你又想話為情了結自己? 唉! 好在你冇,愛情重傷,只不過是人生一個體驗,豐富你整個大腦記憶資料庫,他日想起可能你還會笑出來!
kong 發表於 2009-5-15 13:45
都唔係, 當時我好理性, 知道休息唔夠易出事, 所以有段時間都吃點安睡藥訓.
但係, 個人情緒 down 到連我 d 客人, 有電話往來 d 行家之類, 都比我嚇死, 仲叫我唔好咁 ... 佢地都認唔出我把聲, 係咁叫我唔好咁 ...
當時, 我真係行屍咁 ... 人地叫我聽唔見, 又易比車撞 (所以我盡量行天橋隧道坐車) ..
好彩果時有朋友係我公司附近, 每日早餐 lunch 都盡量睇住我, 又有 d 專程來陪我, 收工又有另外 d 朋友接手 ...
原來人到最傷心時真係咸唔出, 個心好痛, 真係痛到反胃, 感覺唔到四周環境人興物, 初入睡時會好多幻聽, 如電話響之類 .. 其實只係自己的潛意識想某 d 事發生會來改變事實或以為當時發生的只係一場夢, 突然聽到以往快樂或相處時對方的親切叫喚, 醒來只係眼濕濕的人似空空的才知是假象 ...
有次咪去旅行, 果次係幾位朋友刻意安排叫我去散心, 走時去到機場, 我就失去意識 ... 腦裡面全係以往的回憶 ... 因為機場對於我來講係一個開心過亦傷心透的地方 ... 我差 d 比高過一個人的大貨架的車撞到, 嚇死我 d 朋友, 佢地仲以為我散過下心會好 d, 點知我真係聽唔見佢地叫我, 最後係佢地跑過來把我拉開才避過架車 ...
之後又另外的朋友帶我去旅行囉 ... 前前後後去左四次 ... 其間係香港成個人好唔知點 .. 夜晚就飲酒唱 k 唔返屋企, 怕家人擔心 & 我都唔想面對佢地... 失聲都唱 ... 六日就行山 camp ... 果排理性叫我曬多 d 太陽, 吃多 d 朱古力 ... 食多 d 野 .. 不過一靜下來又係好心痛 ... 都唔知點形容, 總之好想發夢現實的只係假象 ... 個心真係拿住拿住, 自己都唔想, 去到以前常去的地方心跳會加速 ... 手震 ... 出冷汗 ... 仲有點想立即跑走 ... e .. 都唔知點講 ..
後來比朋友捉埋去做 gym, 情況先慢慢改善 ...
跟以前一次重傷好唔同, 果次我收埋自己個多月, 一直訓訓訓 hea 係屋企唔出門口... 接到朋友電話又咸到收唔到聲 ... 唔梳頭剪頭髮剃so ... 最後被朋友說服因為農曆新年先肯見下佢地 ... (果時好細個啦 ... 十幾歲)
時間耐左, 經歷多 左 .. 就知道係報應 ... 報的太應 ... |