本帖最後由 JicJicmom 於 2010-11-19 10:51 編輯
終於得閒番少少喇~ 公事忙起上黎, 真係會癲的~~ 加上近期放工後要去上蛋糕課, 真係可以上網0既時間, 就只有返工時間~ XDDDDDDDDDDDDD
請大家食住曲奇餅先喇~
務農時間少左, 不過仍然勤力架~ 一日都有2小時磨響天台. 不過因為磨少左時間, 植物們無我0既騷擾 + 近期天氣涼涼地, 長得好大好快~ 好似D菜菜咁, 我終於有"食唔切" 0既感覺了~~~ ( XDDDDDD 其實係少響屋企煮飯, 至會食唔切 !!! XDDD) 沙律菜 , 皇帝菜, 菜心, 蕃薯苗, 芫茜 , 輪住黎食~~~ 摘葉/ 頂後一星期, 又巴巴聲生葉/橫Y出來, 真係好開心~
最中意0既午餐盒: 沙律菜 + 小蘿蔔(呢隻就係買架喇...) + 檸檬香草烤雞扒~
今季種0既蕃茄 , 有心型迷你茄, 有機品種長蕃茄,迷你羅馬茄, 花老師牌小蕃茄 ,除左心型迷茄因為早轉盤 (種子好貴呀 !!!! 咪偏心佢一D囉.....) 加上係蔓性,家下好大林, 仲有好多菖花,應該會有幾多收成架. 其他0既, 因為遲轉盤, 而家仲好努力咁生長緊, 不過棵棵都有花苞了~
心型小蕃茄
今年第一次試種的彩色蘿蔔 , 橙色小圓球紅蘿蔔. 都轉左大盤了~ 本來未有發芽的,可能響天氣轉涼之下, 都開始發力, 又多左十幾個苗, 呢個星期六日又有得忙了~
|