我的花園沒有花(加入有關藤三七資料)

菜妹 · 發表於 2011-1-11 02:12:17

食譜連結全部開唔到

, 冇得食已經好慘, 想望梅止渴都唔得.

cklife · 發表於 2011-1-11 10:23:57

chayote 發表於 2011-1-10 22:58
回復 cklife 的帖子

種左有收成,d收成可以"拍拍拍"

比你講到好想食添...一陣去拍番D黎食先...

cklife · 發表於 2011-1-11 10:25:20

菜妹發表於 2011-1-11 02:12
食譜連結全部開唔到 , 冇得食已經好慘, 想望梅止渴都唔得.

可能改版後D連結改左，多謝你話我知...下午番黎整反好佢先....麻煩你等等啦....

chanpyhilda · 發表於 2011-1-19 23:53:49

回復 cklife 的帖子

嘩嘩嘩~~~CK, 响錦田邊度呀? 我住錦田喎, 唔知近唔近我屋企呢??
其實我上嚟係想問下你點釀糯米酒呀? 我剛做完手術, 想釀返D, 遲D可以補下呀.
Thanks!!

cklife · 發表於 2011-1-20 06:50:33

chanpyhilda 發表於 2011-1-19 23:53
回復 cklife 的帖子

嘩嘩嘩~~~CK, 响錦田邊度呀? 我住錦田喎, 唔知近唔近我屋企呢??

係西鐵站行大約十幾分鐘

糯米酒係飲食果邊呀...http://hkplants.com/forum.php?mod=viewthread&tid=61885&extra=page%3D3

chanpyhilda · 發表於 2011-1-20 13:10:14

回復 cklife 的帖子

唔該晒!! 我想呢一兩日試下釀, 但上網見有D要加米酒, 有D又唔加; 有D話7-10日釀成, 有D又話要幾個月, 究竟點解呢??

西鐵站行十多分鐘都算近我屋企, 但都要搭車....hehe....如果你可以夾啱51巴士D時間, 搭51快過251M, 而且平1蚊.

cookie20002005 · 發表於 2011-1-20 14:02:13

我早排都釀左幾樽呀,希望快D有得飲啦

cklife · 發表於 2011-1-21 09:10:29

chanpyhilda 發表於 2011-1-20 13:10
回復 cklife 的帖子

唔該晒!! 我想呢一兩日試下釀, 但上網見有D要加米酒, 有D又唔加; 有D話7-10日釀成, 有 ...

加唔加酒我都試過....如果釀得耐...超過半年果D，個人感覺分別唔大。因為放得耐燒酒D味己經無乜。
但感覺上加酒無咁易壞，液體量多少少(因為燒酒本兒都係液體)，我自己建議，對自己手藝有信心可以唔落....新手呢...落左安心D。

日子呢.....我都跟D話一個月既做過....

係有酒出，不過其實D米未透。應該點講呢....

其實，釀左七日度就己經開始有酒，D酒都幾攻下，但只係開始出酒，所以液體唔多。放到一個月液體量差唔多出左，但米未透，酒味無七日時咁攻。有D人要求唔高覺得D酒OK(中意飲有酒味)，再存放變壞風險又會增高，所以就當完成。

但唔取酒，再放直至半年，酒既顏色會變成少少紅紅地，聞落無乜酒味，飲落甜甜地，隔一陣個身會好暖，就算唔中意飲酒既人都接受到。係咪應該話D酒醇左呢...(我唔識飲酒唔係好知)。

再有D人，半年都唔取酒，放佢兩三年，話仲好喎.....(聽朋友講.....我唔敢肯定)

-=======

個人覺得，對於要求唔高或怕失手既人，做時可以落燒酒。

存放時間長短呢....就睇各人要求既口感同對酒味既接受度喇.....即係要試下，做一次...一個月時飲下味....再放到半年又飲下，咁就知自己中意咩味喇。

另外，酒餅亦會影響味道，一般最易買到既普通酒餅係圓圓金沙珠古力咁大粒度白色。另一種係甜酒餅。
試過覺得釀糯米酒用甜酒餅好D，尤其係中意食酒釀或目的係自製酒釀既人。不過唔係度度有得賣。(好似係新東陽有得賣，或者去街市賣上海野既雜貨店問下)

chanpyhilda · 發表於 2011-1-21 13:50:45

回復 cklife 的帖子

唔該晒!! 我會試下!!
等半年!! 釀得嚟都夏天囉???.....haha

cklife · 發表於 2011-1-21 23:49:10

我係等一年先飲呀....咁咪剛剛好囉....

cklife · 發表於 2011-5-26 19:03:39

本帖最後由 cklife 於 2011-6-2 12:34 編輯

藤三七(網上收集到的資料)
食譜︰

一、藤三七煎蛋
材　料：新鮮雞蛋3個，藤三七150公克，胡麻油2大匙
調味料：味精，鹽
做　法：1.藤三七洗淨切碎備用。
　　　　2.將新鮮雞蛋打入碗中，伴入少量的水，再將切碎的藤三七放入均勻攪拌。
　　　　3.起鍋入胡麻油，將前述混合之蛋液放入鍋中，煎至兩面金黃色為止。
　
二、清炒藤三七
材　料：藤三七300公克，薑片、胡麻油2大匙。
調味料：鹽1/2小匙，味精1/4小匙、米酒。
做　法：1.藤三七洗淨備用。
　　　　2.起鍋入胡麻油爆薑片，於入藤三七大火快炒，加鹽、味精及米酒調味即可。
　
三、腰花炒藤三七
材　料：腰子1/2個，藤三七150公克，胡麻油3大匙，薑絲少許。
調味料：味精、鹽及米酒少許。
做　法：1.藤三七洗淨；腰子切開，去除腰子肉筋膜後切片，以沸水川燙，瀝乾備用。
　　　　2.胡麻油起鍋，爆薑絲，放入腰子大火快炒至八分熟時，加調味料，放入藤三七炒勻即可。

