室內蔬果園－2011年回顧#608

原帖由 sandylam 於 2008-9-18 13:00 發表
丸子,
你分享比我既牛油豆已經有花蕾啦~
只係種左剛剛一個月,得幾片葉.
起初我諗住等佢大少少就換盆,點知個盆細,佢就生得細粒長唔大咁.
車厘茄唔結果,我都唔知點解.
你有無得閒摸吓佢,幫佢授粉呀?
我同事果十 ...

你就好啦,牛油豆都有花睇2喇. 我未成功啊.
我有放盆車喱茄出街吹風架,佢自己應該授到粉呱.再等下喇.

原帖由 sandylam 於 2008-9-19 13:08 發表
你呢盆牛油豆種左幾耐呀?
我盆牛油豆種左剛剛一個月.
呢一個月黎都係一直出葉,剛剛一個月就開始有花出添.
我果盆既花係白色架.
如果唔長大,會唔會因為肥料唔夠?

我尋日都加左肥料.
但係我想試吓塘泥,所以開水加左少 ...

塘泥真係唔疏水架,
所以你淋花時唔好好似以前咁落咁多喇,
唔係d根頂唔順架,
如果兩溝就好d既.

牛油豆開花 19/9


牛油豆玩緊泥漿面膜~
尋晚我先同佢除返個塘泥面膜,用塘泥加返有機泥,終於似返個様.
但搞左咁耐,整甩左二個花蕾.真失敗.

收成有望la!

哇...都真係好泥漿面膜喎,
咁係咪得佢乾左就可以用乂吉起個面膜,
淋完水至蓋好佢,
咁蚊滋仔咪無地方躲埋囉

個面膜起左啦!
宜家佢出緊豆豆.好緊張!
見佢條豆個尖咁快變黃,好驚呀!
雖然係黃色牛油豆,但唔係熟左先會變色架咩?

吓......我都唔係好知呀,
不過理論上應該成隻生完,
由綠變黃至係架,
會唔會多水過頭浸親呀?

原帖由 sandylam 於 2008-9-22 22:18 發表
個面膜起左啦!
宜家佢出緊豆豆.好緊張!
見佢條豆個尖咁快變黃,好驚呀!
雖然係黃色牛油豆,但唔係熟左先會變色架咩?

咩原因要做面膜啊?

哇咔咔咔....咔......
e個問題問得好,
答案就係天氣乾燥皮膚唔靚,
同佢做個面膜保濕又養顏囉.

講起就長篇.
因為之前改動過擺位,結果原先既堆肥箱無位放,咁我就用個食物盒代替.
點知個堆肥盒做得唔好,吽左一堆蚊滋仔.
我上黎問過版友,版友介紹我用塘泥.
起初我打算全部加肥料後就面層加塘泥.
於是我就去花墟買左一包.
返到屋企唔知點搞,包塘泥一舊舊硬成咁,我男友就話用水開.
咁塘泥就變成泥漿.
加左係泥面就變成咁様.
後來我先知塘泥唔係咁用,所以先幫佢除返個面膜.
不過,宜家都無事啦!
牛油豆開始出緊豆,不過只係得三條咋.

哈哈,原來如此.
祝豆豆越來越多.

好期待你d 豆豆呀

八號風下既牛油豆ＢＢ
佢咁細條，唔知大家見唔見到佢呢？
暫時都係得三條咋，仲有好多似芽又似花蕾既，唔知仲會唔會有花呢？



[ 本帖最後由 sandylam 於 2008-9-23 19:53 編輯 ]

咁快就出豆豆,真利害呀!

係啦,好勁呀
我d黃色四季豆死左之後,都係今日再下種

原帖由 小寶 於 2008-9-23 22:31 發表
咁快就出豆豆,真利害呀!

小寶:你副相隻狗仔係之前果隻嘅bb呀?

你地睇吓我個盆幾細,都唔明點解咁早就開花,我自己都未有心理預備.
宜家牛油豆一邊長豆一邊生葉,其他芽仔真係唔知會生咩鬼出黎.
或者佢真係想比個驚喜我.

原帖由 athernas 於 2008-9-24 11:45 發表




小寶:你副相隻狗仔係之前果隻嘅bb呀?

係呀, 呢張係今日影的, 唔知點解,呢幾日大得好快呀
佢宜家2個月喇, 你又鍾意小狗?


[ 本帖最後由 小寶 於 2008-9-24 21:26 編輯 ]

牛油豆bb 同狗bb都好得意~

小寶多養了一只小狗嗎?我也心思思，但怕兩隻太嘈。要停一停唸一唸