室內蔬果園－2011年回顧#608

車厘茄試食左啦!
真係好有茄味,但對我同男友黎講,好難食
因為我地二個都唔食蕃茄架.
種呢盆車厘茄係為左我寶貝天竺鼠.
切開一半比佢食,開心到不得了.

最開心見到d寶貝開心架喇~

佢一定好開心同埋好期待你日後既收成
俾心機呀

原帖由 sandylam 於 2008-10-25 13:07 發表
牛油豆一條已經陣亡。
一條收成左。
最後得返一條咋！

70281

好想買多個呢種盤呀!
之前上環juscx $10一個
可恨只買左1個!
今日去,發覺無晒
同埋佢地會摺左上環店!

你要既係幾大架?
我種牛油豆呢個好細架咋.
我買呢個係10蚊二套,每套吊盆都只係5蚊雞.
以前我係上環店樓上返工架,日日放工唔行一轉唔安樂,無左真可惜.

大家睇吓隻傻妹食得幾開心.

你隻鼠鼠好大隻啊,可以食到你既愛心蕃茄好幸福呵o

Sandy 我今日發現左一個問題..
今日買多左幾個大盆番黎..
加埋泥 加埋水...都幾重下
係咁掛D盆上個窗花度...我諗個窗花唔知會唔會 lum呢？
你有冇特別點整過個窗花嫁？

我無特別整過個窗花架.
但我個窗花之前有師傅檢查過,無問題架.
螺絲係新既.

不過,我既盆同花架係會分怖得平均,盡量索係近螺絲既位置.
膠盆唔會好重,重量只係泥同水.
泥方面,如果係腐植土,其實唔會好重,最重係塘泥.
我都係加少少塘泥,再加返珍珠岩.

原帖由 sandylam 於 2008-10-27 10:57 發表
大家睇吓隻傻妹食得幾開心.

70643

70644

我想做你隻傻妹,等主人種野俾我食~~add7icon

佢爸爸話,想再食,等吓啦!
心情好,個令月有得食;心情唔好,睇黎二個月都無得食啵.
果盆車厘茄都唔生性,結完四粒之後,完全無反應.
蝸牛式結果,只掛住又開花.

我以前既士多啤生完果就要修修d葉,
加番d肥仔比佢地,
咁佢地至會快快手再生多批比我架.

我窗花得四口螺絲,,,你既多唔多螺絲嫁？
腐植土係咩？
我全部都係用超市果D培植土....其實得唔得嫁？

我都係得四粒螺絲.
窗花有個粗框再有幼條,如果扣係幼條就要小心,粗身既框好穩陣架.
唔駛驚啵!
你唔好掛成棵樹上去,無事既.

等我今晚得閒比少少肥仔水佢先.

Sandy,
好勁呀,房間可以種咁多野,仲有收成添
只要有夢想凡事可成真...haaaaa
你自已有無試下咩味呀

傻妹好得意呀~

唉呀....原來你果棵叫牛油豆呀？
我見你棵豆咁細棵就有得食..
等我仲即刻種
我攪錯左四季豆呀....
我落左種, Kelvin 話比我知四季豆會好高
我仲話你果棵唔高....
唉...死喇...又種左棵大野
點攪呀？！！！

以前仲有好多動物添架~
我屋企人話我個房係動植物公園黎架.
不過,倉鼠仔太老一隻隻走左嚕.
現在只有龍貓同魚魚,當然仲有蚊滋仔啦.
而隻傻妹同隻傻貓暫住我男友家.
因為我就快擴建我既動植物公園,再等多一個月啦

我當然有試味啦~
好味架~ 不過我同男友都唔鍾意蕃茄味.

[ 本帖最後由 sandylam 於 2008-10-30 13:40 編輯 ]

係呀~ 我種既係黃色牛油豆.
小丸子分享比我架~
牛油豆比個細盆就會細少少,收成當然會少一點啦.
因為我試種咋,所以只落左一粒咁多,但佢生得太快,趕唔切換個大盆已經開花結果嚕.
我覺得佢容易種喎~