當勞詹天台種植

vicky：咁我諗都要分開晒佢地先得，頭先上去睇既時候比我發現D白菜仔已經出緊第三塊葉了。多謝見意。

自己種既白菜仔真係特別好食
昨天我都同我的小朋友剪咗來食喇
我仔仲親自煮比我食呀...

個天台好企理,仲有大把地方種.....嘢o

lammadick：您真開心喇！我諗我都等多十年個仔/囡先有機會煮比我食喇！依家有老婆煮比我呀！都好想快d見到我種植既成果，我太多白菜仔了。都唔知點分d白菜仔好了。又要去買盆返黎分喇！太多了。如果分得晒的話，我諗到時都有幾斤食掛。哈哈~

月光光：我都想有多d地方種呀！我都係一少位置種野咋！其他地方有用架！
朋友過黎BBQ、浪衫衫、比我D狗狗貓貓癲下等等啦！開親BBQ都成十幾二十人黎呀！

17# donaldyh

花園仔老師：咁點算呀！白粉病有冇得醫架，駛唔駛掉左佢呀！會唔會有傳染病架！
蕃茄個盆仲要換大架！我有個藍色果個盆夠唔夠大呀！如果夠的話咁我不如去吉吉店買個10號盆黎移植啦！定還是要再換個大D呢？請老師賜教！
================================================

白粉病會傳染架.
噴藥囉, 冇機嘅有<百菌清><美的多>有機嘅有<依天得>.
10號得, 12號更好喇(我用緊)

咁苦楝油得唔得架！我尋晚已經比我剪左有白粉病既荷蘭豆了。可唔可以架！

27# donaldyh
咁苦楝油得唔得架！我尋晚已經比我剪左有白粉病既荷蘭豆了。可唔可以架！
======================================

試過佢對白粉病唔係咁得, 比唔上講嗰D!

多謝老師指點

我尋日去左到元朗飲茶之後去搵黃衫兄，好彩有個朋友帶我去阜財街53號先搵到咋！原來全名係咁樣既，個掌鬼唔知係咪老闆黎呢？佢個人都幾好傾又教我野喎！我買左好多野呀！係呢度要多謝您們，我都係O係您地既帖入面得知呢間舖頭咋！多謝先~大家睇睇我買左D咩啦！如下：
苦楝油

花生麩&骨粉

種子


防虫網

仲有韭菜種子同埋育苗盆黑色果隻好大個架，我唔記得左影添，大家唔好見怪，我只係用我部手機影相或者會朦朦地。

30# donaldyh

琴日我都買咗<三益><綠油油>及一D種籽啵!

我見哩...你有野long高d盤...係咪膠卡版？我都想買呀..你係邊度買架？幾大size？我都開始左天台既種植事業啦...不過暫時...只有一盤泥...

尋晚返到屋企都好夜了，攪掂晒自己D貓貓狗狗就即刻上番天台攪我D植物呀！我首次學您地教既方面做基肥但唔知有冇做錯呢？我用係我盆韭菜度呀！先落培養土>落花生麩&骨粉(各一茶匙)>培養土>落花生麩&骨粉(各一茶匙)>培養土>韭菜種子>培養土(蓋少少係面)係唔係咁樣呢？最後我再用BBQ網網蓋頂防止雀仔食左我D種子。
韭菜
呢兩個蒸餾水大樽，我係公司偷，係放左係公司冇用我先羅黎用咋！我要黎浸花生麩&骨粉做肥水呀！唔知要幾多份量再開水浸呢？請問各位可否教一教我呀！


原來潮濕既天氣真係好容易發芽架！您地睇下我D青瓜，大棵果三株係3月6日的，細棵果三株係3月18日落的。

3月21日已經有芽仔出喇！

3月23日就已經有晒葉葉了。依家等緊我換大盆比佢地順利發育。
仲有一樣野呀！我D茄子我用左另一種方法比佢地快快發芽，我見farfeifar係淘寶買左個育苗盒返黎，我用左龜苓膏既盒盒黎度發芽3月21日晚我用蓋蓋好，3月22日晚即尋晚睇睇就已經有小芽出左黎喇！都得喎！大家不防試試啦！

我今日食沙律...都留起左個膠兜諗住用黎發芽呀...

crazycat：慢慢您就會感到興趣架喇！我都係由一盆小小既蕃茄種子開始攪到依家咁多野種咋！初初都係我老婆種下玩下，攪攪下先到我感到興趣，之後既事已經無法收拾，我已經仲晒毒了。我果D膠卡板我係0係公司羅的。我做運輸公司呀！多多關照！卡板SIZE我要度度先知，橙色果塊就係四方形的，黑色果塊係一般卡板SIZE黎架！我都係要黎整個大型D既防虫網咋！上個星期先整左四支角鐵咋！尋日先係元朗黃衫兄度買左防虫網，我預計都要幾日時間先可以整理好了。整好左之後再上傅上黎比大家睇睇啦！

查實我要運上天台...可能細d會容易拎...有無機會幫手買到呀？因為膠卡板會好d...我想用黎long高d植物...幫幫忙丫...

花園仔老師：請問您買<三益><綠油油>是什麼黎架！有咩用架！

crazycat：等我幫您留意下啦！比D時間我喎！

你千奇唔好果個水樽浸花生麩,我驚你屋企會發生命案(臭死人事件簿)就唔好啦!

軒軒：點會架！應該唔會架唔好嚇我啦！我尋晚聞花生麩係好香花生味，但骨粉就係好嗅既味我自己聞都頂唔順，我果兩個大既蒸餾水樽係有兩個蓋蓋實架！我諗嗅味應該唔會嗅到出黎架！我要用好大力先可以禁番落去蓋實喎！
請問我應該要放幾多花生麩同骨粉既份量，先可以浸晒成支樽黎嘔幾個月做肥水呀！唔該大狐幫幫手解答啦？謝謝~