本帖最後由 花園仔 於 2009-2-24 13:33 編輯
4433# yannes
老師早~~
今早一起身...我見到茄子自動脫落了2片葉...
佢現在咁既樣...會唔會似救唔返......而且泥面的白色的仲好似越來越多...
=============================================
睇黎棵嘢上唔到水俾D枝葉啵, 葉嘅顏色唔夠青綠及冇光澤,
好快D葉就由下到上黄萎嘞, 可能係萎黃病呀!
----------------------------------------------------
咁你咪小心照顧佢囉, 保持泥土濕潤最緊要!
-----------------------------------------------------
白色嗰D咪菌黎啦, 科學泥最易中招嘞!
試吓淋D<三益>落去睇吓得唔得囉! 棵嘢咁弱都好辛苦洛....
------------------------------------------------------
你好!
<三益>係有機嘅農藥, 成份70%來自苦楝, 樽嘢冇骷髏頭架.
大家用農藥唔好隨便問人點用, 各人嘅環境唔同, 點可以照搬丫!
買農藥最緊要唔好口密, 一定要向售貨員問清楚, 配合埋說明書就萬無一失啦!
係開水噴唔係淋!
梗係唔可以俾小可愛接觸啦!
----------------------------------------------------------
你好!
真係俾你笑死+激死!
<3益引來的??> -- 佩服你寫得出!
如果殺蟲劑可以引到害蟲跑黎自殺就真係出奇嘞!
<只有佢一棵有這個問題...其他的是沒有蚜虫及大量蛟茲的......>
如果其他都有蚜虫及大量蛟茲嘅話咪全部都頭耷耷啦!
<還是因為茄子身體弱了...所以佢地有樹可剩??>
係丫, 好似人一樣體弱咪容易被病菌入侵囉! -- 好似近棑網聚有網友中招腸胃炎咁之馬, 唔會個個都係格!
----------------------------------------------------------------------------------------------
你好!
唔使咁緊張, 我點會嬲你丫.
話俾你知喇, 種嘢肯定有蟲害嘅問題出現嘅, 冇先至奇!
遇上各種蟲害咪逐一解决囉唔使騰雞格!
農藥唔噴得多架, 剩係趕蚊兹之馬, 點個蚊香薰吓佢咪走曬啦!
=====================================================
你好!
嗱! 以上咪關于你棵茄子我嘅回答囉.
體你第一帖上黎, 我已告之最後都只係個<無言的結局>架嘞!
但太明示對你好殘忍咪採用<漸漸的鬆手>囉!
http://www.metropolecat.com/MV/Koi_koi_ploi_muer.htm
咁肉酸點忍受亞! D粒粒如果唔係你放落去嘅粒粒肥,
咁使乜理佢係乜唧邊會係好嘢丫! 唔好要棵嘢嘞! |