積積媽的瓜瓜菜菜果果 (UPDATE @10/5/2012 )

今日元宵 , 同大夫響屋企食湯圓~~
祝各位都團團圓圓 , 歡歡喜喜~~~
柚香薑湯綠茶黑芝麻湯圓~~~


花老師, Jeffreyngcm, PaulPaul & 20小姐好~~~~
我好少食湯圓, 平日都係一粒起, 一粒止~~ 尋日都已破格食左2粒~
呢碗係大夫的~~ 今晚會煮埋剩低0個幾粒比佢食~

積積媽

柚香薑湯綠茶黑芝麻湯圓~好特別呀，多謝~

天氣時暖時凍, 有好有唔好喇~ 不過都係好0既多~~
花老師牌珍珠菜


小寶牌紅甜椒


香草類
刺芫荽 , 呢D熱帶香草類, 天氣凍就馬上樣衰衰.....

一田瑪莉

萍果薄荷


士多啤梨 , 開始有收成了~





偷偷看, 偷偷望.....


葡萄風信子開得差不多了~


另一品種的葡萄風信子~~

粉紅垂筒花


回覆點評:
DORA , HEEHEE ~~ 唔知D士多啤啤等唔等到下星期, 想整蛋糕賀下塵人節呢~~~

朋友0既媽媽送左一盤好靚0既黃薑比我種 ~~~ AUNTIE用洗米水施肥, 放室內, 長得好翠綠 !

我0既回禮 !





回覆點評
noel_tt , 其實呢粒已經係最大粒...... 其他0既都好細粒呀.....
收左呢幾粒之後, 而家谷緊肥, 睇下可唔可以谷大粒D .......

我喜歡份回禮多d囉~

我喜歡份回禮多多多。直頭正過 Oisix 日本新鮮蔬。

公主, 20小姐, DORA , MONO , 多謝你地讚賞 !
剛落左D種子, 春播要種苦瓜及青瓜, 仲有落多左一水沙律菜. 因為呢D沙律菜已經係水尾了, 再無之前咁大塊.

回覆點評:
JEFFREYNGCM , 大家一齊努力喇~~

昨日請假響屋企執下屋, 上去天台度影下花.
前日響花墟買多左一盤單瓣寶蓮燈, 好大盤好靚好多花~~~ 而家正物色緊吊盤比佢.


葡萄風信子 ~

有機意大利長蕃茄陸續結果了, 呢隻係第八隻, 取名"阿八"


響影緊花相0既時候, 大廈清潔阿姐走左上來   ...... 猛叫我唔好種咁多花, 種多D菜食. (咁多菜都唔夠? ) 又話係咁以淋下水就有野食. 頂唔順的我本來都係無乜答佢野 , (因為我較緊個相機.... ) 一聽到佢咁講就即刻"糾正" 番佢 :
阿姐, 如果係咁以淋下水有得食, 咁人人都去淋水就得喇, 鬼使買咩........
佢好似聽唔到我講咁, 見到我D蕃茄仔, 仲要好大聲咁話: 嘩, 結好多茄仔, 唔食得架係嘛? 睇架咋呢D .....
後來佢BLABLAHBLAH 講左一大撮野終於入正題了:
對面有2層樓個住客都係搵我去幫佢地天台淋水種菜架 (   咁你連我種D沙律菜/蕃茄都唔知係乜來 ??) D住客又乜都唔使做就有菜食囉, 幾好呀~~~
最後我都好禮貌咁回覆佢 :
我中意種菜, 就中意自己打理番, 而且要有收成又唔係淨係淋水就得, 又要捉虫又要落肥, 種左三年野都未學得哂, 仲要慢慢學. 唔辛苦就唔得世間菜架, 所以真係唔需要勞煩你喇~~
最後阿姐好無癮地就走左....... 但我真係發覺有好多人, 睇一D野真係睇得好簡單, 種瓜種菜種花如是, 做蛋糕甜品如是 ......

JicJicmom 發表於 2012-2-11 09:59
昨日請假響屋企執下屋, 上去天台度影下花.
前日響花墟買多左一盤單瓣寶蓮燈, 好大盤好靚好多花~~~ 而家正 ...

積積媽, 好多人見倒別人既收成, 真係以為好簡單, 當中用左幾多心機時間外人唔會知, 淋水施肥除蟲修剪, 種室內果D仲要成日搬黎搬去就個太陽, 好似做苦力, 農夫其實流過幾多汗真係不足為外人道. 只係謙虛既農夫通常都將種菜辛苦既過程輕輕帶過, 只開心咁享受甜美既收成, 好似積積媽你咁啦. 做蛋糕甜品亦係, 學左廿年都未學完, 十隻手指頭成日起卜, 又試過比焦糖彈到半隻手嚴重燒傷, 有個同事都以為好簡單, 教佢又要用自己方法整, 芝士蛋糕未雪實黎脫模, 點知成個爛開走黎鬧我怨我, 又唔跟凍水熱水用, 亂整, 所以我以後都唔鬼理佢喇... 真係完全明白晒積積媽你呢段說話呀!

