回復 2616# 花園仔
積媽好!
所以我整咁多車仔囉!
前時為咗呢個問題曾同政府農場嘅主任傾過,
佢提出農民體作業中引致健康出問題嘅最多病例就係條腰嘞!
仲提出檯面種植方式嘅好處及基本方法, 當然只係啱我地啲玩玩吓人士啦!
但, 睇電視裡面外國啲大型網室種植場我都見佢地用檯面(或水栽)種植方式黎生產架!
==================================================
早晨呀 ~ 老師及小寶好~ 多謝關心喇~
積媽腰骨係舊患黎,無仇報, 所以而家唔敢成日連續做幾粒鐘, 做幾盤, 就停下, 做幾盤就等第二日再做. 又重又高身0既野, 直頭唔敢種....
檯面式0既種植方式, 我都覺得好好呀, 而家睇緊位+度緊尺寸, 想用角鐵黎做支架 , 另外要考慮用邊一種菜盤~~ (陳乜記0個隻老師推介唔知會唔會太重 , 十蚊店0既長盤, 好似又淺左少少咁.......)
另一個想做檯面式種植0既原因就係, 我0既種植地點係響天台, 而家d盤放響地下, 好驚造成地下 / 地腳/ 牆角有枯葉及泥土堆積, 長期係咁唔衛生亦怕影響日後去水.
而且天台某地點有水錶位 , 而家0既LAYOUT 令水務署哥哥仔抄錶好辛苦 , 所以至會有咁0既考慮.
到咁上下我貼個設計圖上來大家研究下喇~~ |