四、枸杞雞肉川七湯
材　料：土雞半隻，藤三七200公克，胡麻油3大匙，薑片若干，枸杞10公克。
調味料：鹽、米酒、1/2杯水。
做　法：1.藤三七洗淨；土雞洗淨切塊。
　　　　2.胡麻油起鍋，爆薑片，放入切好的雞肉塊、枸杞及米酒，炒至五分熟後，加碗水，以中火將雞肉煮熟，放入藤三七略煮，加鹽調味即可。

五、營養魚肉羮
材料︰藤三七葉切粗絲、黃肉蕃薯切粒、紫肉蕃薯切粒、紅蘿蔔切粒、魚肉切粒
調味︰鹽適量
做法︰

水煮滾加入紅蘿蔔粒煮半軟，再加入蕃薯粒煮熟。
加藤三七葉和魚肉粒，將魚肉粒煮熟，加鹽調味。
加入豆粉水打獻即成。
喜歡還可加些雞蛋做成蛋花。

川七炒煙肉

藥效︰
葉片功效︰抗炎護肝，降血糖，活血化瘀。通便。
珠芽功效︰滋補壯腰膝、消腫散瘀、活血。切成薄片貼於頸腰痛處可活血止痛。乾燥成粉末，吹入鼻孔，鼻血即止。
塊莖功效︰活血散瘀作用。切成薄片貼於頸腰痛處可活血止痛。
葉片外用︰外傷流血，藤三七葉片嚼爛外敷，止血止痛。

病後虛弱
腰膝痹痛：鮮珠芽38克至75克（乾品12克至25克），燉雞肉或瘦肉服。

跌打扭傷，骨折：
鮮葉搗爛加少許米酒外敷患處，另可取鮮葉38克至75克（乾品12克至25克），水煎服。

LHS1 · 發表於 2011-5-26 19:19:41

回復 chanpyhilda 的帖子

保重身體!

cklife · 發表於 2011-5-26 19:58:52

本帖最後由 cklife 於 2011-6-2 12:24 編輯

藤三七栽培(網上資料整理)

生長環境藤三七對環境適應很強，耐熱、耐弱光、耐旱、耐濕及耐寒，生育適溫20℃～30℃，高溫高濕季節生長快，冷涼季節生長旺盛，短期耐10℃左右低溫。

田種︰(主要採收葉片及蔓稍)

繁殖︰
珠芽育苗，秋季採下成熟珠芽放於冷涼乾燥處，次年早春播於營養袋或穴盤內，搭建小拱棚，三十天成苗。
莖塊育苗，塊莖育苗，塊莖也稱珠芽團，在早春挖取珠芽團，剝成單珠芽，同上法播種並建小拱棚，約30天成苗。
扡插育苗，於春夏季選取健壯成株的上中部剪雙節帶葉的枝蔓作插條，按10～12釐米見方的距離，斜插於苗床中、壓實、澆水，床溫保持20℃，約6～7天長出新根，20天左右成苗，此法生產上多用，繁殖快。

定植︰
下好基肥，畦高20cm，畦寛110-120cm，行距70-80cm，株距30-40cm，雙行種殖，苗高30cm以則塔人字形架，及時中耕、除草、培土。

田間管理︰
夏天加遮陽棚，選擇45%遮陽率的遮陽棚。烈日爆曬葉班密列，品質產量減半。
冬天 -2 度前適時採挖塊根，埋好根鬚，覆蓋樹葉8cm厚，罩上膠膜，翌年一般可萌發新株。(香港很少那麼凍吧!)
藤蔓上架後在蔓長30-40cm時摘除生長點，可促發粗壯新稍，增大增厚葉片。
摘心，一般生長高度20cm時第一次摘心，之後每生長20cm摘心一次。
秋季會出現花序，及時摘除這些嫰稍，以控制花序發生。(花序通常不孕，很難獲得種子。)
栽培三年後，養分集中蓄積於珠芽，使得珠芽集生成瘤節狀，葉片生長變弱密而小。以收葉片主，應更新植株。

採收︰
莖蔓12-15cm時摘取。葉片一般定植後30天即可隨時採收，2個月後進入盛產期，採期6個月。
生長盛產期,可10天採收一次葉片、嫰稍。
珠芽2cm以上可採收。

施肥︰
在種植時施足底肥外，每年1月及7月各施一次腐熟基肥，結合鬆土、清溝、培土，將棵露的頭和塊莖覆蓋。
平時採收一次施一次追肥。

參考資籵︰360.doc

花盆種殖

選用24cm以上花盆，能用36cm以上的更好，每盆一株。
泥土選用疏鬆沙壤土，我自己配泥(靚土3︰蛭石1︰珠石1)。
春天時，下足基肥，把珠芽放入，澆透水，加刺孔膠膜封盆口。保持盆土濕潤，看到長出嫰葉除去膠膜，手摸土乾才澆透水。
準備爬架，摘蔓摘心方法參考上面田種法。
花盆種，開始時泥放半盆，因為種兩個月根就會包滿全花盆，想要加肥只能放盆面，而家庭種最好再用泥蓋住肥料，防氣味野虫。夏天注意補水，水夠葉才會漂亮和多。每月一次固體肥(不只要補氮肥，建議補均衡肥)，每次採收後補液肥作追肥。
花盆種植給予爬架空間有限，請適時疏葉疏蔓，以保生長空間通風，及集中養份。
一般春天栽培，2個月後進入盛產期，葉片變大，蔓稍生長快。

可作室內純觀賞植物，泥栽水栽均可，沒什麼病害，是很好的裝飾用植物。