積積媽的瓜瓜菜菜果果 (UPDATE @10/5/2012 )

回復 3139# miku


    各位午安

我都好中意種節瓜, 不過我果2棵都唔多產既, 每一棵只係結倒一個咋
跟住佢尖尖位噥晒, 點解會咁既, 係咪太晒?
我有每日淋2次水, 同埋每星期比肥佢ka

==================
有次種到佢我個手臂咁粗, 終於食左3餐

回復  miku


    各位午安

我都好中意種節瓜, 不過我果2棵都唔多產既, 每一棵只係結倒一個咋
跟住佢尖尖 ...
小寶 發表於 2010-8-14 13:21

不如一瓜三味
1.節瓜湯
2.節瓜炒肉碎
3.節瓜甫

今日又清左一部份0既野, 將唔要0既植物剪碎, 晒乾後用黎堆肥 , 造福下一代瓜果菜.

節瓜花好大朵呢 ~~ 比左網佢地爬,即時大左+生猛左好多~~




紫羅勒開花

花老師0既珍珠菜係第二代了....

雞蛋花一路開.
..

是日工作 :
1. 今日開左一箱5月底做0既堆肥 , 將佢轉入防水膠箱內繼續分解發酵


另一堆準備入箱0既堆肥, 因為今早下過雨, 所以而家響度掠乾水....

2. 做左架小板仔車 ( 實驗性質,未影相 .....  )
夜d希望可以做到隻角鐵菜架
又幫d植物執一執下枯/廢葉....
monse 送0韭菜.



出左韭菜花

吹波節瓜出左仔花~~

呢隻蕃薯葉, 唔知食唔食得架呢 ? 比我0既人話食得 ..... 但我好似無響街市見到有人賣 /買黎食 ?

今日入左娘家幫細佬做園丁~~~
半死0既辣椒 , 轉左大盤, 修左枝, 放埋一邊, 等一個星期至比佢返去原位晒太陽.


曾經以為被趕盡殺絕0既龍利葉, 因為細佬2公婆無入來, 靜悄悄地生得如花似玉~~ ^^


被趕盡殺絕時, 我執左d枝條用盤種, 都不太差呀 ~~

呢d係唔係百花蛇舌草?


都有台長長駐架呢度~

積積媽


呢個週日過得充實又好玩吧~

回復 3145# JicJicmom
積媽
呢隻就係百花蛇舌草啦，
有個喺漁護署嘅朋友話，
呢隻唔係最正宗嗰隻，最正宗嗰隻葉丫度係開一朵花架咋

回復  JicJicmom
積媽
呢隻就係百花蛇舌草啦，
有個喺漁護署嘅朋友話，
呢隻唔係最正宗嗰隻，最正宗嗰隻葉 ...
臭皮皮 發表於 2010-8-15 20:35

冒版貨

回復 3148# llaus
蛙哥，你好
而家坊間多數都係賣呢隻，
最正嗰隻我喺西貢海下其中一個燒烤場度見過，
仲攞左啲番屋企種，不過種唔生

回復 3146# BanbieChan
公主~~~ 係呀, 今日做得好開心. 我開始領略到, 檯面式種植, 真係無咁傷腰骨, 就算未正式開始檯面式種野, 但呢2日我都響天台做左3-4粒鐘 , 同以前唔同0既係 :
我無踎低 , 所有轉盤 , 修枝等等, 都係放響檯面 / 櫈面度做.
所有重野, 我都響盤下面加一架車仔, 2 手扶實+推就ok .
各位真係要好好考慮下呢種種植方式呀~~~

回復 3149# 臭皮皮

臭皮皮, 蛙哥 ,
其實我最關心0既係 : 食唔食得~ XDDDDDDDD

回復 3151# JicJicmom
食用有問題架，功效梗係冇正式嗰隻咁好啦，
但係正宗嗰隻都幾難揾囉

做做下野, 又落雨.... 又砌唔到隻菜架......
整左架板仔車黎放吽泥桶 ,而家0既吽泥桶只係放響花棚入面, 迫迫劫劫又唔通爽 .....
籌措緊檯面式種植 , 就想將吽泥桶放響菜架下面. 但菜架有咁上下深度, 要烏低身去菜架深深處拖泥桶出來, 又係好傷腰. 於是想到整架板仔車, 輕輕一拖, 咪出哂黎囉, 又好容易就清理到地下污泥.
無買到新料, 只係用以前響 B & 蕉買落0既舊料 :
戶外木地板三排裝 , 膠碌四隻 , 裝埋一齊, 攪掂 ~
因為之前都係放響出面日晒雨淋, 所以表面幾舊下....

