回復 11085# JicJicmom
老師早晨呀~~~
響小寶帖度睇到搭(瓜)棚0既問題~~
想請教一下老師, 我見老師0既瓜棚, 有D係用鉛水通黎搭0既, 未知老師呢一隻棚, 適唔適合響天台度用呢?
我天台晒起上來, 絕對唔係人咁品~~~ 如果用金屬通, 會唔會煎熟D瓜籐架? 積媽0既植物開始要向高空發展了........
另外, 出左2塊葉仔0既係唔係吹波節瓜呀? 小寶分享左種子比我喇~~ 我又種!!!!
=============================================
積媽及大家午安!
我呢個用鉛水通黎搭嘅棚用咗十年囉!
以前獨沽一味種葡萄, 後來用黎種瓜瓜....
冇問題喎, 大家有目共睹格! 而家咪種<合掌瓜>囉!
天台同地下嘅分別只係天台可能大風D啫(仲啱喇!), 日照溫度係相同格,
體中午陽光最猛烈時乜嘢材料嘅棚架表面葉葉點都會耷耷地啦,
到黄昏咪一樣兀翻起身, 我就認為OK嘞, 我朋友嘅空中花園都係感嘅!
攀藤植物當佢大大林時最緊要水份供應, 所以要注意泥土嘅乾濕狀態架!
早上及正午<合掌瓜>葉葉體鉛水通棚架嘅表現:
早上
剛剛
|