乜都種吓嘅花園仔

回復 11040# JodieC
老師.. 有幾個問題想請教吓你架…
1. 前兩日, 係陳X記買左個盤種粟米… 不過無去水O架.. 要自己鑽O..
之前我見老師d菜盤d去水O係側邊… 老師可唔可以教一教我鑽O鑽幾多個先夠好去水呀??
係咪好似你D菜盤咁鑽側邊.. 咁你個盤底有無去水O架…
================================

你好!
無論花盤菜盤都會按設訂黎開或唔開去水窿嘅!

一般普通花盤會將去水窿開體底部,
亦有例外開體側邊架, 我D西班牙陶盤就係開體側邊嘞!

無論個D窿開體邊度都係有特定意義嘅, 唔係亂禁開架!
舉例我個菜盤設計為乾濕两用型, 可以種菜, 塞咗個窿就可以水栽.
佢有泥土隔高於最低位20mm架, 下邊咪可以做水盤效應囉,
可以藏少少水俾上部泥土乾涸時植物仍可以從此處抽取水份呢!
因此側窿高低亦反影出底部藏水幾多嘞! (按自己心意取决)
我體四側加鑽細窿係附助主去水窿(直徑15mm)嘅啫, 唔係一定要感做嘅!
甚至認為唔需要藏水盤作用嘅話亦可以體底部鑽去水窿架!

你個菜盤冇開窿係俾你有更大空間决定點做啫!
我點知你想點啵....



另外: 你D圖使唔使禁細亞?

回復 11040# JodieC
2. 木瓜苗 : 老師, 我棵木瓜苗係咪有蟲呀..
但又唔係好似帖上睇到既線蟲…
係葉中間又穿左個O仔.. 好奇怪..

你張木瓜圖禁細, 點睇到乜嘢蟲亞!!

4. 不知名既植物 : 我果到成日有好多雀仔飛黎飛去..
有幾棵植物都係野生架… 請問老師呢D植物叫咩名呀?


另外嗰D不明物體我一般唔理佢嘅, 真係有興趣先研究吓嘅啫!
前日先體<花草樹木>嗰邊請教咋, 都冇乜用, 講完多謝就刪咗洛, 主帖仲體度....

我棵木瓜苗就黎移種囉!

回復 11037# 花園仔

小牛好!
多謝上傳資料, 不過我都係獨沽一味整果醬唧! 嘻嘻!

今日採摘嘅桑椹子

------------------------------------------------------------------------------------

老師早,

見你提起桑子果醬, 我記得你以前有教我地整果醬

我屋企都有一棵桑子, 因為而家當造, 好多時因為摘唔切而掉晒係地下浪費左
我都想學你用來整果醬, 可以教我嗎?
想請問係咪放入熱水中加(白沙糖)煮就ok ka la?
謝謝!

回復 11041# 花園仔

嗯... 明白啦.. 等我下星期開工先..

回復 11042# 花園仔

木瓜苗 : 哎呀.. 唔好意思呀... 因為upload size問題.. 縮細左... 我整過啦.. 再睇吓....


老師棵木瓜好壯呀...

不知名既植物 : 啊! 原來係咁... 咁等我過花草樹木果邊問吓先.... 唔該o西老師...( 成日麻煩你..)

回復 11043# miku
老師早,
見你提起桑子果醬, 我記得你以前有教我地整果醬
我屋企都有一棵桑子, 因為而家當造, 好多時因為摘唔切而掉晒係地下浪費左
我都想學你用來整果醬, 可以教我嗎?
想請問係咪放入熱水中加(白沙糖)煮就ok ka la?
謝謝!
================================

你好!
哈哈, 我啱啱整緊喎!

桑椹子果醬制作方法
材料及份量: 1份桑椹子：1/4份糖(冰糖或砂糖都得)

將桑椹子剪訂後洗淨, 擎乾水, 把桑椹子及糖放進鍋內, 用小火煮至出水
再用中火邊煮邊攪拌, 唔好黏底, 直至水收乾變果醬搞掂.

保存方法:
取出有密封蓋嘅玻璃樽, 我就喜歡裝入樽前蒸吓個樽消毒殺菌(好似烚奶樽咁呀!).
體桑椹果粒醬溫度降低到攝氏45度時裝入樽內(千祈唔好完全冷卻先至入樽呀),
裝滿後緊鎖樽蓋 -- 咁樣冷卻後先至會形成真空狀態架(擺體雪櫃可保存一年)!

你可能問密封蓋嘅玻璃樽資料及體邊度買架?
哦, 我因為要送俾朋友及長年食用所以用好多呢種樽架,
體吉吉正店買嘅, 呢两款係(中)500ml及(大)1000ml容量,
做一樽中型嘅大約用桑椹子1kg啦!

