積積媽的瓜瓜菜菜果果 (UPDATE @10/5/2012 )

26/2 下0既種子, 1/3 見到有芽出來了~
係過左期的士多啤梨形迷你蓄茄 , 2009年買, 2010年底前種左一次. 呢包, 已經過期超過一年.
不過因為我放響雪櫃入面, 可能因為咁所以至可以發到芽.


另外仲有過哂期的甜/辣椒 (  預計要14-20日發芽)  :
HABANERO
MUSTARD HABANERO
JALAPINO
MINI BELL
過哂期的迷你蕃茄 : BLACK CHERRY , SUN CHERRY , CHERROLA
無過期0既, 就只有苦瓜, 芫茜, 蔥頭, 迷你青瓜及壽司青瓜. (預計10日內發芽)

早幾日喪熱又堅凍, 玩左幾日之後, 植物反而長得快左 !!!
七彩蘿蔔 大得好快~~

前晚為無花果及八角櫻桃轉左盤,



有機種長蕃茄 , 種左2棵, 同樣生長環境+泥+肥料, 但結果都係有高低.....
一棵長左超過廿隻果, 另一棵才有8-9隻. 會唔會響後段發力, 真係要放長雙眼去睇+等~~

矮種蕃茄 , 每日都有8-10粒可以收成. 種左咁耐, 一棵至少收到超過100粒, 完全係意料之外.
所以, 泥膽大, 泥夠肥, 真係無乜唔可能的.......


除左迷你茄, 沙律生菜都長得好快~~ 2-3日可以食一轉~

llaus  積媽真"強",連發苗都咁齊整----叻
蛙哥, 唔整齊d點可以再加碼...... 我仲有好多苗要發架.......

26/2/2012 , 響雪櫃摷左堆過期種子出來. 出到就出, 出唔到就算.
五天後
士多啤梨型迷你蕃茄 "BERRY"
原包未開封種子, 12/2010到期, 100% 發芽, 落7粒, 出7粒.

因為陽光不夠, 所以長了了, 軟黎黎, 昨日晒左一次太陽之後, 即時有哂腰骨.

已開封的種子, 比佢遲2日.
"Black Cherry "  12/2010到期, 落6粒, 出左3棵

新買迷你青瓜種子, 5天發芽. 100% 出芽




其他的仲有椒類, 平時發芽都要番7-14日, 過左期成年幾, 我估都無咁快, 所以就按種子袋上說明, 將佢地放響陰暗地方, 迫佢地出芽.

好朋友送的台灣長果桑, 希望可以插枝成功,

真係好長的桑 !!!

花韭今年開左好多花, 今次係一棵入面的第三朵了~

我今期最好樣係得佢。

mono  點解妳過期個啲發到芽？我過期個啲粒粒都無影。士多啤梨型迷你蕃茄 "BERRY" 會幾高？
MONO , 我所有種子都放入雪櫃蔬果格入面. 可能無受熱所以保持到. 已開封同未開封的 , 都有少少差別.
我用育苗盒+蓋保濕, 咁會易發芽好多的~~
BERRY 係T&M種子 , 上次種過都好大林架, 成2米高+多橫枝 ,可能因為我無摘頂 / 側芽, 所以會好大林.

我個兩盆係 Yates 'Tiny Tim'。妳應該種過。

JicJicmom 發表於 2012-3-2 09:47
早幾日喪熱又堅凍, 玩左幾日之後, 植物反而長得快左 !!!
七彩蘿蔔 大得好快~~

cklife  泥膽大, 泥夠肥, 真係無乜唔可能的<---泥膽大...係咩意思呀?我睇唔明呀..

CK , 我都係睇/聽人地咁講唔知有無理解錯架....
泥膽 = 花盤+泥~即係植株0既盤夠大, 泥夠多+深.
呢個品種只係需要8寸盤去種, 我用到成11-12寸, 而且基肥落得好多下.

JicJicmom 發表於 2012-3-6 00:43
mono  點解妳過期個啲發到芽？我過期個啲粒粒都無影。士多啤梨型迷你蕃茄 "BERRY" 會幾高？
MONO , 我所有 ...

MONO, 地方有限, 次次都種唔到幾多, 種子一定有剩. 唔好好保存, 又怕留唔到下一季.
所以都係搏一搏 , 睇下可唔可以保留得耐D~~~
你都可以試下. 用報紙包好用剩的種子連種子包裝袋放入ZIPLOCK BAG, 存放響雪櫃蔬果格.

最後今年驚螫都無行到春雷~~ 唔緊要喇, 我相信勤力D一樣會有好成績~~
蕃茄苗晒完太陽, 靚番哂~~
Tomato "Berry "

Tomato "Black Cherry"

迷你青瓜

上星期下過雞屎肥+熟肉骨粉的長蕃茄, 又開始出新果.
呢隻又係雪人~~

插枝中的桑~
仲有爬行中的小蝸牛~~ 即捕即殺~

長果桑尚在人間, 受人所託, 要開枝散葉, 希望唔好令朋友失望~~

一田瑪莉香味好濃, 真係無種錯佢.

我D過期種子椒類, 開始出芽了~
呢隻種子應該係我家大夫響09年去格肋底時買返來比我的~


發芽率 低過50% :

呢隻係上2星期在衫兄買的

發芽率 100%:

種子, 都係愈新鮮種愈好架~
另一隻辣椒 Jalapino

迷你蓄茄"Berry" 開始出真葉~ 呢個星期尾要轉盤了~


八角櫻桃開花了~~



檸檬花

朋友媽媽送來的黃薑

雨中生菜

意大利有機長蕃茄開始紅了.

