積積媽的瓜瓜菜菜果果 (UPDATE @10/5/2012 )

回復  mono

mono ~~~ 好易架咋 ~ 佢d葉咪一對一對咁0既 ?將走莖分開剪出黎 , 一對葉為之一份.  就咁篤入 ...
JicJicmom 發表於 2010-2-25 23:38

哦！等我再試下先。
之前我只係將最尾奀之之個啲插泥。等我返去睇下佢有無走莖先。唔該晒。

回復 2421# mono

最尾奀之之0個忽, 怕佢唔夠壯喎 ~ 我通常會用好壯身0既走莖繁殖架~ 你摸到走莖硬身D + 葉子有2毫子大 , 就可以拎黎用~~ ^^

回復 2420# gtrnismo

GTR , 收PM喇~~

今日發現, 我0既紫色芥蘭頭......
變左笑口棗 .......
係唔係熟得滯呀?


其實紫色芥蘭頭會唔會同綠色種0既大小會有分別呢? 我上年種0既係綠色, 有成磅咁重....又好大個.
早前響花墟農展度睇到0個D紫色芥蘭頭 , 都係好細隻咁.....
有無農友種過呢? 可以教下我嘛 ?

MONO
有關金錢薄荷 , 我多數係用走莖較壯0既部份來插枝.

照片矇左D , 唔好意思~~

積媽...紫色頭頭典解會咁架, 仲食唔食到架???

今日發現, 我0既紫色芥蘭頭......
變左笑口棗 .......
JicJicmom 發表於 2010-2-27 09:51

好慘呀 ...

FIAN , 曇花~~
我都唔知點解會咁..... 種左4隻得1隻係咁, 不過都好~ 我可以收埋另外2隻大左0既 ....
點解唔食呀 ? 照食可也~~~~

MONO
有關金錢薄荷 , 我多數係用走莖較壯0既部份來插枝.

照片矇左D , 唔好意思~~ ...
JicJicmom 發表於 2010-2-27 11:17

唔該哂積媽，我個幾條金錢薄荷仲未有咁大。
早知之前剪定先啦。而家黄咗剪走哂。呢幾日有太陽入屋，應該會大得快啲嘅。

回復 2424# JicJicmom

今日發現, 我0既紫色芥蘭頭......
變左笑口棗 .......
係唔係熟得滯呀?
其實紫色芥蘭頭會唔會同綠色種0既大小會有分別呢? 我上年種0既係綠色, 有成磅咁重....又好大個.
早前響花墟農展度睇到0個D紫色芥蘭頭 , 都係好細隻咁.....
有無農友種過呢? 可以教下我嘛 ?  
========================================================

積媽好!
哈, 我舊年都冇種紫色芥蘭頭, 以前未試過變笑口棗架, 蘿蔔或櫻桃蘿蔔就試得多嘞!
一般有裂開情況都係發生體成熟期時淋水太多所致啫!

紫色種的確係細D架, 有時就算同係紫色都會有大細架, 唔同 DNA 吖馬!
裂開代表熟咗架罅, 食得啦!

嗱! 講吓點解蘿蔔類塊根會裂開嘅原因啦:

塊根體未完熟時裂開
當種蘿蔔嘅泥土長時間處於較乾身時候,
塊根生長速度係比較慢 而且組織亦比較老,
如果突然淋多咗水或落咗場大雨嘅話, 塊根就會迅速膨大啦.
呢個時候由於塊根外層細胞分裂速度比裡面細胞嘅分裂速度慢,
所以咪裂開對住你苦笑囉 -- 塊根未完熟嘥料吖馬!
因此泥土乾濕度要持恆囉, 唔好一時好乾一時好濕, 淋水時均勻D啦!

塊根體完熟期裂開
塊根體收穫前二十日就應該制水(停止淋水)
因為嗰陣塊根已經逐漸停止生長架罅, 淋多咗水反而仲易裂開啦!
過嗰時裂開都唔緊要喇, 都完熟洛,  丑樣D啫一樣食得格,  嘻嘻!

回復 2430# 花園仔
老師好~~~ 多謝老師咁詳細解釋呀~~~
我明白哂喇 ~ 我估可能係之前幾日大雨, 所以令到佢呢隻DNA先天不足之餘仲淋埋雨, 所以比起其他3隻更快爆咀~~
我一共種左四隻, 2隻大D , 2隻細D , 我之前仲以為係吸收陽光0既分別, 所以耐唔屎就同佢地轉地頭 ......
下年又要留意多一樣野囉 ~~ ^^
我今日收左一堆野, 送左比阿姨同一位UNCLE ~

紫色芥蘭頭 ~ 阿笑口棗明顯地細咪好多.....

另外2隻大大地0既, 送左比一位好好人0既UNCLE ~

櫻桃蘿蔔

今次收左2個品種, 一隻係長條紅頭白身 , 另一隻就係平時種開0既圓碌碌紅卜卜

紅菜頭~~

嘩....積媽, 你今日好豐收呀....

回復 2432# fianfumy
多謝FIAN ~~~ 我全部送哂比阿姨同 UNCLE 喇 ........
次次收成, 我自己都無點食過.....

紫芥蘭頭好似無裂開喎…只係d 莖0既 scaradd9icon

積積媽



恨c隔離嚕....

回復 2434# alilovebyj

alison ~~ 上面細隻呢個裂左架.... 我轉左條痕去後面無影到咋. ...

嗯…這就是江湖上的蔵拙手法！！！又叫掩眼法！add7icon

積媽多謝你發起到小寶荒田幫手, 仲要在烈日當空中進行除草工作~
同埋你大量的種子和不間斷的苗

回復 2438# 小寶
傻啦小寶~~~ 乜你咁講?! 我(地)做得好開心呀~~ 尋日都唔算烈日卦 ?
藍天白雲,不知幾好FEEL~~

好多謝小寶你比我地任食任拎就真喇~~
你0既小寶牌生菜, 我尋晚同佢地轉左盤呀~

我0既小寶牌芥蘭頭, 仲有3隻~~~~

尋日去左小寶田度玩~~~ 夜晚響天台自己玩~
將一大撮苗仔 , 小寶送的枝條都安置好....

曇花牌迷茄 "black cherry"

檸檬芫茜開花了~

種子袋話係"黑絲絨" 的旱金蓮, 顏色係好深0既紅~