鬼故(真人真事)

唔.......靈體.......兩次訓覺時比靈體壓,
一次見到個男人對住我笑,
一次見到床尾有隻狐狸0係度跳黎跳去,之後望住我,
一次訓訓下覺醒左,望出廰見到有個中年男人(估佢係中年)著住白色衫,唔知長定短睇唔到,背住我坐左0係廳梳化度,記得佢件衫好鬼白,當時我諗係我老豆啦,但我老豆背影冇咁橫,我坐起身望啦,佢好似知我望咁,根住佢就向左坐開一格
一次0係醫院深夜有個女仔(小妹妹)0係我床尾度叫我做阿媽,當時巳經全身唔郁得,之後0係夢中(好真實)佢仲帶我遊醫院
疑似靈體........
一次係細個時同細佬夜晚行去Y字型公屋樓下諗住坐電梯時,見到個著住白色長袍長髮女人攞住支點著左0既白色"立竹"0係度等電梯,之後我地即走
一次夜晚0係一唐樓樓下見到一個阿婆飛咁快行(漂)左去

但靈體除左係會比你見到外仲會感覺到同有味道
我以前舖頭都有感覺疑似靈體,仲要多年黎唔止我一個感覺到
初時係我老公話我知舖頭有鬼,
多年後我同我一個做左好耐0既同事講舖頭有鬼,佢話一早知啦,成日都感覺到有野企左0係度睇佢做野
我話我又係喎,"佢"成日企0係沖涼盤呢個位(美容房內其中兩邊L型,打對角係我同同事張美容枱,角位係沖京盤)
我同同事0係房內都係面向牆做野,我就感覺到"佢"有時企左0係度,有時就唔0係度
有一次我地都忙到死,點知突然有d水潑落我背脊度,我摸下個背脊啦,真係有水
我咪問個同事囉~你頭先用水潑我呀?
佢話冇呀!但我背脊又真係有達水0係度,
咁我都信唔係佢做,佢都唔得閒,而且佢0係邊攞水潑我...

[ 本帖最後由 羊咩咩 於 2008-4-30 13:29 編輯 ]

'依'...你睇得咁清楚, 我通常都睇唔度佢着乜野衫架.
同'買'基本上嗰d野係分顏色的.

要出去食飯啦, 回來再講.
見到的朋友我都想佢地講下係點樣, 好似個個睇到的都有分別. 大家分享一下ma

我都睇唔度佢着乜野衫架,只係睇到係白色之嘛~

估唔到呢版一講就講左咁多個月！仲繼續有新野睇添！向 20000 點擊率進發！

原帖由 虛宿寶瓶 於 2008-4-30 02:25 PM 發表
估唔到呢版一講就講左咁多個月！仲繼續有新野睇添！向 20000 點擊率進發！

講到今年農曆7月,睇下各花友有冇d咩體驗

原帖由 羊咩咩 於 2008-4-30 14:43 發表

講到今年農曆7月,睇下各花友有冇d咩體驗

農曆7月

每日我放工必經道路, 但係每逢到農曆7月前後, 我都唔會行, 因為真係好多.

你成日見架？咁唔係幾好o個喎！聽講見到其中一個原因係個人o既運比較低！

你覺得呢？

原帖由 虛宿寶瓶 於 2008-4-30 15:08 發表
你成日見架？咁唔係幾好o個喎！聽講見到其中一個原因係個人o既運比較低！

你覺得呢？

我都覺得有D關係, 不過我就好極端, 係好運同唔的運時候見得最多, 平時無風無浪就好少見到.

我巳經兩年左右冇再發生靈異事件啦~唔通時運高

原帖由 alexander 於 2008-4-30 15:05 發表


農曆7月

每日我放工必經道路, 但係每逢到農曆7月前後, 我都唔會行, 因為真係好多.

<猛鬼街>
講返條o個條街, 平時放工都會有d van 仔泊係度, d 野呢就成日坐係入面, 好多時離遠睇到依為真係有人係入面, 到行近d 先知原來係o個d野黎.

