有朋友學過靈氣的嗎?

我自己本身學到Level II，但好少用...多數用黎洗水晶，今日又拎番d筆記出黎睇下...忽然諗..唔知依度有無人都係學靈氣既呢....
又唔知大家學習既心路歷程同身體反應有無咩唔同呢?

唔知大家會係生活上點用佢呢.....

其實都係因為八掛....想八下人地係點...

好似無咩論壇專係討論依樣野...有既話麻煩通知聲....

乜來的? 你係邊樹學架? 可以介紹多d嗎?
好似學做小魔女咁, 好有趣喎~~

Reiki~
我有朋友學過，佢依家响 黃大仙 開檔

我十幾年前學過，去到高班，上年再陪朋友重溫一次

個名好特別, 想知多d係乜野~~~ 我想做小魔女呀~~ 好似好好玩咁~~

靈氣逼人，玩到出神。

十年前學過Reiki,都係學到 level 2,當時自己上堂做好多practice都冇反應,但其中一位同學反應好大,俾佢嚇親~
當時係初初接觸meditation,導師講o既嘢好多都唔係好明,呢幾年睇多咗書,又學咗唔同派別o既靜坐/氣功,所以好想再學番Reiki,我估再學,應該會有反應~

你地都話有學, 但又唔講下即係d乜野~
一係俾d keywords 我, 等我上網search 下~

meditation. yoga. love. light. healing. laughter....
晶石...
Reiki
好似好多野和靈氣有關喎....

你地都話有學, 但又唔講下即係d乜野~
一係俾d keywords 我, 等我上網search 下~
jellyfishy 發表於 2010-10-8 14:13

   keywords   你去google  打Reiki就得架喇...

概括叫能量治療既野....類似氣功既感覺...但唔係用自己既氣....係咪應該咁講呢......

乜來的? 你係邊樹學架? 可以介紹多d嗎?
好似學做小魔女咁, 好有趣喎~~
jellyfishy 發表於 2010-10-8 09:10

   小魔女...無咁神化..仲要坐地鐵去街街...無得坐掃把就識飛....
我當佢係一種對內既修行方式咁對待....因為用黎靚心好好用....我以前係集中唔到打坐...一坐低念頭就飛黎飛去...

學坐之後比較能夠坐定定...

Reiki~
我有朋友學過，佢依家响 黃大仙 開檔
marcuslee 發表於 2010-10-8 09:26

   係呀...聽講幫人做收好貴架喎....我見網上都寫500一小時....

我十幾年前學過，去到高班，上年再陪朋友重溫一次
hehehe312 發表於 2010-10-8 09:30

咁有無諗住進修導師班呀....我都諗住想讀level3，不過未的得起心肝...因為老師要收舖先上得堂...我要捱眼訓先上到堂...(平時十點訓)

十年前學過Reiki,都係學到 level 2,當時自己上堂做好多practice都冇反應,但其中一位同學反應好大,俾佢嚇親~ ...
ChrisTsui 發表於 2010-10-8 12:31

   我身體底子比較差..好敏感老師果度又好多水晶....次次反應都好勁.....level 1 第一堂攞住個嘔吐袋上堂....真係瘀.....
不過學完之後又覺得值得......個人好似丁咁醒左...

meditation. yoga. love. light. healing. laughter....
晶石...
Reiki
好似好多野和靈氣有關喎....  ...
jellyfishy 發表於 2010-10-8 14:18

水母~
我上網抄咗段講REIKI的文字:

