當勞詹天台種植

440# sammyzoe
咁都得~

我都係咁話~ 落雨洗咩拎返入來je~ 咁先天然呀嗎

我5月10日整的混合泥，襯果幾咁好天日日都係有太陽曬，拿拿聲整起兩包混合泥就羅出去曬下發酵下先，過多幾日我再開出黎睇下先，我諗都應該用得喇！

嘩~我尋晚返到屋企睇番D青瓜先，點知發現條青瓜BB(已做人工援粉)發大左好多，我諗就黎有得食喇！同場加影再青瓜6兄弟既相，真係好多花開同埋仲有乸花呀！

呢盆係原先已經移種的迷你茄子黎既，依家大左幾多。

而呢盆就係將後面綠色長形盆於尋晚移種的。

依家得番呢5棵等待移種喇！

我的甜粟米又大左喇！左邊果盆之前好似死死地咁架！今朝睇番又好似生猛左喎！右邊果盆就日日係咁大~

原來通菜係夜晚真係會訓覺架！今朝早影的通菜全部都好生猛喎！真係醒晒~
今次已經係第二輪既通菜喇！之前果次係30 APR 食左喇！事隔16日就已經變成咁喇！真開心~


韭菜同埋紫天椒生長得非常好喇！

試種左D紅頭蔥呀！我岳母話好食~所以叫我種喎！
5月12日落種種的有4個，最右上角果度係5月15日(凌晨)落種的。

呢棵係5月15日(凌晨)落種5月16日(早上)好似有芽仔了。

30 APRIL 落種子種的節瓜，依家已經咁大了。

15 MARCH 落種子種的沙田柚，我老婆同岳母最鐘意食既。

最後到我的蕃茄：好多都比我摘左D蕃茄黎食喇！好好食架！
呢盆係最大同最高的一盆蕃茄，但到現在只食過2粒熟透的蕃茄呀！

呢盆今朝早影時已有熟左既蕃茄，我又唔想MET左佢，咁咪影番D相先囉！



呢盆好似係第二隻種既蕃茄咁樣！

差不多盆盆蕃茄都比我廋身過喇！因葉葉太多，所以比我CUT緊D囉！

呢盆係有2棵的，係之前有盆好細的盆移落黎呢個大盆種的，之後就加埋粒粒肥落去就出花花喇！



呢個藍色長形盆入面有3棵既，已經有好多個蕃茄喇！只係未曾變色呀！

好多青瓜呀.
我希望我都種到

donald好多蕃茄喎,我塊田棵蕃茄唔係好精神,頭先睇過重有幾個爛咗!

我覺得你種野叻過我開始種野果時, 遲d一定更加掂呀!!!!

好多蕃茄呀~我最中意食

係呢度要多謝您們的讚賞，我都唔算叻大有人在啦！haha...
係度要謝過老師既悉心提示我，同有您們一大班既花友我先可以做到的。

add6icon種得好好,仲有咁好嘅成績,遲d日日有瓜食啦

在444#的第二幅圖入面果條青瓜(係已授粉)，頭先上去睇既時候，已經又再大左喇！今次有成六吋長呀！真係快高長大喇！

咁快?恭喜恭喜.

你d青瓜好爭氣！我就死晒咁滯！

458# alilovebyj
係呀！好高興架！

17 MAY 09
我爹地媽咪入左黎我屋企食飯，請佢地食我種既通菜，仲要叫埋我媽咪親手剪摘通菜比佢玩下，佢好開心呀！仲要我叫佢地自己摘D蕃茄食，清乾淨左之後就咁食，佢地都話好好食喎！緊係啦呢D係有機野嘛！街市買的話都好貴啦！依家係我度食就好過出面買黎食喇！哈哈 ，我都有介紹比佢地知呢盆係乜野黎果盆係咩架！聽到青瓜怎麼交配先可以有青瓜食大為感興趣，即時同佢地上番堂先，好開心地教識左我爹地媽咪怎樣同青瓜人工授粉呀！今早睇番已經授粉了SIZE仲大左小小喇！睇下相先~
今次係自上次30 APRIL 第1輪通菜之後的第2輪通菜呀！






人工授粉後的青瓜，18MAY影既~