大家好! 有問題嘅朋友仔請先仔細睇吓下面所寫嘅嘢, 睇吓邊D啱你用囉!
花生麩加上骨粉(等于混合肥)黎做基肥令泥土含有豐富嘅植物所需要嘅氮, 磷及鉀肥嘞!
花生麩及骨粉體泥土內會經過發酵先至有效架,
發酵嗰陣係好熱架甚至會燒傷植物D根添,
所以施放就要留意嘞:
基肥施放 ------
混合肥溝泥淋水後最少一個星期先至種嘢. 咁D植物一種落去就係肥沃嘅土壤嘞!
如需要立刻種嘢嘅話可以先將混合肥溝泥後放體盆(或地)底層, 然後體上面填泥先種嘢,
避免植物嘅根接觸到未發酵嘅肥土啫! --
過一段時間植物D根生長越過填泥深入已發酵嘅肥土咪可以吸收囉!
追肥 ------
按唔同植物需要施放唔同種類唔同份量嘅肥料
一般瓜菜主要用氮肥(花生麩), 磷鉀肥(骨粉魚肥)都重要架!
花生麩最好浸水幾個月等佢發酵夠至溝水黎淋植物.
冇喎, 咁點亞?
體距離主莖遠D地方(唔好掂到根)輕輕挖低D泥將花生麩放落去,
然後冚翻面泥!
如果挖落D泥面下好淺就見到根嘅話, 咪將花生麩放體距離主莖遠D嘅泥面上,
然後冚翻D泥體上邊喇!
(注意骨粉都係咁做啫!)
所以盆唔好咁細 -- 唔使D肥咁近主莖
盆泥唔好咁滿 – 方便加肥後冚翻D泥, 或棵嘢露根時需要冚翻D泥而唔會滿瀉!
如果冇條件或改變唔到千祈唔好鑑硬落花生麩骨粉呀!
落有機粒粒肥囉, 又干淨又平! |