彩虹小姐,
我相信大部份農友都好明白農夫好辛苦, 一米一菜得來不易. 以前唔識唔知, 都覺得應該係無咁簡單. 到自己落手落腳去做, 頭一排真係食哂白果, 全部去哂堆肥......... 到而家有少少野睇下就已經好開心, 乜野辛苦都唔記得哂喇~~ 就算種唔好/種C左, 都係心機勞力一部份, 拎去堆肥都當係延續自己0既心血 ( 嘩, 當堂開心哂 ! XDDDDDD )
我都有好似你朋友咁0既朋友, 有時佢地問我, 我都話我唔識, 寧願叫佢地去自己學...... 真係好怕呢D乜都推響人地身上0既人架.......
我地得閒又可以互相研究下甜品呢~~ 尋日買左隻魚翅瓜, 今日希望搵到靚菠蘿可以整菠蘿酥喇~~

我曾經整過菠蘿卷, 但D餡偏乾, 味道就OK ~~~



回覆各位點評 :
唔好以為我好勁 , 呢D略為見得人的, 係試左成 1X次後的成品 ~~

JicJicmom 發表於 2012-2-11 12:41
我曾經整過菠蘿卷, 但D餡偏乾, 味道就OK ~~~

嘩，你地你地.......好過份呀，個個都咁勁既

JicJicmom 發表於 2012-2-11 09:59
昨日請假響屋企執下屋, 上去天台度影下花.
前日響花墟買多左一盤單瓣寶蓮燈, 好大盤好靚好多花~~~ 而家正 ...

絕對認同積積媽所講，種植既過程又點會容易？尤其係有機耕種，啲蟲就攪到頭都大，落咩肥都大有學問，我地呢啲新手仲有排向你地前輩請教。其實個阿姐見到你既收成就應該知道唔係每日幫你淋水就可以咖啦。

一田瑪莉剪頂後 , 側芽長得與主枝差不多高了 ~~~

呢隻在超市買的枝條, 葉好長好大......

剪頂出來的仍尚在人間

有機意大利蕃茄

偷戀隔牆瓜的桑樹枝條被小寶大刑侍候剪左出來 , 我拎番來試插枝 ~~~


雞扒瑪莉出場 ~~~

小寶阿SONG 近況~~~

開始要清理門戶了~~~ 尋晚清左3個菜盤~將舊菜清走, 我會專登留下廢根, 然後同D枯葉/ 枯枝 及 D堆肥一齊放入桶內 , 加入腐熟的花生麩水齊吽番佢3-4個月.

呢個吽泥方法係參考花園仔老師的帖. 個人覺得呢一年以來用呢個方法去吽泥, 響種子發芽成長期內, 植物無故枯死 / 泥土發毛等等情況大大減少. 當然, 無喇厘頭瓜柴的仍有, 但比起以前已好左好多.
個人覺得比燒泥好, 除左唔使捉虫 / 蝸牛之外. 仲會因為枯葉/根/枝在麩水下發酵 , 可以提高番泥入面0既有機質 , 健康0既泥土至會有健康0既植物嘛~
此舉會用多好多花生麩水, 所以我會在每一季清理門戶時, 順便吽番1X 罐麩水, 留待追肥 / 吽泥時用.

士多啤梨收成全部落哂姪仔 "小喇巴" 肚入面~~~

一田瑪莉長得好靚, 令我有好大成功感~~
秘訣係: 我無攪佢~~ 放養形式~
一直放響通風+見光位置~~ 留意底部要通爽.
用吽過的肥泥, 未有追肥~~~

所以響佢未無喇喇瓜柴之前, 貼番個成長片段回味一下~~~
15/10/2011 在超市買佢返來~~~
因為個人覺得佢地遠道由外地而來, 應該坐飛機時雪過下, 所以就浸一日水當解凍~

17/10/2011 切斜下珠石浸水等出根

23/10/2011 出根

25/10/2011 陸續出根

4/11/2011 出根情況理想, 上盤喇~

出根不太理想的, 繼續浸

一直放養唔理佢  ........
12/2/2012
幫佢剪頂

16/2/2012
明顯地側枝高左.

21/2/2012
側枝與主枝一樣高~~~

又再插番D一田瑪莉來送比朋友~~~
合共買左 11蚊, 插到12棵.
呢度只係其中幾盤

除左瑪莉, 仲有阿 SONG

雞扒瑪莉見到隻豬無腰骨落得咁0既下場, 喇喇林的起心肝, 搵番條腰骨出來.....

香水菠蘿要開花了~

鬱金香Rococo 出了花苞



花韭都要開花了~

新正頭後有好多柑橘上市, 買來做左柑橘糖~~


一份柑橘+半份糖 , 煮至充份糖漬後, 入100度焗爐烘乾一小時左右, 取出放涼後滾上砂糖.

JicJicmom 發表於 2012-2-24 09:42
又再插番D一田瑪莉來送比朋友~~~  
合共買左 11蚊, 插到12棵.
呢度只係其中幾盤

小白, 好耐無見~~~

ZOEY, 有架, 都種左3年幾了. 但第一年已經結過果, 當時下左盤有7-8個月左右.

鬱金香開花了~~~
Parrot Tulip "ROCOCO"




明明買左3個rococo , 點知有一隻係便宜仔.....

看看人家的 Rococo .....
http://purpur.blogspot.com/2010/12/rococo-tulip.html
早2年在某鬱金香攝影展見到的相, 驚為天人.....
( 相片來源: 2009龍環葡韻 馬志信鬱金香攝影展 )

仲有花韭

由種子種起, 種左3年的八角櫻桃有花苞了
( 相關資料: http://hkplants.com/thread-25054-39-1.html )
花老師的介紹: http://hkplants.com/thread-25054-38-1.html
八角櫻桃的"小時候": http://hkplants.com/thread-25054-57-1.html


今天早餐~~