室內蔬果園－2011年回顧#608

丸子, 早晨!
你有無落肥料?
開花同結果都要追肥.
水份唔需要太多架,因為我一淋多水就有蚊滋,所以我見泥乾先淋水架.

原帖由 sandylam 於 2008-10-1 13:51 發表
我係用紅色biokill,但只係噴周圍,唔噴盆入面架!
如果要噴盆入面,我只會噴木酢液或竹酢液,同埋用捕蟲板.
或者你用黎噴吓個花槽囉.

不如,你試吓買蟻粉筆啦!
sammyzoe教我用蟻粉筆係盆邊畫一個圈,之後所有蟲蟲都會少一 ...

但塘泥感覺好  "一 pat pat" 咁喎 , 木酢液或竹酢液是有機嗎 ?

塘泥要混其他泥用架!
因為塘泥本身唔疏水會整死蔬果既根.
有無蚊就係要諗混邊種泥同混幾多塘泥.
我宜家新種既植物,底層係有機泥加塘泥再加珍珠岩,大約一比一左右,上面就加一層全塘泥.
而且老媽話塘泥唔好全打成粉,留少少碎粒會疏水好多.

木酢液同竹酢液既問題係另一個分區有討論喎.

原帖由 sandylam 於 2008-10-1 13:54 發表
丸子, 早晨!
你有無落肥料?
開花同結果都要追肥.
水份唔需要太多架,因為我一淋多水就有蚊滋,所以我見泥乾先淋水架.

我有落肥架,每7日一次(花x有機肥),我試緊淋少d水.希望有果啦.
買咗你講嘅捕蟲貼啦,朋友係粉嶺幫我買o架.發現一落肥就有蚊滋出現.等我都試下先.

又黎啦

牛油豆好大個仔喎!


夕張蜜瓜開始出小手啦!
咁多棵苗,我真係無眼睇.

這三棵是給SAMMYZOE的
因為有陽光,這三棵比較大得快.

有機士多啤梨BB
一個月先出世既二個寶寶
仲係細細粒好得意


士多啤梨鴛鴦鍋

十蚊雞日製盆

靚靚日制大吊盆
仲要有埋底碟架!!

十蚊雞既盆,仲要有花紋架


靚靚日製掛盆
同黎種巨峰提子,真係靚到暈

因為無底碟,所以我自製個網底.
就用無用既腳墊剪呀剪....搞掂!
盆底有活塞,打開活塞就可以去水.


日製盆真搶手,剛返貨我已經去睇,諗住等巨峰大少少先買.
但見勢色唔對,個貨架既盆去得超快.
結果都係買定先.
遲少少盆仔又加價,真係買定穩陣.

唔好意思，請問你d日制盆係邊度買嫁?

哇你d盆到天花板啦,
你好收手喇暫時都唔好種新野喇,
唔係既話我怕你連張床都要比埋佢地住喇,

蜜瓜真係係時候要架喇喎,
好等我買個大架比佢行先.

牛油豆成形了, 好快有得食, 不過得一條點食好呢??

蛀米虫,
牛油豆其實有三條架!
只不過呢條係最大條,其他花蕾都唔生
黃色牛油豆,我真係未食過,都唔知點煮好.

我响家品屋買架!
除左吉吉島十蚊店,我最常逛就係家品屋,有時候放工唔去行吓唔安樂.

我既盆一向都已經伸延到天花
不過多左蜜瓜bb,問題就大左少少.
我打算買繩織個網比佢爬就算.

原帖由 sandylam 於 2008-10-6 13:14 發表
蛀米虫,
牛油豆其實有三條架!
只不過呢條係最大條,其他花蕾都唔生
黃色牛油豆,我真係未食過,都唔知點煮好.

3條真係要諗吓點煮好喎  , 蒜香 炒牛肉 / 雞肉啦

但係蚊滋成日糾纏住我條豆豆呀~
見咁多蚊滋,唔知會唔會走入豆豆入面.
諗起都反胃.
我打算用茶包袋包起佢.
都唔明點解蚊滋都鍾意貼住我條豆豆架.

三條豆炒牛肉,我諗只係夠我一個人食.
希望條豆大少少啦!

多謝資料提供，我都去睇下先。
牛油豆可以切粒炒肉碎，或者切絲同埋雜菜(甘荀、木耳、冬菇、蛋絲)、肉絲一齊炒韓國粉絲或做冷麵都ok，每樣少少材料就做到。

牛油豆切粒/切絲會唔會散開架?
其實我未煮過牛油豆,所以唔知點煮好.
老媽問我,唔識煮又種黎做咩喎

原帖由 sandylam 於 2008-10-11 19:54 發表
牛油豆切粒/切絲會唔會散開架?
其實我未煮過牛油豆,所以唔知點煮好.
老媽問我,唔識煮又種黎做咩喎

Sandy 攞嚟煑出前一丁就最好喇

原帖由 sandylam 於 11/10/2008 19:54 發表
牛油豆切粒/切絲會唔會散開架?
其實我未煮過牛油豆,所以唔知點煮好.
老媽問我,唔識煮又種黎做咩喎

唔會散開，我之前煮過

真係煮丁丁麵最方便.
丁丁麵可以加牛油豆同放肉絲炒嗎?