底部, 怕中間太受力頂唔順, 可能會響中間裝多一隻碌頂一頂住

放左三隻桶, SIZE 剛剛好.

推過下, 好順暢 , 唔重. 等好天試一試, 睇下可唔可以放到2層一共六隻桶....

另外呢, 響老豆以前D架生度, 搵到件好野 ......

積媽及大家好!
你嗰隻係<傘房花耳草>, 現時啲人大多混亂咗都叫佢做<白花蛇舌草>嘅,
可能個樣都幾相似, 最大分別體花度啫!
食得, 點解唔食唧, 街市阿婆嗰啲都賣咗幾十年啦, 細聲話俾你知吖, 我嗰啲都係架咋!
冇問題格, 功效冇正式嘅<白花蛇舌草>咁好啫! 清熱解毒, 利尿消腫嘅功效都相同嘅!

網上資料:

茜草科植物傘房花耳草 Hedyotis corymbosa (L. ) Lam. 的全草
3-5 枚形成傘房花序, 花梗較長.

茜草科植物白花蛇舌草 Hedyotis diffusa Willd. 的全草
花、果單生或成對生於葉腋, 花梗較短.

回復 3154# 花園仔
老師好 ~~~~
原來佢有名0既~~ 多謝老師指點呢~~~
今日我拎過返去比阿娘睇 , 佢叫我抆哂出去比佢煲涼水飲喎 , 所以我響抆出去之前, 再貼一下相睇下有無攪錯到.
真係唔該哂各位呢~~ add6icon

JJM,今日過得好充實呀,我今日都將你送既蕃茄薯葉定植啦.

原來我種緊既都係傘房花耳草
唔知邊度可以搵到真既百花蛇舌草呢?

午安積媽同各位,
積媽, 你啲時間係點變出黎架? 你啲時間管理同木工真係惦....

回復 3158# muitau
妹頭~~~ 時間無得變0既..... 要盡情利用嘛 :
無謂地方唔好去/ 無謂野唔好做 /無謂野唔好去八-----> 咁就多好多時間出來了~add7icon
木工就更簡單 ! 一隻碌裝4粒螺絲 , 4隻碌裝16粒, 就係咁之嘛 ~~ XDDDDDDDD

回復 3155# JicJicmom

積媽好!
現時極大部份人都係將俗稱嘅<水線草> -- <傘房花耳草>叫佢做<白花蛇舌草>,
可能個樣都相同, 唔細心睇都好容易混淆不清架, 其實最大分別係體花度啫!
<傘房花耳草>雖然功效冇正式嘅<白花蛇舌草>咁多, 但一般日常保健功能並無缺乏架!
两種草草都有消熱解毒, 利尿消腫嘅功效, 正式嘅<白花蛇舌草>, 仲多咗活血止痛功效添,
但性則寒涼好多啵! 所以如果單作涼茶為家人保健我反覺得<傘房花耳草>仲適合添!

網上資料:

街市賣的所謂"白花蛇舌草"其實是傘房花耳草. 真正是白花蛇舌草葉較窄長, 葉腋生單花, 並有明顯的花梗;
傘房花耳草顧名思義, 多花, 並為傘房花序. 傘房花耳草比白花蛇舌草常見得多.

茜草科植物傘房花耳草 Hedyotis corymbosa (L. ) Lam. 的全草
3-5 枚形成傘房花序, 花梗較長.

茜草科植物白花蛇舌草 Hedyotis diffusa Willd. 的全草
花、果單生或成對生於葉腋, 花梗較短.

曬緊嘅<傘房花耳草>及<白花蛇舌草>