積積媽的瓜瓜菜菜果果 (UPDATE @10/5/2012 )

夜香花開左花D花蜜真係好香甜~難怪螞蟻會咁喜歡佢

過左去0既星期六及日, 仲未砌到隻菜架, 因為要執好+重組室內0既野, 將一隻圓角位花架搬出去天台 , 砌好一隻木架, 將膠箱內植料/泥放上架, 騰空2隻舊膠箱出來做堆肥箱.
轉好哂之後, 發現電鑽原來唔響屋企, 要入西貢娘家拎番出來. 所以堆肥箱又要等多一兩日了.
做唔到堆肥箱, 於是又轉出去天台, 繼續處理舊泥. 尋日好太陽, 晒左成3大盤舊泥, 好多虫響入面, 落左好多茶籽粉+矽藻素, 中午時份, 再將上星期打風前燒好0既草木灰+雨水, 平均咁洒響晒緊0既泥上面. 夜晚又混好各種肥料+花生麩, 放埋一邊等佢地發酵, 等八月中打後可以種野用.
另外因為生活習慣有D改變, 積媽日後去娘家食飯機會會少好多 (阿娘要揍孫嘛) , 所以日後會自己放工後響屋企煮飯~ 廚房廢物會多番好多, 所以買左一隻有蓋膠桶番來, 會將菜葉/果皮/廚餘等等做堆肥去~~
膠桶響十蚊店買, $20/隻~ 有蓋+2邊可以卡實~

希望今晚可以做到隻菜架喇~ ^^

唔知點解D唐檸檬蒂位會咁樣 ? 又係有病? OR 缺左某D養份?

今日天氣好好~~~  上去影左D相....發現...
菠蘿黃左呀~~~ 係唔係食得呢?
JicJicmom 發表於 2010-7-24 09:48

聞下佢香唔香 ??
如果熟晒離遠都聞倒好香

回復 3004# paulpaul

無味......

回復  paulpaul

無味......
JicJicmom 發表於 2010-7-26 13:29

繼續等

過左去0既星期六及日, 仲未砌到隻菜架, 因為要執好+重組室內0既野, 將一隻圓角位花架搬出去天台 , 砌好一隻 ...
JicJicmom 發表於 2010-7-26 10:42

積媽,
睇你啲刀工都知你廚藝有番咁上下! 啖湯一定好清甜!!

你啲廚餘有無分開啲肉唔要架?我要埋架,平時就咁掉就唔多覺,當每日要"special care"時先知平日原來我地有咁多廢棄物! 我一個星期左右先放佢地入堆肥箱,我又會剁到佢地細細粒咁放入雪櫃等放假攪囉,功夫又多咗...你會唔會咁架?

回復 3007# muitau
妹頭~~~
睇野唔好睇表面呀. ..... 我D廚藝係嚇死人架~~ 大夫無得揀至會食哂D野落肚......
d廚餘暫時黎講我仲係用植物性為主. 因為我地食肉唔多, 菜多過肉, 而且肉我又怕會吽臭, 所以都唔會用肉去堆肥喇~
奸奸有朋友話送隻堆肥桶比我, 好鬼開心~~~ ^.^

回復  muitau
妹頭~~~
睇野唔好睇表面呀. ..... 我D廚藝係嚇死人架~~ 大夫無得揀至會食哂D野落肚...... : ...
JicJicmom 發表於 2010-7-26 16:14

唉..堆肥...睇到人玩我又玩，見有人話用尼龍裝，唔臭，又去試，嘩...臭到死。

仲要日日枱上瓦頂晒佢，佢又有水流出尼.....等我又拼命加乾泥入去，都仲係好鬼臭，依家最怕係隣居投拆。


但攪左佢成個月，又唔捨得掉左佢，佢仲未儲滿架...所以仲未開始同佢計日子。

回復  muitau
奸奸有朋友話送隻堆肥桶比我, 好鬼開心
JicJicmom 發表於 2010-7-26 16:14

而家我地見到啲大膠桶,如果仲要係有蓋果啲真係好開心架! 尋晚我都將一個3尺高儲滿雨水既藍膠桶推埋一邊等淋花用

唉..堆肥...睇到人玩我又玩，見有人話用尼龍裝，唔臭，又去試，嘩...臭到死。
仲要日日枱上瓦頂晒佢，佢又有水流出尼.....等我又拼命加乾泥入去，都仲係好鬼臭，依家最怕係隣居投拆。
但攪左佢成個月，又唔捨得掉左佢，佢仲未儲滿架...所以仲未開始同佢計日子。cklife 發表於 2010-7-26 16:36

