本帖最後由 cklife 於 2011-1-7 09:26 編輯
jellyfishy 發表於 2011-1-7 09:15
撈出多餘的菇,載滿成個湯碗!!厚過電話薄呀陰公!!! 日日食,食十日都食唔晒~~
我現 ...
咁你浸時就減一半份量啦....原本份量係預你一星期,飲完重新再浸....
你飲少左,佢就放耐左,梗係酸啦....
你可以咁...原本份量係一個星期每日飲一杯計既,你隔日飲,咁浸時要減一半份量。
浸好倒出黎放雪櫃,原本個樽繼續浸。
放左係雪櫃佢變酸速度會減慢,咁你亦每星期有新鮮菇菇茶飲囉。
太酸就加水加蜜糖啦....
---------------
其實浸既份量應該自己估計一個星期大約飲幾多,浸夠一星期飲就好。始終要不停幫佢更新溶液保持佢活性嘛。
菇菇茶除左飲,依家天氣凍可以加入洗澡水中,有殺菌潤膚既作用。即係亞媽教果種,沖涼加片糖或醋囉。
以我所知,有人會浸生果酵素代替皂液沖澡,我地唔洗另外浸...用菇菇茶就可以。 |