乜都種吓嘅花園仔

回復 10979# JodieC
老師... 我想問吓你可唔可以教我點整花生麩呀?
我參考過其他帖.. 有D要加魚粉和骨粉... 加左又有Do羊分別...
我見之前你個帖寫花生麩有發酵和未發酵.. 我買果d係粒粒... 咁係發酵左未架...

如果用1.25公升樽浸.. 分量要幾多呢 ?? 係唔係日日要開蓋比佢透氣架.. 浸幾耐用得架...
用得時要溝淡... 咁要溝幾淡呢? 唔好意思.. 問咁多問題... 麻煩老師..

===============================================

你好!
你嘅問題講過好多次嘞! 破例講埋呢次架咋!

我而家講嘅係浸花生麩水唔係浸混合肥水!!
我係咁處理嘅:
揾個可密封嘅桶, 放入花生麩(麩與水嘅比例約為 1:15) , 放滿80%水, 搞勻佢後冚盖密封, 桶上寫上日期.
大約隔两星期打開桶盖搞勻吓佢後冚盖密封翻. -- (重複又重複)
三個月後預算發酵完成, 随時用得....(發酵越耐功效越高氣味越少)

使用: 打開桶盖搞勻麩肥, 將需用份量嘅麩肥加水冲淡(麩肥與水嘅比例約為 1:7)
施肥後即淋翻D水以免有時手重淋多咗燒傷植物.

如果用樽:
預備幾個冇壓摺過嘅1.25L可樂膠樽, 捨得使錢到五金舖買D厚膠樽就更企理啦!
用尺由樽頸下用油性筆平均畫分20等份.
將花生麩放入樽內至1格位(1:15)入水樽內至16格位.

唔好冚蓋住, 用網布冚住樽口以防蒼蠅飛入去生蛋.
擺放一日半日先至冚蓋.
放體陰凉地方.

最初两日擰開樽蓋放吓氣, 搞勻佢再冚翻蓋.
(人體上風位, 個樽口咁細棑出氣迅速被風吹走啦, 臭乜丫!)
然後隔耐D(約1-2星期)擰開樽蓋放吓氣, 搞勻佢再冚翻蓋囉!

D麩水梗係唔好聞格, 放耐D氣味咪少D囉!
浸佢两三個月咪用得啦....(發酵越耐功效越高氣味越少)!
溝水比例 1:7

嗱! 我呢桶舊年6月4日用花生麩粉(粒狀)浸嘅!



用咗好多囉! 而家係完全冇曬臭味架嘞! 嘻嘻!

哈哈!
體隔離貼有網友話 -- <嘩....睇到都覺得好臭>圖伸脷擰頭!

請問發酵嘅嘢有幾多唔臭架, 發酵完成就....
豉油, 乳酪....好多嘢都係經過發酵程序架啦! 嘻嘻!

唔好講臭嘢嘞!
聞吓花香仲好啦!

摘咗D桑椹子及士多啤梨

回復 10968# BanbieChan
老師 你真係好勁呀~你係乜都識老師 呀~

回復 10969# JicJicmom
老師及各位早晨呀~~
老師好似一本活字典~~

====================================

斑比, 積媽及大家好!

雖然好多朋友都感講, 但事實並非如此, 我比較努力就真嘅!

莊子有云: 吾生也有涯, 而知也無涯.
人應與時俱進, 終身學習.
人越知得多就越覺得自己渺小呢, 學海無涯呀....

舉例, 蕉蕉品種幾百, 你講得出或食過嘅有幾多種吖?

回復 10970# alilovebyj
一冷翻，加埋強勁季風，我d 蕃茄七成「打柴」！！

原先發了的泰國蕃茄苗，都死咗d啊！
==============================

Alison好!

唔緊要啦! 種過囉!
總會有情(晴)天呀!

嘩! 真係好大粒啵! -- 體張圖片上按一下先至係實物原大架!

青椒開花了!

仲結咗好多椒椒仔添!

長尖椒噴咗藥後, 卷葉情況受到控制, 終於....

老師係唔係牛奶蕉?

油菜心 -- <60日菜心>
雖然經過一段唔係咁好嘅天氣, 但始終都冇令我失望呢!

體工具版睇到 --
有網友話<今早淋花，發現種陶土盆表面有發霉的情況>
仲話因此好多網友唔用陶土盆而用膠盆添!

其實陶盤種植質量係最好嘅,
我係指優質嘅陶盤喎!

優質嘅陶盤會呼吸呢, 表面唔會藏水,
就算連續好多日天雨令盤表面潮濕,
只會生青苔啫, 肯定唔會發霉架!

