當勞詹天台種植

哇~~青瓜d葉好壯呀~~~
其他棵棵都種得好靚呀,
尤其係蕃茄.....超靚呀~~~

又比大家睇睇我的青瓜啦！已經有好多青瓜了

咁大條@@"e個唔係你前幾日post果條吓話,
大得咁快...好嚇人架啵~~~

461# sammyzoe
係呀！我學識左要做基肥、混合肥之後運用落青瓜度嘛！之後既事就要睇相您就知啦！咪就係咁生長得快快樂樂囉！依家好多青瓜喇！

你種d瓜瓜菜菜好掂呀o

463# sammyzoe
我完全冇吹水架！我差不多日日或者隔日影相架！但我晚晚朝朝都會大理下佢地，都用好多時間架！冇花冇假架！

donald好快又可以叫整人開飯lu~

465# 月光光
全靠您個網入面個個花友既指導，我先可以咁成功種到野出黎食咋！食過D人個個都話好食架！正

467# 軒軒
唔會唔會我只係識種識食咋！煮飯都要靠我老婆佢最拿手架！如果唔係我點可以同佢一齊當時175磅增至依家200磅呢？哈哈~真係謝過老婆FIONA喇！

我D甜粟米又大左好多喇！

藍色長形盆的蕃茄，今朝早影時將相機較近拍同埋AUTO影的，影得真係清楚喇！

一個識種,一個識煮,
想唔肥仔都幾難啦~~~

你老婆有你e個好老公幫手真係好,
唔洗怕趕唔切去街市買餸而無飯食,
上天台仲好過去街市啦~~

donald,粟米係要異花授粉架,所以你最好種多兩三棵,放在一起,先至可以有果果架!

同場加影的紅蔥頭

節瓜苗


呢盆係0係台灣羅番黎種既芙蓉，初初係得兩塊葉SIZE係一隻手指公咁大既葉架！台灣人話就咁放係泥上面就得喎！初初都唔係咁相信架！後來冇乜點理佢，果塊葉已經不見了之後就出左細細棵出黎，真係奇妙喇！之後我同老婆過左台北果邊某架大形百貨公司的一小店，她說埋黎試食一下芙蓉啦！我奇怪地話就咁食唔係掛您昆我呀！之後半推半想咁試左一口，一個字"正"好好食好青甜呀！原來芙蓉好似蘆薈咁樣食同埋功效架！所以我呢盆仔要比心機種落去先得喇！第時就有好野食喇！

473# 軒軒
我知道了。

d青瓜咁大粒仲唔笠袋,因住瓜蠅一釘前功盡廢呀!

476# farfeifar
我有好多都凹左袋喇！冇袋只係影相咋！影完相之後凹返佢了。

見到你啲青瓜我都鄧你開心呀,之前你仲驚佢地唔識大,而家你驚食唔切仲好啦
你既芙蓉係咪唔同有花果隻? 剩係就咁食好似沙律咁?
仲有無其他食法呀?

478# muitau
青瓜係我媽咪既喜愛，亦都係我喜愛的。所以一定夠食啦！遲D可以同老婆整番個青瓜宴呀！
芙蓉係咪唔同有花果隻？ 我都唔知係定唔係呀！
剩係就咁食好似沙律咁？我諗都可以掛，就咁食真係好好食架！
仲有無其他食法呀？呢樣等我參考下D台灣書植先，再話過您聽啦！

當勞睇完你個post見你而家d菜都種得好靚呀,不過我比你嚇親呀,攪到我而家都唔知吽唔吽此生麩水嚟追肥好,我唔驚佢嗅呀,我驚佢會爆樽咋,到時我真係唔知點好,原來吽麩水個樽會谷住d氣架,我而家先知,我剩係知起初會好嗅,過多幾個月就會冇咩味,但係唔知會有氣谷上嚟架,我到底吽唔吽麩水好呢,有冇人可以話我知呀