本帖最後由 JicJicmom 於 2010-3-1 22:43 編輯
mono , 阿實,
我呢個幾星期都係主要做防虫工夫, 因為我比較多野, 所以要做多好多工夫..... 我主要都係用捕虫紙+矽藻素+綠油油防虫 , 無可能防得哂, 都係盡做而已 :
捕虫貼 -
我有2款, 一款係衫兄貨, 單面+比較軟身, 受潮後易捲起. 我將佢固定捲響膠飲品樽上面, 用竹仔"棟"起佢黎捉虫
另一款係台灣貨 , 雙面+比較硬身, 頭尾有孔, 我用小鐵線將佢綁好響竹仔上面 .
矽藻素 -
上年團購我買左4包 , 好好用~~ 主要用黎澆水落泥, 令泥入面小虫飛番出黎 , 通常響更換防虫紙後用.
綠油油 -
主要用黎噴灑植株防蚜虫/紅蜘蛛等等, 佢無矽藻素咁有一層白色野留響葉面, 較為乾爽.
其他如底碟要盡量少積水, 花盤倒轉放防積水呢d , 都係老生常談喇.
最緊要係好似老師話齋 , 植株底部黃老殘要去掉, 保持泥面乾爽. |