鬼話連篇(全是親身經驗) 四
件事是發生係同團的團友身上，那次去美國拉斯維加斯旅遊，由於內陸航機延誤到達酒店Check in時已是零晨點幾鐘等埋領隊分鎖匙都差不多成兩點鐘，領隊叫我地唔好瞓啦上到房沖個涼或者洗過面就算啦，因為零晨3:30要在酒店大堂集合出發去大峽谷玩小型飛機，一團49人只得好少人唔去，大部份都去，於是我們準時3:30大堂集合，最遲下來的是全個旅行團最年長的夫婦有成七十幾歲了，遠遠見他們行過來就一路用粗口罵個領隊，當時我們大家都唔知發生什麼事平時與這兩位老人家相處都覺得他們很平易近人的，領隊好像已經知道發生什麼事立即拉伯伯到Receptionist辦手續換房，待他們攪掂後我們就立即出發去大峽谷了，似乎領隊唔想將剛才換房的事攪大刻意將伯伯他們兩人跟我們分開，但成班團友的好奇心又怎會被暫時的分隔而阻止得了，於中午食晏時我們終於可以接近他們便一窩蜂湧上前間伯伯到底發生什麼事，原來他們住的層數距離我們的相差十幾層之高而且只有他們兩人是住這層其餘47位團友包括我都是住同一層的，領隊跟他們說酒店房間爆滿所以只好安排他們兩人住係另外的層數領隊話有咩事Call佢就得架啦，佢地咪上房囉，婆婆先沖涼當伯伯沖完涼出來婆婆就跟伯伯說張床會陏自動陏架，伯伯覺得老伴在發蹹風所以沒加以理會，但婆婆就越鬧越大為免婆婆囉唆伯伯就走埋床邊坐下去，Yi ，張床真係係度陏咕喎，做左咁多年人從沒遇到咁既事於是兩老將床裖搬開想看看發生什麼事，嘩！搬開左張床裖張床即頭會自己震同跳架，他們開始意識到唔尋常於是立即打電話比領隊但無人聽於是跑出房想搵人幫忙但走出去幾次都見唔到有人，最尾個次見到個鬼佬但礙於溝通唔到都沒有去嗌著個鬼佬，黎個時候已差不多到了約定去大堂集合的時間於是伯伯帶著婆婆拿拿聲走落大堂邊行邊罵領隊，相信個領隊一早知道間房係有野既如果唔係駛物唔聽來龍去脈就換房比佢地喎，果間酒店名係Flamingo Hilton Hotel 有成三仟幾間房，除開團友遇鬼事件外，總括黎講我覺得這間酒店的房間好大好舒服，第二次去住果間金字塔酒店更豪華有六仟幾間房之多，簡直用金碧輝煌來形容。 |
顯身卡
唔敢轆返上上面添~