Reiki(靈氣)一詞源於日本，意指宇宙能量(絕非宗教)。又稱"日本氣功"，這種能量存在於宇宙之中，任何人都能透過適當途經加以應用。傳說在上一個人類文明(即亞特蘭提斯文明)就擁有這種能力，亞特蘭提斯滅亡時，一批保存智慧和知識的族人將它保留，並流存在西藏，成為當地人醫療系統一部分。在1922年經日本基督教教士臼井甕男再次發現。並將其整理而開始對外傳授。
現在我們接觸到的靈氣大多是源自於日本的臼井靈氣，它是所有靈氣系統的根本，亦是最易學習和理解。當完成所有臼井靈氣訓練後，便可根據自已的需要與緣份接受其他靈氣開竅。其他靈氣還包括有西藏靈氣、埃及神光靈氣、慈光靈氣(Karuna Reiki)及亞利安靈氣等。

治療原理
能量在每個人體內不停流動，藉此維持生命，一個健康身體能量會無阻地流遍全身，但當人受到外來的影響或內在情緒出現問題，能量便不能順暢流動。疾病 / 問題便隨之產生。靈氣治療師藉著引導能量技巧使受者身體回覆平衡。同時靈氣除了能處理身體問題外，亦能使能量直接進入受者心理或靈性層面，藉此解決相應問題。在英國及世界各地有許多醫院設有靈氣治療師為癌症病人進行輔助性治療，靈氣的療效可見一斑。

回復 14# cklife

當時上堂個個同學都有反應,分別係大反應/小反應,我幾乎係冇反應~
我相信REIKI有療癒能力,不過當時未感受到.....
頭先上網SEARCH當年的導師,只係搵到好多年前的資料,可能已經冇再開班~

我果時上堂係5 個人...得我反應咁大...其他人只係有氣感.....睇到白煙...到感覺到能量出入...

我呢....去到level2 上完第二堂都無感覺到能量出定入...只知熱凍同拮拮..震震.....但每次淨化反應都好大.....

到上完左level2之後過左大約一星期度先開始第一次感覺能量既出同入...

我拉埋一齊去學既朋友，佢本身練太極...佢就好清楚感覺到囉......

我覺得最好玩係...我依家可以感覺到水晶既震動....以前聽人講水晶有氣場..會震...但從來我都覺得石頭一舊.....

第一次查住舊石，感覺到佢係手掌心跳跳下，好似有生命咁....真係好震撼呀....
==========
我學完有一年多喇....但時不時都有去探下老師....時不時都有email比我....所以仲有聯絡
療癒能力係我親身試過...所以先叫人帶我去學架.....好幸運第一次嘗試，係上香薰班既其中一個同學幫我做...佢係導師級...被另一個同學迫佢幫我做(無收我錢呀....我依家都唔知點比回遣佢)....係做遙距.....做完之後療效好明顯...後來知道可以自己幫自己做....就一直煩迫人幫我做個果同學帶我去學....

回復 17# cklife

你喺邊度學?我都想再學番,不過我已經忘記晒啲SYMBOLS

回復  cklife

你喺邊度學?我都想再學番,不過我已經忘記晒啲SYMBOLS
ChrisTsui 發表於 2010-10-8 16:39

   我係沙田學...不過老師本身宗教係密宗既...不過一樣有其他教徒搵佢教...佢會就因應反大家宗教講野....不過佢唔係好識講野果種人...唔會講到天花龍鳳....神化野好少講...不過我中意佢老實、正氣囉......
而且，上完堂佢仲不時會寄一D關於建康，靈性既智識既野比我...我覺得佢真係當我係一個學生...想我學到野囉...所以我視佢為永遠老師...盡量保持聯絡...(雖然佢見到我唔係好認得我)

唔好話你隔左咁耐啦...我最近拎番D筆記出黎整理，先發覺我連[朱古力]都畫錯方向呀...(symbols我好少用嘛...)

不過佢要收舖先上堂喎....落堂成11點......你怕唔怕夜呀....佢話兩個人就可以開班呀...你諗住想學level幾呀?

實在很有趣～　成個lunch係度找料～
原來和晶石有關.
以前讀書, 因為科目和晶石有關, 出field trip 時, 我買了好多raw minerals (晶石)放在家.
唔知佢地係咪真係會出能量~~