nwss54510 發表於 2010-1-26 23:32

咁點樣定每一個post要用幾多%誇張去講 先至無失去意義呢？

貼上報導，有乜問題？
1 - 可反映事情的發展， 或
2 - 借人之手表達我的意見，或
3 - 引述符合己見的文章，同自已洗腦。

咁點樣定每一個post要用幾多%誇張去講 先至無失去意義呢？
tommysze8 發表於 2010-1-27 14:24

唉! 真係無咁好氣喇 ...

同埋點解 泛民 唔去解决Ｄ民生問題？
你可以代答嗎？
tommysze8 發表於 2010-1-27 14:04

泛民解釋咗是解決民生必先搞掂普選
都唔係冇道理嘅

要有一個由民意產生, 亦可由民意推翻的政府, 才會聽取民意

正好針對依家個政府, 因為佢係由中國產生, 所以只聽中國話, 不理民生

泛民解釋咗是解決民生必先搞掂普選
都唔係冇道理嘅

要有一個由民意產生, 亦可由民意推翻的政府, 才會聽取 ...
比得大帝 發表於 2010-1-27 16:46

因為    要有一個由民意產生, 亦可由民意推翻的政府, 才會聽取民意
           泛民解釋咗是解決民生必先搞掂普選
           依家個政府, 因為佢係由中國產生, 所以只聽中國話, 不理民生
所以    民意要推翻政府，
結果    同中國對抗

中國有13億人要管，同700萬香港人的思考唔同，其實係要坐底講，人地開左張期票，你地係要2012，2012.1都唔得，係唔係揾交打？人地揸大Ｄ，你揸大Ａ都死啦！

只係一場 show ， 不用太認真。
政治飯唔係咁容易食，真係覺得佢地好辛苦。 ...
八王爺 發表於 2010-1-27 14:07

佢地系好辛苦，要犧牲利益，付出時間，還要受盡打壓。
但他們是為香港爭取一個公平的制度，不是一場 show。

（50萬約滿酬金 + 5個月x20萬 + 競選經費）

A. 我應該話 經濟，死士 係兩個方向，唔係結果，通常會係中間落墨。
正如比得大帝 話 ’死啦, 依家攪到五區請辭好似同大陸攪對抗咁’、’我地小市民都係想生活安穩啫, 唔好玩咁大噃’。  都同我的感覺一樣。
B. 唔明點解要(2012雙普選)，漸漸的(2020雙普選)唔得？
同埋點解 泛民 唔監督(2020雙普選)，而去同大陸攪對抗？
C. 同埋點解 泛民 唔去解决Ｄ民生問題？
你可以代答嗎？
tommysze8 發表於 2010-1-27 14:04

A. 被有意或無意的誤導，覺得爭取普選或對政制有不同意見會破壞經濟，所以，若要經濟好，對政制便不要多多意見。正如大陸的所謂“和諧”，但已被網民戲謔為“河蟹”。

B. 泛民就是在監督，所謂2017/2020，梁愛詩在一次政改諮詢會上說:「人大常委從來沒有就2017和2020確立雙普選時間表，人大常委會只是說到時可以考慮」，意思是說，2017/2020 之前不要妄想有，2017/2020 之後是否有要到時再商討。譚惠珠更說：「何謂普選由中央決定」。
所以泛民要爭取特區政府承諾，提出路線圖及時間表，究竟何時最終真正落實雙普選。

C. 泛民一直都關注民生問題，你可能只記得掟蕉，但你是否記得掟蕉是為了反對增加生果金要入息審查？你首先應該要質詢政府點解唔去解决Ｄ民生問題？
其實，泛民是否有盡責，不是你或我說了算，最終他們要面對選票，面對市民和其他競爭對手。

中國有13億人要管，同700萬香港人的思考唔同，其實係要坐底講，人地開左張期票，你地係要2012，2012.1都唔得，係唔係揾交打？人地揸大Ｄ，你揸大Ａ都死啦！
tommysze8 發表於 2010-1-27 17:53

