室內蔬果園－2011年回顧#608

傻妹好得意架.傻更更咁.
佢日日要食菜,無菜食佢會叫人比菜佢架.
佢食左車厘茄後,佢想叫我地比佢食菜,但佢諗真少少,頭先食果粒可能就係今日既菜菜,佢又突然收聲.真係好搞笑.

係呀! 牛油豆好快大, 又細細paul~

um.....咁如果我唔換盆
咁棵四季豆又係咪唔會變咁大呢？

d 牛油豆唔洗摘頂芽ga 可? 由得佢生得ga la?

Sandy,你養既野同我好似呀,我以前都有養天竺鼠呀...
佢地好叻好得意,識認人...一見到我就叫比野食佢
聽到膠袋聲又會好開心咁跑圈.....
不過....D屎真係多到爆 haha...

蛀米虫加油~
你棵牛油豆結果未呀?
好快有得收.
不過,落地種始終大棵好多架.
希望你都大豐收啦

咦~馬仔,你有四個小朋友咁多?
個個都好得意啵.
不過,天竺鼠尿尿便便多要花好多心機清潔.

我得一隻天竺鼠.
佢係菜菜公主.


但我男友話我係捉條菜蟲入米缸.
恭子真係食好多野架.
每日一定要食菜.

牛油豆唔駛理架.
我放左種子入泥,佢就自己一直生,自動出花結果,都係咁細棵.
但產量我覺得都OK喎.

Sandy,你仲會唔會有牛油豆種子？
我果度係兩隻天竺鼠黎嫁..haha....
我而家已經冇養喇...其實我好驚小動物嫁
兩隻BB係我個仔話養嫁..初頭都好地地
之後佢地變到好大隻,屎又多到嚇死人..
又走得快過我個仔 ....唉,我真係攪唔掂(我唔敢掂佢地)
咁有朋友鐘意就送左比人喇....
不過佢兩個真係好得意,我見人地話佢地鐘意食蕃茄同蕃薯苗....但我兩隻死都唔食既(好鬼有性格)
同埋佢地要分餐嫁,一日兩餐..平時只可以比乾草
唔可以比咁多水份既野佢地食喎(我見你話佢地食好多菜)

其實小朋友要教佢地養小動物要用責任感,佢自己要養就自己要佢照顧,如果自己照顧唔到,以後都唔可以再養.
養動物責任心好重要啵!
我果隻都係領養返黎架.
我好少買動物架,我養既小動物通常都係領養返黎.
寵物既品種顏色大細,我都無所謂架喎!
只要我有能力照顧,我又可以提供佢需要既環境,而佢又唔會同其他動物有衝突,我大門永遠打開歡迎呢班等主人既小朋友架.
天竺鼠屎尿多,所以我只能照顧到一隻.

牛油豆係小丸子分享既貨尾.
我好似得三粒咋.
種左一粒,雪櫃好似得返二粒.
太少分唔到比你嚕.
不如你問吓其他版友有無啦!
真唔好意思.

我都好明白養小動物既責任感
不過對一個四歲既小朋友黎講....
可能真係要從生活經驗度學番黎
佢而家都唔敢見到得意就話要養
佢仲好記得佢自已係攪唔掂既
牛油豆都唔知問邊個好....都係下次行街睇下搵唔搵到啦,睇住你果棵先啦..haha

komiko姐姐既花花

返到屋企見到紅點點岩桐塊葉爛左.
於是我剪左塊葉,寄養左係橘子貓度.
今朝老鼠唔知點解又甩一塊葉,我又寄養係橘子貓度.
橘子貓突然變左奶媽.


剛到家既小貓

爬呀爬~
爬到天花板嚕!!

大家一齊睇花花
夕張蜜瓜花花


車厘茄花繼續開

不停開花,唔出果,問你怕未~

睇完花,睇吓菜先~

疏苗後既菜心~
菜菜要加油!!

蘋果都要表演吓~
佢地要鬥高

中間預備出葉啦~


[ 本帖最後由 sandylam 於 2008-11-1 18:31 編輯 ]

Sandy,你最高果D係咪冇加燈都種到？
蜜瓜都得咩？
我都有蜜瓜種子..不過驚佢第日種得出既話會好重
唔驚咩？

其實對光最有要求既係菜菜,其他既你加燈當然好,但唔加燈,我又覺得無野喎.
我唔驚~因為我下個月搬啦嘛.
哈哈哈...

搬去有天台or露台既地方？

唔係呀~
都係由窗邊搬去窗邊,不過我果邊造個花架,造成個窗台咁放植物.
重既放下面,輕既都仍然可以掛起.

哦~~~我以為係你搬屋..haha
其實呢排我老公都諗緊不如搬去村屋住....
佢話可以有天台種野...
不過我十五十六.....因為我好驚貓貓狗狗
你既窗台都有兩邊....我得一邊乍
真係驚佢地大大下唔知點種 -___-

原帖由 kelvinkou 於 2008-10-30 14:31 發表
d 牛油豆唔洗摘頂芽ga 可? 由得佢生得ga la?

我種花和種果先摘頂果喎...... 我都係第一次種牛油豆, 我見佢地都唔係好高, 只 摘除左樹腳近底d葉和分支芽, 因為唔想d豆生得太低, 貼泥甘law.