室內蔬果園－2011年回顧#608

原帖由 小寶 於 2008-9-24 21:09 發表

係呀, 呢張係今日影的, 唔知點解,呢幾日大得好快呀
佢宜家2個月喇, 你又鍾意小狗?
64460

鍾意呀,不過唔會養.唔可以接受佢會係十幾廿年後的一日突然離開我.
你自己接生架?好叻呀.一胎幾多隻呀?

小動物bb既時候係最可愛架!
一定要映多幾張相,唔係會後悔架!
我同男友都想養狗,但暫時都係住居屋,唔養得.
但我有一隻貓一隻龍貓同一隻天竺鼠陪我.
我隻寶貝龍貓就養左缸魚.

自從親人離開世界,我都明白做人就要學習看開少少.
有生就必有死.
雖然佢地離開既時候我都係喊到豬頭咁,但諗起以前開心既日子,其實我同去世既寶貝都唔應該有遺憾.

牛油豆真係大得好快架.
宜家下種,下個月就應該可以出花.
我家牛油豆又大條左好多.
前幾日無太陽,全部植物都好似無心機咁.
尋晚我開燈照左佢地二個鐘.
今朝好在都有少少太陽.

原帖由 athernas 於 2008-9-25 13:23 發表


鍾意呀,不過唔會養.唔可以接受佢會係十幾廿年後的一日突然離開我.
你自己接生架?好叻呀.一胎幾多隻呀?

嗯,得1隻咋..金菠蘿.
其實生老病死係好自然,且最平常不過的事, 無人可以逃過一死, 所以睇化d睇開d就是了~

原帖由 sandylam 於 2008-9-25 13:33 發表
小動物bb既時候係最可愛架!
一定要映多幾張相,唔係會後悔架!
我同男友都想養狗,但暫時都係住居屋,唔養得.
但我有一隻貓一隻龍貓同一隻天竺鼠陪我.
我隻寶貝龍貓就養左缸魚. ...

你隻龍貓咁叻牙, 養魚
其實小動物真係好好的companion來架.

係呀sandylam
你收到我寄比你d粟米未呀?

嘩! 室內種栗米嗎?? 好大棵果喎......

基本上,我起初養魚黎玩吓,但養魚真係好煩,一早就想唔再養.
但點知我龍貓鍾意左魚魚,每次魚缸有咩異動,佢實行不停喊.
一有魚死左,我就要立即去買返補數,否則佢又要喊.
上次魚缸漏水,迫於無奈要攞走個魚缸,佢望住我地一直鬧.
龍貓既寵物真唔容易照顧.

我想種粟米苗咋!
粟米苗可以比小動物當菜食.
因為我家種來種去都種唔到菜,我已經試左好多方法.
或者真係唔夠光,我都打算買支夾燈照吓佢.

不過,我巨峰提子又唔出世,一直阻住個盆,差不多一個月啦!
得我男友種既其中一粒出到世,好得意呀!
我都想種一棵,只要有一粒出世就夠,我會好好照顧佢架.

牛油豆真係大得超快,今日佢有一隻手指尾咁大啦!
之前張相都只係得一條線.
現在有好明顯既豆形.
丸子比我既係黃色牛油豆,應該是要變黃色先可以採收卦.
我再等...


至於車厘茄,真係等到我頸都長.
終於有一粒變黃色.
好靚呀!
其他仲有三粒係有明顯既果果,但仲係青咇咇.
餘下既花花,仲未成到果,只係分枝變硬,但果未出.
真係有排等.
最奇怪既係...又有花蕾啦!
上一批仲未結成果,新花蕾又好似長大.
或者我盆車厘茄真係bearbear講果種唔靜止果種車厘茄.

今日又貼左一塊捕蟲貼去捉蚊滋.
真係好好用,一日最多可以捉到三四十幾蚊滋仔架!
聽大家講仲可以捉到潛葉蠅.
又唔駛怕用殺蟲劑會影響農作物.
終於影左相比大家睇


一包有二塊(6*20cm),包二條掛繩,$10.
我第一次去買果包比人偷左一塊.激氣!!
我以為佢係得一塊,
但後來我第二次買先知比人搵笨.
買既時候記得睇清楚入面係咪有二塊.


入面就係咁架啦!
塊捕蟲貼係螢光黃,無味架!