別胡說八道，泛民的立埸很清楚，2012是目標，如果特區政府說不可以，應該要清楚落實交待路線圖及時間表，不能空泛地一拖再拖。
香港人沒辦法打交，不要暗示泛民會使用暴力。

別胡說八道，泛民的立埸很清楚，2012是目標，如果特區政府說不可以，應該要清楚落實交待路線圖及時間表， ...
ＭＫ 發表於 2010-1-27 21:06

  我唔係 '暗示泛民會使用暴力'，搵交打意思係 明知唔得夾硬要 。

咁點樣定每一個post要用幾多%誇張去講 先至無失去意義呢？

貼上報導，有乜問題？
1 - 可反映事情的發展， ...
tommysze8 發表於 2010-1-27 14:24

想請問閣下知不知什麼叫討論?? 你認為『誇張』既手法可用在『討論』之上嗎??
吹水post你用幾多『誇張』都沒人理會, 但閣下現在是想和各花友們『討論』的吧!?
希望閣下要明白什麼叫『討論』

貼上報導方面, 可不可貼上之前, 重可以講點自己的意見呢?? 報紙很多人都會看, 沒必要在此貼上吧,
你想反映事情發展的話, 都可以用『自己的文字』寫出來吧, 全段貼出來的話, 根本沒意思

如果閣下還是覺得這些手法是正確的話, 那閣下的post根本就沒什麼可供各花友『討論』的餘地了

看過近來的報導, 沒看錯的話, 現在泛民目標是爭取2012取消功能組別了

我應該話 經濟，死士 係兩個方向，唔係結果，通常會係中間落墨。
正如比得大帝 話 ’死啦, 依家攪到五區 ...
tommysze8 發表於 2010-1-27 14:04

＞＞百份之９９、９９ 香港人要經濟，唔要做死士，唔該泛民關注下Ｄ民生啦。
先講民生與民主的關係。

民主決定了政府，政府決定了民生。民主是制度，民生是結果。產生政府的辦法如何，民生亦如何。
製造三聚氰胺奶粉的三鹿，建造四川豆腐渣樓宇的建築商，是怎樣避過監察的？礦難又何為從來不絕於耳？
內地地方政府違法強拆房屋，毀人家園，居民除了無奈，還可以如何？中國建造網絡長城，安裝綠壩，最近短信要過濾信息，諸事雖非關溫飽，亦算不算民生問題？

慶父不死，魯難未已。所以只顧民生不理民主是治標不治本。小市民只求溫飽無可厚非，但如果政黨領袖的目光亦停留在溫飽上，不是目光譾陋就是愚民欺民。更何況，民生和民主可並行不悖。

＞＞同埋點解 泛民 唔去解决Ｄ民生問題？
再講政黨。正如ＭＫ所說，泛民固然有關注民生，例如民主黨為迷債苦主爭取賠償。再說，政黨要旗幟鮮明，各有側重。我們不會期望自由黨會保障小市民的利益，然則泛民着重民主又有何不妥？既然你贊同民主，你何不要求民建聯促進民主？

我唔係 '暗示泛民會使用暴力'，搵交打意思係 明知唔得夾硬要 。
tommysze8 發表於 2010-1-27 21:59

『你地係要2012，2012.1都唔得，係唔係揾交打』
正因為閣下用了如此誇張的手法來表達, 令其他花友們誤解了閣下的意思, 那閣下明白到『誇張』的手法是不能令大家繼續『討論』下去嗎??

因為    要有一個由民意產生, 亦可由民意推翻的政府, 才會聽取民意
           泛民解釋咗是解決民生必先 ...
tommysze8 發表於 2010-1-27 17:53

民主制度下改選政府是依正常程序辦正常事，專制政府才須「推翻」。既然你把民主的必然產物視為對抗中央，我很懷疑你是否贊成民主。不是的話，我寧願你學舌霍老，赤裸裸的說「我挺中央！」。

締造和諧社會, 是我們想
這裏也是一個小社會, 大家降低火氣, 對事不對人, 繼續討論, ok?