而家用以製造陶盤嘅優質陶土少有及好貴,
所以陶盤嘅售價好高, 冇乜人買咪唔返貨囉!

用西班牙陶盤種嘅太陽菊零舍靚架, D花冧仲接踵而來添....哈哈!

回復  JodieC
老師... 我想問吓你可唔可以教我點整花生麩呀?
我參考過其他帖.. 有D要加魚粉和骨粉... 加 ...
花園仔 發表於 2010-3-15 16:32

多謝老師。我又可以從温一次。雖然仲未有勇氣去浸花生麩水。

回復 10987# 軒軒
老師係唔係牛奶蕉?
==============

軒軒及大家早晨!

係泰國牛奶蕉, 嘻嘻!   

呢D係發緊嘅<加拿大帶翻黎嘅四季豆>, 準備寄幾粒<亞實>玩吓!

回復 10977# 亞實

老師好, 請問可唔可以給我一些鑽地老鼠種子, 我想種比媽媽煲湯用, 謝
====================================

亞實!
因為種開係唔使留種籽架(圖片上有講格!),
所以上季冇留種籽呢, 唔好意思嘞! 嘻嘻!
=====================================

亞實好!
哈哈, 體種籽箱度摷到白花嘅,
仲體桂花樹腳嗰棵開緊紅花嘅摷到幾粒種籽添,
一齊寄俾你啦, 好易出芽架咋!

回復 10981# 花園仔


    唔好意思... 麻煩老師... Notes 做好啦... 一有時間.. 立即行動...
(我以前一d都唔識種野架... 睇左老師種d成品.. 好想學到老師10%就好啦... 連我阿媽都問我點解近排咁鍾意種野.... 係一個磨練既好方法.. 努力努力...

回復 10970# alilovebyj
一冷翻，加埋強勁季風，我d 蕃茄七成「打柴」！！
原先發了的泰國蕃茄苗，都死咗d啊！
================================
你好！ 我既迷李蕃茄都吹折左唔少，
但係縛返佢，佢又繼續生返，
有一枝真係斷左，我插佢入水，
佢極速催紅自己，個零禮拜，紅左 5粒，佢而家仲係度努力緊呀！
真係令人驚歎！
你都唔好咁快放棄佢地啦~

回復 10975# 花園仔
回復 10972# huen923
老師: 就喺呢2盤泥, 剛打開, 泥有D"隆隆", 喺咪代表有蟲蟲? 其中一盤仲有些發毛
==============================
D泥鬆浮浮有窿都唔肯定有蟲蟲格!
同時都好常見你地D泥面有發毛現象, 你嘅泥係乜嘢成份亞?
==================================
老師: 喺翠均靚土
昨日又去BUN BUN 巡視業務, 都喺不見無花果踪影
不過就買咗2袋仔河沙, 預備溝泥.....價錢不貴, 但攞到手仔軟

回覆 10983# 花園仔
摘咗D桑椹子及士多啤梨
==================
老師好！
按時令採收不同既果子真係一件好快樂既事，
令人時時有所期待~~
可惜我公司既槡樹係飽受虫害同寄生植物既催殘後，
今年結唔出果子，佢 d 果一出就枯晒……
但係食過佢 d 果就明白，自家種既槡子真係比街市買到既好食太多！
我見到街市最近又有槡子，但係真係無乜意思要買。

回復  BanbieChan
老師 你真係好勁呀~你係乜都識老師 呀~

回復  JicJicmom
老師及各位早晨呀~~
老師好 ...
花園仔 發表於 2010-3-15 20:42

    牛奶蕉好甜, 比大蕉好吃, 喜歡.

回復 10981# 花園仔
D麩水梗係唔好聞格, 放耐D氣味咪少D囉!
浸佢两三個月咪用得啦....(發酵越耐功效越高氣味越少)!
溝水比例 1:7

嗱! 我呢桶舊年6月4日用花生麩粉(粒狀)浸嘅!
=================================
老師, 我d麩水浸左4個幾月重好臭好臭, 點解呢? 我d花生麩係粉庄o既, 係咪d花生麩唔靚呢?

回復 10995# huen923
老師: 喺翠均靚土
昨日又去BUN BUN 巡視業務, 都喺不見無花果踪影
不過就買咗2袋仔河沙, 預備溝泥.....價錢不貴, 但攞到手仔軟
=================================

你好!
乜嘢泥都好啦, 如果係我就要研究吓嘞! 嘻嘻!

回復 10997# kwanyeehui
牛奶蕉好甜, 比大蕉好吃, 喜歡.
==================

鈞哥好!
係泰國黎嘅牛奶蕉呀!

仲有唔該請勿用<引用>呀!