如果係捉蚊滋,可以好似我咁.
我係剪成條狀,背面貼膠紙,再貼盆邊.
因為淋水時,蚊滋會係泥走出黎,就會係最近既陸地停低.
通常早上蚊滋最活躍,到晚上差不多可以收工.
平時我用張紙壓死所有蟲就包垃圾掉出去.
只捉得幾隻既話,我就用竹籤整死隻蟲再放多一日.
如果太多蟲黏住,最好用火燒.
包裝都係咁寫,捕捉貼捉到蟲後,成塊放入火燒就可以.

[ 本帖最後由 sandylam 於 2008-9-27 13:05 編輯 ]

原帖由 sandylam 於 2008-9-27 13:01 發表
今日又貼左一塊捕蟲貼去捉蚊滋.
真係好好用,一日最多可以捉到三四十幾蚊滋仔架!
聽大家講仲可以捉到潛葉蠅.
又唔駛怕用殺蟲劑會影響農作物.
終於影左相比大家睇

64913
一包有二塊(6*20cm),包二條掛繩,$10.
我第 ...

請問你在那裡買呀 ? 可否PM 間店舖資料比我呢 ?

唔好咁秘密, 要 PM. 話比大家知啦.

原帖由 sandylam 於 2008-9-27 12:31 發表
基本上,我起初養魚黎玩吓,但養魚真係好煩,一早就想唔再養.
但點知我龍貓鍾意左魚魚,每次魚缸有咩異動,佢實行不停喊.
一有魚死左,我就要立即去買返補數,否則佢又要喊.
上次魚缸漏水,迫於無奈要攞走個魚缸,佢望住我地 ...

對於我來講, 養魚都唔係好煩
不過你隻龍貓情有獨鐘喜歡魚魚, 就真係好特別喇
我都想見識下你隻龍貓呀

原帖由 sandylam 於 2008-9-27 12:46 發表
牛油豆真係大得超快,今日佢有一隻手指尾咁大啦!
之前張相都只係得一條線.
現在有好明顯既豆形.
丸子比我既係黃色牛油豆,應該是要變黃色先可以採收卦.
我再等...
64907

至於車厘茄,真係等到我頸都長.
終於有一粒變黃 ...

豆豆同茄茄都好靚呀...想問下茄茄點解黃色架?

原帖由 maymay靚 於 2008-9-27 14:48 發表
唔好咁秘密, 要 PM. 話比大家知啦.

唔好意思 , 點解要pm , 是我有時找唔到或唔記得我自己留的言在那一個topic , 所以怕搵唔番或追唔切  !

好呀 ... 可唔駛pm , 比大家知間店咩名 或 知有冇其他分店都好呀 !

我係家品屋買架!
十蚊雞make in japan.
家品屋有好多分店,不過我樓下果間唔係成日有貨,我見到就要買定先.
否則我就去觀塘間大少少既,會比較齊貨.
不如你睇吓邊間近你,你去睇吓有無貨.
平日我去開果二間就放响曱甴藥果樹.
http://www.familyhouse.com.hk/branch.php
如果真係無貨,可以去花墟森記買,有版友買過差唔多既,8蚊雞一塊.

真係好好用!
今朝放左幾個鐘,又捉左三隻蚊滋.
如果再無蚊滋落網,我就將塊捕蟲貼搬位再捉.

[ 本帖最後由 sandylam 於 2008-9-27 17:37 編輯 ]

我寶貝龍貓今年已經九歲.
我成日話如果佢係人,已經讀書識字.
我同男友成日同佢講野,所以佢覺得自己係人架.
我起初種蔬果都係為左佢.
小麥草種吓種吓,種到出麥粒.
宜家種到上癮.
你有無整野食比你隻狗仔食?
我好鍾意整野比寵物,所以我男友話屋企多隻狗真係唔得掂.
就快冬天,又可以縫衫仔比貓貓著.

其實茄茄係領養返黎架!
所以我都唔知佢係咩頭咩路.
我同事係朋友度攞左種子,種左一個月就比我.
我同事自己保留果十幾盆都無車厘茄出.
一分耕耘,一分收獲.
佢都無幫車厘茄加肥又唔摘頂芽.
我同佢講過,佢都唔想理咁,佢話放棄左喎.

我只係知道佢係食得既車厘茄.
我見佢係圓圓既,應該唔係長身果種掛.
變黃色應該係未熟掛.