又有一次我放工, 行行下見到前面有個膠袋離地1-2呎度慢慢自轉, 當時我即刻停低想睇清楚d有冇眼花啦,就在這時, 有隻類似手/爪的物體快速咁攞在個膠袋入泊在路邊的van仔車底.跟住我跖低睇一下車底, 又冇野喎.

原帖由 羊咩咩 於 2008-4-30 08:43 發表
我巳經兩年左右冇再發生靈異事件啦~唔通時運高

你成日見到，真係唔係咁好。
兩年冇見，你唔好亂講啦！

我係由大約11歲左右開始見到,但又唔算係人地話o個d 陰陽眼, 因為時見到時見唔到, 有時都見怪不怪, 不過年紀大左開始驚羅...

[ 本帖最後由 alexander 於 2008-4-30 16:00 編輯 ]

原帖由 八王爺 於 2008-4-30 03:55 PM 發表


你成日見到，真係唔係咁好。
兩年冇見，你唔好亂講啦！

我冇成日見到啊~

黎料喇 !

有一日,一個男仔駕住一架車去旅遊

佢咁岩去到一條村前面,架車就死左火

佢心諗橫掂都係喇,不如去條村到搵個師傅搞搞佢啦

於是佢係條村到搵左個修理汽車的

師傅:哇,你架車好殘喎,幫你整無問題,不過要等兩三日,你等唔等到丫?

男子:無問題無問題~咁我去旅館book間房住住先啦,我留電話,你call我丫

於是,男子就快快手手到左旅館

男子:唔該要一間房丫

店東:好唔好意思,我地呢到既房已經滿左喇

男子:下?!

店東:一係咁,我借我呢到間員工宿舍你住住先啦,你介唔介意丫?

男子:好啦好啦,唔該

店東帶左男子上房,分咐如非必要唔好搞亂果度既野,包括唔好打開房間入面另一道門

男子同意,就暫時住左係到喇

男子係員工宿舍第一晚,訓極都訓唔著,突然聽到有鋼琴聲

男子起身想知邊個咁夜係到彈琴,佢搵搵下,行到自己間房既果道門前面

男子記起東主叮囑過唔好開門,

佢就嚐試透過門既鎖匙孔到望下門後面有咩野

竟然見到有個女仔係到彈琴

男子雖然覺得好奇怪,但係都係無多事,訓左喇

第二晚,男子再聽唔到琴聲,呢次佢又去望一望

尋日個女仔係到跳舞

男子又無理到訓左

第三晚,男子亦聽唔到琴聲,佢又去望

今次好奇怪,佢咩都見唔到,只係見到鎖匙孔後面紅色一片

第四日早上,男子收到修車師傅電話,就要去交房

男子:先生,好對唔住,你叫我唔好開門,但係我仍然忍唔住由鎖匙窿到望去間房,
      
    點解我第一晚見到個女仔係到彈琴
     
           第一晚佢係到跳舞
         
           但係第三晚咩都見唔到,淨係見到紅色一片呢?

店東:唉,既然你唔睇都睇左,我唯有話你知....

其實我個女,佢生前隻眼係紅色架...


哈哈~恐唔恐怖?我打果時都驚驚地 ^^

唔.........都幾嚇人..............但題目係真人真事

原帖由 羊咩咩 於 2008-4-30 17:49 發表
唔.........都幾嚇人..............但題目係真人真事

My God~ 離左題

原帖由 wetfish 於 2008-4-30 05:56 PM 發表

My God~ 離左題

唔緊要啦~你都打左咁多字都係諗住比大家睇姐

有冇人未放工o架? 不如講下辦公室鬼怪野丫


......咁就留返遲d 先講啦

[ 本帖最後由 alexander 於 2008-4-30 18:45 編輯 ]

我本來都有好多架,但好多都係零零星星,一係就唔係好記得,講出黎太短唔好聽,大家如果有0既,講出黎一齊驚下啦
我有冇講過中學時同同學玩銀仙個單野?