本帖最後由 花園仔 於 2009-3-30 11:23 編輯
151# donaldyh
老師想問一問基肥泥幾耐先係發酵完成呀！如果計一計我用發泡膠箱黎做基肥泥的話要用幾多花生麩比幾多骨粉比幾多泥加埋水黎溝勻呢？
-------------------------------------------------
153# donaldyh
老師：您果4.5"既發酵完成基肥泥咁駛唔駛用普通泥冚面呀！軟膠盆仔育苗您係咪用d膠柸仔剪出黎架，定還是真係有得買架！
=======================================================
首先要多謝積積媽帮手整理好以前嘅發帖資料, 使我容易揾翻想要嘅嘢出黎, 唔該曬!
老師想問一問基肥泥幾耐先係發酵完成呀！
如果計一計我用發泡膠箱黎做基肥泥的話要用幾多花生麩比幾多骨粉比幾多泥加埋水黎溝勻呢？
#[email protected]
混合咗氮磷鉀肥料嘅泥經淋水又日曬發酵後用黎種嘢嘅稱謂<已發酵基肥泥>
至於<已發酵基肥泥>份量大約20份泥(唔係咁準)+1份花生麩+半份骨粉+半份含鉀嘅肥料係一般菜蔬設定啫,
實際比較複雜, 種根莖葉唔同要求肥份亦有唔同嘅設置架.
#[email protected]
體盆將要立刻種嘢嘅普通泥度挖窿, 放上氮磷鉀肥料溝泥撈勻經淋水發酵稱謂<未發酵基肥泥>
再體上面冚翻一層普通泥, 然後體上面種嘢. 咁樣下面基肥泥發緊酵上面苗苗生長緊,
等苗苗嘅根伸入下邊嘅基肥泥時佢地已經發酵咗囉!
至於<未發酵基肥泥>位置因為比較集中及體積唔大,
我通常份量大約1份花生麩+半份骨粉+半份含鉀嘅肥料用2份泥(唔係咁準)黎溝勻作為後置基肥用.
#[email protected]
混合咗氮磷鉀肥料嘅泥淋水揾個厚膠袋或有密封盖嘅桶放曬落去吽囉, 不過間中要揭開個口通吓氣啵! 吽幾耐至得?
當然時間梗要長D啦! 大約10日-20日度啦, 長D添仲好放體各落又唔阻地方嘅!
點先知佢已經發咗酵? 揾膠袋焗住十幾日肥料同泥混埋一齊顏色都差唔多喇--變黑囉!
用個時仲要唔要加普通泥? 隨便你啫, 如果種D柔弱嘅咪再溝少少囉, 如果種D粗壯嘅就唔使溝嘞.
講黎講去都係邏輯, 自己衡量啦, 真正份量都係要靠自己試驗實淺嘅!
#[email protected]
想唔想知<根纏土塊>係乜丫?
係用軟膠苗盆黎育苗, 等D根生滿盆泥內然後剝下軟膠盆....咁樣等於無郁過棵苗苗囉!
棵嘢移種後即刻四面八方都係肥沃土壤你話佢會點丫? 咪快高長大啦.
老師：您果4.5"既發酵完成基肥泥咁駛唔駛用普通泥冚面呀！
軟膠盆仔育苗您係咪用d膠柸仔剪出黎架，定還是真係有得買架！
用1吋普通泥冚面梗係好D啦, D種籽灑落泥度加水一淋, 實際入咗普通泥1/4吋架罅.
D種籽生根發芽用嘅係本身養料, 等佢適應外界環境後先至接觸充滿肥沃嘅泥土,
係避免不同種籽對養份不同嘅接受能力, 簡單講係穩陣D避免燒根啫!
邊度買軟膠盆仔:
http://hkplants.com/viewthread.php?tid=24120&extra=page%3D1
<根纏土塊>咪用軟膠盆仔育苗嘅結果囉: |
顯身卡
你係主角吖嗎,保重