曾被我譏為便宜仔的鬱金香 , 原來是天鵝~~



上面2張忘了調較相機, 並不是原色. 原色是帶藍底的粉紫, 綠色部份較深.
下面呢一張係今日影的, 100%原色.

JicJicmom 發表於 2012-3-8 09:39
我D過期種子椒類, 開始出芽了~
呢隻種子應該係我家大夫響09年去格肋底時買返來比我的~

noel_tt  插枝中的桑苗怎樣? 成功嗎? 你d 野好靚  
NOEL TT ,
D桑枝仲尚在人間, 但而家來睇佢插唔插得成, 好似仲係太早. 我估過多半個月喇, 有新芽長出來, 就真係為之OK喇.

DORA  朵花靚到呀！積積媽種 d 野好靚！  
DORA ,
你地太客氣, 其實我種野都好求其, 似我阿娘話齋, 只要我唔係成日去掂D野, 應該無咁快死.....

DORA , 曾幾何時我真係個殺手來架.... 種乜死乜.... 就算簡單如淋水, 我淋完之後棵野都有排醫......
我阿娘不知有幾多野死響我手上..... 我種野都係因為唔信邪.
種野種左幾年, 開頭真係種乜死乜... 又心野野, 乜都想種... 後來因為屋企事忙又要進修, 荒廢左一段時間. 再上去天台睇下時, 發現有好多野都仲尚在人間, 而且仲生得唔錯.
自此我無再攪咁多野, 種少左品種. 響一開始轉盤下基肥時就同植物定好哂位, 唔好日後再搬來搬去. 盡量少D去打攪佢地, 由得佢地自己生, 各安天命.
講嚴緊, 我覺得應該係響一開始培苗+定基肥+定植時要嚴緊 , 我一直都以花老師0既帖做指路明燈, 佢0既帖, 我睇左超過五次, 次次都有新得著, 次次都有新筆記~~
講求其, 就係響脫離"危險期" 開始, 生/ 唔生, 都已經定哂, 授唔授粉  / 結唔結果, 就等個環境去決定 , 唔好因為人為因素去打擾左植物生長時間表.
( 講明先, 呢D只係我自己個人睇法, 人人0既種植心態 /環境 / 條件唔同, 不喜勿插~ )
曾有高人同我講: 千祈唔好濫種, 虛耗精力, 磨損意志....  
呢幾句, 對我來講, 真係至理名言.

cklife  我D植物死法同你唔同，通常都係丟埋一邊唔理就死左...依家種得生既野，我都係睇實先生到...我唸係因為我太懶...

CK , 我想人人種植環境都不一樣, 而且有D物種真係睇少眼都死. 所以真係唔係可以同一而喻. 都唔係太懶0既, 要植物長得好, 其他因素都好重要....
我相信物競天擇, 適者生存. 在我來講, 又唔可以放得太多時間響務農上, 腰骨又唔生性, 所以, 只可以選一D想食0既, 易種0既, 容易成功0既. 雖則話好求其,  但基本都一定要比足: 水一定會淋, 肥一定要追. 其餘0既, 隨緣喇~
( 所以, 你地睇黎睇去都係0個幾隻茄, 0個幾棵菜. )
今晚就影D醜樣野比你地開下眼界~~

JicJicmom 發表於 2012-2-21 12:02
一田瑪莉長得好靚, 令我有好大成功感~~
秘訣係: 我無攪佢~~ 放養形式~
一直放響通風+見光位置~~ 留意底部 ...

Marau  Jicjicmon 您好, 睇左你呢個 post, 令本來放棄插迷香的我 (去年10月開始試插枝至今未有成功過) 再試, 今晚再去買 pack 試過

MARAU ,
去超市買枝條, 要留意下佢地新唔新鮮, 唔新鮮都一樣插唔生的.
PK , 米康呢D凍貨通常都放左好耐, 而且唔平, 我記得一包/盒都過 $20 , 反而有時city super有平貨賣大約12-18蚊左右. 我呢D係響一田超市買,產地係阿拉伯.  最近睇到唔需要10蚊就有一包.
最好揀D木質化左, 葉子新鮮0既會好D , 若葉子 / 芽頂有發黑跡象, 就唔好買了.
呢一排0既天氣, 可以試插泥 (要留意保濕) , 一部份插水出根, 成功機會會大D 架~~ 祝你成功~

JicJicmom 發表於 2012-3-8 11:49
DORA , 曾幾何時我真係個殺手來架.... 種乜死乜.... 就算簡單如淋水, 我淋完之後棵野都有排醫......
我阿 ...

多謝積積媽既心得同提示，話重心長，感激！
我都係成日睇老師個帖，只係睇左兩次半，自己蠢，睇到第三次先識得抄低 d 要點。有時碰到問題就問老師或其他前輩，好在呢度個個都好好人，邊種邊學，收成就麻麻啦。

JicJicmom  DORA你唔好咁客氣~我都係分享下自己感覺. 種野真係要無壓力至會種得開心架.

收到，唔該哂積積媽！

JicJicmom

我的士多啤梨 (韓國&美國長柄) 狂出走莖.. 你 d 會不會? 你用咩肥... ?

積媽，忍身好一陣子的ALISON 上來和你打個招呼…掛念呢！ ^^

生菜種得好靚！

alilovebyj 發表於 2012-3-9 18:00
積媽，忍身好一陣子的ALISON 上來和你打個招呼…掛念呢！ ^^

ALISON ~~~~~~ 好耐無見呀~~~~ 你好嘛??
春播名單有乜呀你 ?