用尼龍袋?漏晒啲水走晒出黎?! E~~, 你係上面加泥無助佢係下面漏水架喎....
點解唔扎實佢, 由得佢一直係天台晒, 你剩係每日拎要加既野上去呢? 咁唔係方便啲咩?
你用個桶裝住成個尼龍袋會唔會好啲呀?! 真係大整古呀!
我果箱尋日滿喇, 可以封箱喇!

回復 3011# muitau


    我有個大的圓桶有蓋的,你愛嗎?我諗住掉架

回復  muitau
我有個大的圓桶有蓋的,你愛嗎?我諗住掉架
may.sun 發表於 2010-7-27 09:27

我愛我愛十分愛,不過有幾大個呀,我記得你好似同我住唔同區,
如果半個人咁高我都可以自己黎攞,跨區就窄窄地 ,男友一定唔0采我...
不過都多謝先!

唉..堆肥...睇到人玩我又玩，見有人話用尼龍裝，唔臭，又去試，嘩...臭到死。

仲要日日枱上瓦頂晒佢，佢 ...
cklife 發表於 2010-7-26 16:36

    嘩.......妳鄰居知妳堆肥還好, 唔知以為發生命案報警...............

我都發現前日我箱堆肥個底穿左窿..... 真係好鬼臭....
而家用D泥響箱底UP 住佢咋..... 今晚要轉箱, 唔係之後落雨我就煩喇....

我都發現前日我箱堆肥個底穿左窿..... 真係好鬼臭....
而家用D泥響箱底UP 住佢咋..... 今晚要轉箱, 唔係之 ...
JicJicmom 發表於 2010-7-27 13:19

你個堆肥箱係咪發泡膠箱呀? 因為尋日我見個堆肥箱個底有幾處啡色一撻撻咁,我就諗喇,無理由滲漏丫,個箱都無用過, 入面又只係啲廚餘,無理由會"拿"成咁....死啦,而家落雨喎,濕晒啦你啲泥....

仲有我想請教你點燒土木灰架?話說尋晚我用火機,點極都唔著,即係燒唔起,一陣又熄,得個煙字....後尾我唯有叫男友用火槍燒,不過都係燒先著(我啲係晒乾晒既樹枝,枯葉,殘花,龍眼穀等)

回復 3016# muitau

妹頭,
我都係用火鎗去燒, 不過D枯木/葉就會晒得好乾至去燒. 有時會將D無用廢紙堆埋一齊燒.....
上次0既草木灰, 我響晏晝燒過一次, 隔左5粒鐘再燒, 咁就燒到約8成喇~

用尼龍袋?漏晒啲水走晒出黎?! E~~, 你係上面加泥無助佢係下面漏水架喎....
點解唔扎實佢, 由得佢一直係天 ...
muitau 發表於 2010-7-26 16:50

當然有扎口喔...唔係D虫虫就會走入去架喇....
   我睇到既教法係話無水架...係話要加乾材料入去一齊吽，我都有加一層廚餘一層乾泥，我諗可能係泥唔夠。
唔係就咁丟係天台由佢日晒雨淋呀....我得個瓦頂係露天，有太陽我就抬上瓦頂等佢晒，黃昏就拎番落黎，夠乾真係無乜味。
所以我諗可能乾料放得唔夠...但咁樣...用既廚餘好似太少囉....

下次試下另一網友介紹兩個筒叠埋先。

我隻香水菠蘿開始有香味呀~~~


我而家0既天台, 只有夜香花係不停有收獲....

我隻香水菠蘿開始有香味呀~~~


我而家0既天台, 只有夜香花係不停有收獲....
...
JicJicmom 發表於 2010-7-30 11:34

時間啱啱好~過多十日八日就食得喇~