室內蔬果園－2011年回顧#608

蛀米虫,

不如你試吓帶返牛油豆返屋企睇吓有無得救.
葉片無理由咁皺起,好似好唔開心咁.

我比你睇吓我既牛油豆啦!



葉片超大片呀~
有我一張普通八達通咁大.
而且下面好多好多芽,一直在生長.

我又更新一下情況先:

車厘茄越來越多,但花花都跌左幾朵,我諗收成真係麻麻地.
或者係因為我無再追肥既原固.
我個堆肥箱掉左,新一批堆肥要再堆多一個星期先用得.
而且,個盆唔夠大,再加泥同肥料會瀉出黎.
真頭痛!



另一個令人頭痛既小朋友係白菜.
好明顯係無咩長大過,但佢已經一個月大.
或者真係冷氣既原因.
所以我試下用個扭蛋殼做個溫室既效果.
唔知白菜係咪要熱架呢?



蕃薯都有問題喎!
條莖上面多左一條黑斑.
我男友話之前佢見我買既蕃薯葉都有.
唔知係咪有問題架呢?





十二位令人又愛又恨既夕張蜜瓜.
之前因為一個錯誤,我把全部種子一次種曬,結果真係全部出世.
十二位小朋友暫住係咁細既地方.
我屋企又地方有限,都唔知點算.
真係頭痕...



最後,貼返一張令人鼓舞既相片.
我既有機士多啤梨開始生葉啦~
我真係無耐性,見佢生得咁慢,起初真想放棄,但永遠佢都會比返少少驚喜我.



[ 本帖最後由 sandylam 於 2008-9-13 14:57 編輯 ]

如果盤面冇位加泥, 試吓係盤底加個大dull (有long去水的),
加泥加肥.
盤細係成日要加肥加水.

好勵害呀!  室內都種得甘令!夕張蜜瓜須不須要爬棚架??
我要假期後才再去田度, 諗棵牛油......

我剛剛攞左細佬個cd盒,剪左個好似狗仔用既伊利莎白頭罩咁加高左個盆.
不過,我都仲未有肥可以加到,或者星期一會出去買古早肥頂住先.

夕張蜜瓜玩爬架,但佢地仲細,等大個仔先啦!
而且咁多棵,我都唔知點搞.
我起初話比朋友,但個個朋友都話一定種唔到蜜瓜.
無人想照顧蜜瓜bb
哼~我種得出十二個蜜瓜一定唔比佢地食.
我男友話我都係唔捨得佢地,或者去買一堆吊盆返黎掛曬係窗.

原帖由 sandylam 於 2008-9-13 17:27 發表
夕張蜜瓜玩爬架,但佢地仲細,等大個仔先啦!
而且咁多棵,我都唔知點搞.
我起初話比朋友,但個個朋友都話一定種唔到蜜瓜.
無人想照顧蜜瓜bb
哼~我種得出十二個蜜瓜一定唔比佢地食.
我男友話我都係唔捨得佢地,或者去買一 ...

sandylam,
我真係佩服您, 少少地方可以種咁多野,
D蘋果苗仲種得好靚.

如我所料...... 歸天了......

唔緊要啦,再種過.
我棵牛油豆好多芽,不過太黑,好難影相.
過幾日我再貼吓佢近況啦!
不過,佢好得意架!
夜晚塊葉好明顯向下,但一到朝早見到太陽伯伯就會舉起塊葉.
我男友仲笑佢係"舉高隻手,唔駛怕醜".
我好多盆都要施肥,包括牛油豆,但我堆堆肥仲未掂.

夜晚影既相無咁清楚.

蘋果由4月開始種,現在由泥面開始度上去,有成九吋高架


見到個頂係咁,就會停止長高,開始長葉.


夕張蜜瓜十二棵,分株後死左二棵.
我送左二棵去我男友度,留返八棵分左二盆.
我真係無能為力,買左套一百蚊既盆比其中五棵夕張蜜瓜.
呢個已經係極限,無得再換大盆架啦!
搬新屋啦~


餘下三棵住返係原本個籃度.

哇睇見你棵蘋果就流哂口水啦,
又會突然間大左咁多既,
你有無試過摘一片落黎,
請你個乖女食呀?

原帖由 sandylam 於 2008-9-13 14:56 發表
我又更新一下情況先:

車厘茄越來越多,但花花都跌左幾朵,我諗收成真係麻麻地.
或者係因為我無再追肥既原固.
我個堆肥箱掉左,新一批堆肥要再堆多一個星期先用得.
而且,個盆唔夠大,再加泥同肥料會瀉出黎.
真頭痛!

621 ...

我盆車喱茄都係呀,D花係咁跌都冇果結嘅.但我有定期施肥架.唔知咩原因.

丸子,
你分享比我既牛油豆已經有花蕾啦~
只係種左剛剛一個月,得幾片葉.
起初我諗住等佢大少少就換盆,點知個盆細,佢就生得細粒長唔大咁.
車厘茄唔結果,我都唔知點解.
你有無得閒摸吓佢,幫佢授粉呀?
我同事果十幾盆都結唔出車厘茄,但佢送比我果盆就已經結到第五粒車厘茄啦! 同一包種子,但結果好似差好遠.

唔好睇佢咁大隻,佢其實仲好弱,我一塊葉都唔敢剪呀
連風扇一吹,佢都好似唔穩咁.
雖然係快半歲既蘋果樹,但話到底都只係苗嘛.

冇果結有好多原因.
除授粉問題外, 試吓施多D肥磷肥(例如骨粉).

半歲都變成咁好好架喇,
你咪咁心急啦,
雖然我都係日望夜望望佢大,
不過佢e個時間都仲係好易.........
所以要小心d呀,
只要撐多半年班小朋友就有口福啦~~~

我係新手呀 .... (見到你地種蕃茄仔咁勁我都忍唔住要註冊呢 )
我係買蕃茄種子呀 , 種左 4 日左右就出芽喇
好緊張呢 ..
好想好似你地咁叻可以有蕃茄仔食呀

我棵牛油豆星期日換盆後 , 一曬太陽就死吓死吓 , 星期二起上午有太陽就放番入屋 , 下午就放出花槽 ,  今日微弱的太陽都冇事 , 現在棵牛油豆總算過了一關 , 但這幾天就唔覺有長大到囉 !
但葉上的斑漬仍然存在 !

下面幅相就是之前D斑漬 , 唔知大家知唔知是什麼來的 !
[img][/img]

你呢盆牛油豆種左幾耐呀?
我盆牛油豆種左剛剛一個月.
呢一個月黎都係一直出葉,剛剛一個月就開始有花出添.
我果盆既花係白色架.
如果唔長大,會唔會因為肥料唔夠?

我尋日都加左肥料.
但係我想試吓塘泥,所以開水加左少少係泥面.
結果真係無眼睇,好似泥面有層石屎咁.
我男友叫我唔好玩,今晚返去整返走果層塘泥.
其實我都唔知用塘泥係唔係有問題,今朝牛油豆又無事,仲開花.
不過塘泥真係好似唔多疏水,好似泥漿咁.

加油!!車厘茄好容易種架咋!