我得一棵桑樹仔, 每次收得好少又點亞?
感你咪見紅黑就摘落黎放入雪櫃儲夠份量先至整啦!

密封蓋嘅玻璃樽



剛整好嘅桑椹子果醬體密封環境度冷卻緊....

老師有冇桑子種籽可分享呢？

回復 11046# 花園仔

我得一棵桑樹仔, 每次收得好少又點亞?
感你咪見紅黑就摘落黎放入雪櫃儲夠份量先至整啦!

密封蓋嘅玻璃樽

================================
謝謝老師咁貼心幫我諗埋!
等我儲多d先!

回復 11047# kerorozIL
老師有冇桑子種籽可分享呢？
==================

大家好!

小朋友, 桑子種籽? 即桑椹子嘅核瓦,
用核發芽種起要長D時間至有果食架,
插枝仲好啦, 當年即有果果結嘞!
暫時冇啵....唔好意思!


體<羅漢松>度發現呢兩位朋友 -- 蚜蟲出沒注意!

回復 11048# miku
謝謝老師咁貼心幫我諗埋!
等我儲多d先!
==================

你好! 唔使客氣!

分享積媽收割<沙律生菜>喜悅嘅同時, 種體露地嘅最近期菜菜摘底葉食過一次囉!


注意睇圖時請體張圖上點擊一下, 放大D會清楚D質感強D架!

當然, 種體網室入邊嘅<沙律生菜>仲未老曬嘅, 仲有貢獻架!


注意睇圖時請體張圖上點擊一下, 放大D會清楚D質感強D架!   

<火箭菜>仍然咁好食!

收咗D盤種嘅 <Italian parsley>, 好香架,
朋友用黎炒牛肉, 佢有高血壓....

<火箭菜>仍然咁好食!
=====================
名符其實
真係成支火箭咁

講起香草類, 而家真係種乜都生架, 嘻嘻!
體隔離版有網友喊苦喊忽都唔知佢點種嘅....

插枝嘅幾種<薄荷>

回復 11054# kerorozIL
名符其實
真係成支火箭咁
=============

小朋友, 點解咁夜仲唔瞓!

露地嘅<香茅>剪過之後, 又....

辣椒好命硬架, 你睇吓呢棵就知嘞....

2009-01-21嗰陣C



而家幾靚, 又試結滿椒椒洛!

回復 11050# 花園仔
分享積媽收割<沙律生菜>喜悅嘅同時, 種體露地嘅最近期菜菜摘底葉食過一次囉!  
注意睇圖時請體張圖上點擊一下, 放大D會清楚D質感強D架!
===============================================
老師好~~~
阿姨打電話來 , 話一入廚房就聞到菜香, 真係誇張!!!
本來今年種左好少沙律生菜, 但睇到老師同小寶都種得咁好, 真係忍唔得手,又下多一盤種~ 剛在天台整完一輪 , 希望黎緊日子菜菜都生生性性.
呢一次種0既沙生, 積媽0既泥可能溝得唔好, 太儲水, 加上之前曾下大雨, 又唔記得倒走盤底0既水, 所以有一段時間菜菜都係軟lai lai , 真係眼冤~
呢一排放多左心機落去, 就生得好好多. 我響外國網站都買左不少沙律生菜種子, 希望今年秋播同一眾農友分享種沙律生菜0既樂趣呀~~

老師,我剛剛看了now tv的cooking 媽?唔知你有冇睇?她在田中採摘的苦墨菜,是不是就是老師種的火箭菜呢?

回復 11058# JicJicmom
老師好~~~
阿姨打電話來 , 話一入廚房就聞到菜香, 真係誇張!!!
本來今年種左好少沙律生菜, 但睇到老師同小寶都種得咁好, 真係忍唔得手,又下多一盤種~ 剛在天台整完一輪 , 希望黎緊日子菜菜都生生性性.
呢一次種0既沙生, 積媽0既泥可能溝得唔好, 太儲水, 加上之前曾下大雨, 又唔記得倒走盤底0既水, 所以有一段時間菜菜都係軟lai lai , 真係眼冤~
呢一排放多左心機落去, 就生得好好多. 我響外國網站都買左不少沙律生菜種子, 希望今年秋播同一眾農友分享種沙律生菜0既樂趣呀~~
=======================================

積媽好!
D生菜類我都係諗住種埋呢水就暫停嘞, 到咗秋天先同大家努力架罅!

講晚安前請睇吓個菠蘿啦!(好似唔識大感!#10922)