民主制度下改選政府是依正常程序辦正常事，專制政府才須「推翻」。既然你把民主的必然產物視為對抗中央， ...
sammy 發表於 2010-1-27 22:46

我同意  民主制度下改選政府是依正常程序辦正常事，正如台灣 阿扁下，馬英九上一檥。

香港正正唔係 100% 民主國家，改選政府 係有  對抗中央  嘅味道，呢個係事實，同贊唔贊成民主 完全無關。   明無？

『你地係要2012，2012.1都唔得，係唔係揾交打』
正因為閣下用了如此誇張的手法來表達, 令其他花友們誤解了 ...
nwss54510 發表於 2010-1-27 22:31

請問你平時講嘢係唔係用 之乎者也， 定係口語化，定係文章化，定唔係香港住嫁？
你見得我用口語化寫嘢，一定有口頭嬋，揾交打 大家都知唔係 去打交啦。  除非我用文章化寫嘢，、、唓！係香港人都知 揾交打 唔係 去打交啦。

點解唔見你對  '點解要(2012雙普選)，漸漸的(2020雙普選)唔得？' 有Ｄ高見？ 只有 捉字失， 捉誇張， 捉貼上報導無意思， 咁都算討論嗎？

請問你平時講嘢係唔係用 之乎者也， 定係口語化，定係文章化，定唔係香港住嫁？
你見得我用口語化寫嘢， ...
tommysze8 發表於 2010-1-28 12:55

先生, 我相信我用口語or書面打出我既睇法也有我的自由吧, 上討論區留言不一定規範用口語的~ 希望先生你專重我的自由
誇張手法根本無助討論, 唔係人人都知你所講既『搵交打』唔係字面上既意思架啵~
我相信如何的口語, 內地人都未必會睇得明吧
再說, 我沒捉字失, 我只是發現資料上有錯誤喔~

重有好重要的一點, 其實我之前既post都講過的了, 我係支持盡快雙普選的, 我雖不支持五區公投, 但真係到要補選的一刻, 我還是會投泛民一票的
還有, 你這個post係問『 五區總辭 = 勞民傷財?』吧~ 我相信我之前講既野係符合哩個post既標題囉, 咁都重唔算『討論』嗎??
還是要好像閣下咁, 要誇大和貼上沒人會看既報導, 咁先叫做討論??

我同意  民主制度下改選政府是依正常程序辦正常事，正如台灣 阿扁下，馬英九上一檥。

香港正正唔係 100% ...
tommysze8 發表於 2010-1-28 12:34

正正因為現在香港沒有100%的民主, 所以才要爭取 基本法 上寫明既民主囉=.=..
唔知閣下有沒有看城市論壇, 會上譚小姐講全民直選立法會時既話呢?? 我覺得全民直選既意思是1人1票選出所有立法會議員, 但譚小姐話全民直選還有很多方法, 如果不是1人1票選出, 還叫做直選嗎??

A. 被有意或無意的誤導，覺得爭取普選或對政制有不同意見會破壞經濟，所以，若要經濟好，對政制便不要多 ...
ＭＫ 發表於 2010-1-27 20:44

我明你以上的意思，但係現實上係中央之下，香港係無可能100%抄哂西方式民主，當然不會跟內地一樣，最後又係個句：會係中間落墨。 我亦多謝泛民，會將中間落差拉到最大。
但係點解唔坐底講，有Ｄ泛民都溫和地用其它理性去做同一件事嫁。盡量唔好令一般小市民不安，大部分小市民 只求一宿三餐，不會反抗。 佢已經開左期票啦，到時收到幾多錢，係人都心中有數。

正正因為現在香港沒有100%的民主, 所以才要爭取 基本法 上寫明既民主囉=.=..
唔知閣下有沒有看城市論壇,  ...
nwss54510 發表於 2010-1-28 13:26

喂，喂，你搭錯綫啦！
'香港正正唔係 100% 民主國家，改選政府 係有  對抗中央  嘅味道，呢個係事實，同贊唔贊成民主 完全無關' 係講緊下面個句有邏輯問題：
'民主制度下改選政府是依正常程序辦正常事，專制政府才須「推翻」。既然你把民主的必然產物視為對抗中央，我很懷疑你是否贊成民主。'